GUEST

大家好，我今年11，我成日都好自卑，好氣餒。
我家姐係讀香港top 1 嘅直資名校，但我係讀屯門一間村校小學，而且成績都只係徘徊喺70～75分。
我父母成日攞我同佢比較，因為我家姐小學年年考第一，攞曬獎學金，而我只係勉強入到精英班。
我好自卑，雖然我家姐成日叫我唔好理佢哋，仲陪我溫書做功課，但我好大壓力，每逢親戚問起我地兩個嘅成績，阿媽只係講家姐幾好幾好，完全唔想講我，仲逼我留班。
我真係好自卑……請問有冇方法可以同家姐一樣入到名校，唔再畀人睇小？