#NSS個人
[Guest] Hello🙈我係嗰個17歲就嚟18歲，話不幸意外懷孕既女仔，啱啱睇到自己投稿既post，我可能因為講得唔清楚，所以可能令到大家誤會或者疑惑左少少，喺度講聲唔好意思先🙇🏻♀️
.
就咁既～上個禮拜我試過同阿媽講，如果依家呢個年紀唔帶身分證出街，可能會比差佬捉，但係都係說服唔到佢😔佢話咁多年嚟我冇帶身分證出街，都冇比差佬捉過，所以冇必要擔心；就算我諗住偷偷地喺佢間房攞返張身分證，我完全唔知佢擺左喺邊，間房又多嘢又亂，加上偷偷地攞返張身分證又唔係咁好，所以最後放棄收場，再諗辦法。
.
至於點解會咁快「知道」自己有左，係因為我計過食避孕藥既時限，直至今日啱啱過左一個禮拜左右。72小時又好，120小時又好，都係錯過左時間，就算依家臨急食避孕藥，都應該失效左，而且我同我男朋友去藥房，萬寧，屈臣氏睇下有冇事後避孕藥，但係可惜冇一間有事後，得番事前，同埋藥房好多都冇賣或者冇貨😔所以最直接方法就係去家計會😔直到今日，男朋友喺一間藥房搵到有賣事後避孕藥，但係因為冇貨，最遲都係後日左右先有，當我哋以為有奇蹟出現，可惜食藥時限已經錯過左，或者走投無路。所以我所講既意外懷孕只係推斷，同埋覺得懷孕個可能性都頗大，並唔係confirm左係懷孕，講得唔清楚唔好意思😢🙏🏻
.
咁依家我同男朋友既取向一致，如果有左，食事後又失效既話，就選擇終止懷孕藥物療程，因為我哋負擔唔起😔經過今次教訓，我同我男朋友都會多加注意。
.
咁至於係咪confirm有bb，我會隔一段時間買驗孕棒去check下，如果萬一中左，我就會再諗諗辦法，多謝大家關心同意見！🙈