#NSS愛情
[HTYC] Tittle: 我想知究竟我係同性戀定係異性戀?
小妹form 1，第一次投稿。 同性戀呢個問題已經困擾咗我三年。 以下我自己有D特徵想大家幫手分析一下…..
1. 由我五年級開始入咗精英班， 對所有事情都好大壓力。有一個女仔開學嘅時候開始同我傾計，我ㄧ見到佢我就會好心動(唔知係唔係一見鍾情)。 開始慢慢同佢做咗最好嘅朋友， 之後無論佢叫我做咩，我都會盡量去幫佢因為我鍾意佢。到咗六年級我見到有個男仔同佢好friend，小息ㄧ齊玩。我有少少妒忌但都會默默祝福。
2. 升咗中一之後， 我同嗰個朋友都有keep住contact。 之前望到一個同班女仔又感受到一見鍾情嘅感覺，一望就覺得佢好清純、女䄂feel。亦都同佢成為好朋友，我哋一齊放學咩都傾下。 當得返我哋兩個嘅時候，我望住佢心跳會加速。後來我同佢表白佢都肯接受， 如果你見到呢一篇，多謝你😊😊。
3. 即時喺街上面見到陌生後生女仔，會有種莫名其妙嘅感覺。有時啲同學畀靚仔我睇，我好平淡。但係我依然對嗰個女仔一條心😶
唔該大家幫幫手分析下，sorry for 1999😅😅