#NSS個人
[沙田禾輋某中學] 小妹F1，153cm，48.7kg(強調)。
我2020年11月開始到今年3月頭，由當初52kg靠運動減到約48.5-49.0kg。我3月中開始因為溫習/做功課，由之前23:00瞓變到幾乎晚晚0:00後先瞓，近排考試更嚴重。我有加強運動強度，同之前一樣唔食甜品炸嘢，但係每朝磅重都係48.7kg，3個月以嚟一丁點都唔變，點努力運動都冇瘦過，脂肪一樣多。嚟m前一個禮拜更會重2kg，覺得自己成隻豬咁。
我鍾意嘅男同學連同另外三個男同學都真心咁笑我「醜肥豬」，我好無能為力，點努力都減唔落去，仲要俾人笑，好委屈，覺得自己好失敗。呢排加上考試，更加少有得運動，我每朝磅重都會喊，好擔心自己身形。試過上網search啲連登post講女仔點先算肥，見到有人會喺IG cap低d女仔嘅圖擺上去連登批評佢地身材，甚至喺地鐵/街偷影女仔嘅全身，擺上去批評佢地呢度肥嗰度肥嘅都有，我好擔心自己會成為下一個受害者。
重點嚟喇，兩個禮拜後我要同friend去迪士尼，想影相靚d，有咩方法可以突破停滯期，兩星期減3kg？唔好同我講減肥餐單/節食，我阿媽煮飯，冇得揀，但係都少油，每餐半碗白飯，多菜少肉。定係我應該暪住阿媽買Be**a減肥酵素嚟食？
Sorry for 1999