#NSS個人
[GUEST] 小妹第一次投稿 ， 請多見諒🙏
小妹今年中五，我啲朋友都覺得我係一個樂觀既人，但係我由細到大都有一個問題，就係我控制唔到自己喊。
每年家長日一同老師講依個學期既經歷，講講下就會不由自主咁流眼淚，無論考得好定差都係咁，我自己都覺得好尷尬，但係就係控制唔到。同屋企人傾計都係咁，一見佢地好認真咁樣，我一開口又會想喊，明明又唔係鬧我，只係討論，都係控制唔到咁喊。就連以前參加升中模擬面試，一開口做自我介紹，已經口震震，塊面發哂熱，再流眼淚。
我自己唔係一個好感性既人，睇戲好少會喊。學校做匯報、說話考試都冇事。我試過控制自己唔好再流眼淚，喺心入面係咁講「做咩喊？冇野好喊喎。」我自己都知根本就無野好喊，搞到人哋以為我好懦弱、少少野就喊，連阿爸阿媽都笑住話「哇，你又喊呀？我哋傾吓計咋喎。」我都唔想咁樣，我都想堅強啲，就係控制唔到。次次我喊完都唔知點解要喊，一星期起碼都無端端喊兩、三次。
我係咪應該要睇醫生？我唔知點樣先可以改善，我諗野都好正面，就係控制唔到自己喊。
sor for 1999
圖Link: https://imgur.com/gallery/zXFOvC5