#NSS學業
[GUEST] 我由小一到依家中五一直都冇有過學業既壓力，所以永遠都唔明白其他投稿嘅人。知道我咁講會有好多人diu，但正正係因為呢樣嘢，我依家有個難題。
我讀嘅小學冇排名，考試又剩係得中英數，考之前更加唔會有溫書呢樣嘢，重完全唔記得自己有考過TSA ，又冇程分試。上到中學之後（小學直升上），仍然係冇任何學業嘅壓力，雖然永遠坐唔到喺書枱前面超過半個鐘，但仍然係叫知道發生咩事，成績都中上。
一直開開心心咁去到而家，但下年就中六啦，要考DSE，但都仲係冇任何壓力同動力去溫書。所以真係好想知道各位大師有咩方法可以有動力。因為諗住去澳洲讀大學，收分低，又成日諗住就算唔夠分都可以讀foundation。好想改變呢種諗法，又好想知其實書係要點樣溫，但真係唔知可以點開始。希望大家可以幫幫我。🙏🏻