#NSS社會
[GUEST] Re:NSS210430I
其實呢個問題一直都爭論不果，因為如果要講，眾生平等(生=生命)之下，其實人類冇乜權去評論其他生命點🤣啫係喺一個絕對嘅立論上，討論呢個問題本身係怪怪哋嘅，有啲似子非魚焉知魚之樂嘅感覺，係注定拗唔出客觀結果，唯有自我督促並互相尊重啦。
Well小弟只想輕聲問句，植物其實都會呼吸都有靈魂，亦有科學家証實咗農作物被收割時係有類似動物產生痛覺嘅反應，噉係咪話食素嘅都有份虐待生命呢？如果唔算，噉點解一去到動作又會算呢？但全部都唔算又好似唔得喎？
小弟個人認為喺呢方面，食物鏈內弱肉強食係天理，但真正嘅虐待動物，應該係浪費食物，因為噉等同於浪費佢哋嘅生命。
雖然只係電影，但《阿凡達》入面，女主角殺咗隻動物嚟救男主角之後，都有做類似祈禱嘅動作叫隻動物安息(sor唔記得咗實際係咩生物)。小弟相信，只要由心尊重各個生命，就自然唔會有虐待嘅行為或心態——極端例子好似某啲傳統嘅屠夫都唔會娶老婆甚至會斷六親，以免殺生之“債”禍及親人。噉嘅話，其實佢比起肆意浪費食物嘅人更尊重生命，實難話佢虐待了（唔關打工搵食事，如果個屠夫劏豬嗰時覺得鮮血淋漓好爽，噉或者大家都會認同佢有虐待傾向啦）
古時人類連生存都成問題嘅時候，根本就冇空間去思考道唔道德，都係不斷打獵殺生嚟食。唔係話照單全收就係好，但有啲真係自古流傳落嚟嘅嘢，未必下下都要用道德嚟批判——諗下係幾唔錯嘅，但如果諗到開始嫌棄食肉嘅人，就或者諗多咗少少喇😅
結論呢，尊重生命就自然不構成虐待，至於係咪/有幾尊重，就真係好主觀嘅…
sor for 1999 & 講完好似冇講過嘢噉
Thx admin🙇🏻♂️