#NSS學校
[GUEST] sry篇文少長
係咁嘅 小女係女校form3 上學期第一次認認真真咁鍾意左一個人，自己本來對性取向方面都冇乜執著或者反感，所以得知自己鍾意左佢嘅時候都唔係好意外，因為其實一早就有徵兆係我自己當時冇察覺到。從呢度開始我就堅持佢A啦。
由form1去到form2我地都係同一班，坐得都好近，最近都試過做同桌。自認f1-2同佢關係都幾好，至少我地唔開心會互相傾訴，會打打鬧鬧咁，宜家諗返都係好開心。雖然我對f2學校生活嘅記憶淨返好少，但係都好記得學期初允許出校門食午餐我地係點樣衝出去校門買飯又係點衝返去學校。跟住就去到f2下學期啦。f2下學期肺炎就出現左，不斷停課，我地都只可以係ig上面傾計。而係我不知不覺中我已經比左佢第一個特權：我同人傾計好少甚至唔會用語音，但係對住佢我冇所謂。乍看之下呢個特權好似好普通，但係我本身係一個好討厭send語音嘅人，但係對象係A嘅話咩都冇所謂。
去到f3，分班之後，我同A唔係同一班。當時冇太大感覺，只係覺得可以同佢翻學放學都已經足夠。但係隨住因為唔同班而相處嘅時間越來越短，我發現左我地之間嘅共同話體已經變到好少。最慘嘅係我仲要係個陣認清自己鍾意A。
鍾意左佢之後先發現原來暗戀係咁難受。
我都知佢有鍾意嘅人，我叫佢B啦，都係我地學校嘅，f1都係同我地同一個班。B係f1個陣對F黎講應該係比我仲重要嘅存在 大概宜家都係咁啦（苦笑
咁樣我都冇乜所謂啦 但係A仲要唔知一次同我講之前去旅行嘅時候B靠係A脖頭上面瞓著左。每次聽到嘅時候真係好唔開心個心好悶。但係人地鍾意邊個係佢自由，我都冇將我嘅酸氣發洩出黎，只係係隔離不時附和幾句。（f3上學期
到f3下學期啦 我地都係好似之前咁一起放學翻學，但係我地之間嘅氛圍已經同之前唔同曬。唔知係因為佢同我都比之前成熟左定點，唔知係因為唔同班生疏左定點 我地講野都冇以前咁隨心 起碼係我咁覺得
宜家嘅話題得返學校嘅野 選科嘅野 我好想佢同我講下佢嘅私生活啊，佢嘅煩惱啊，佢唔開心同我講多啲好冇好冇好冇？
最心疼嘅係佢同其他人可以傾得好開心，好豪邁，但係對住我都係一句起兩句止。每次我都搵話題搵得好辛苦，但係得到嘅回應都係好冷漠。我每次就會怪責自己嘅笨拙 點解唔可以再搵啲更加有趣嘅話題？
我同佢嘅興趣亦截然不同 佢鍾意韓星 我鍾意日本動漫同睇小說。玩嘅game類型都完全唔一樣，聯唔到機，ig傾計又尬聊。我究竟點算好，我真係好鍾意佢，鍾意到每次同佢搭地鐵都忍唔住靠近佢，相比佢稱讚，想同佢擁抱，想佢摸下我個頭。但係呢啲終究都係我嘅幻想。
佢係我第一個鍾意嘅人，第一個認認真真鍾意嘅人，我唔想放棄佢但係我好驚第時係佢身邊嘅人唔係我。甚至諗過如果全部親近佢嘅人都消失就好，我都知道我呢啲諗法好自私，但係明明從f1-2都係我陪住佢你地可以咁簡單就搶走佢？點解佢對住你地咁開心，可能佢對我開始無感，其實我宜家係咪要應該以一個朋友嘅身份盡快離開佢。
求admin post ig pls 有冇都thx
我知篇野邏輯有啲亂 但係我跟腦好亂唔知點排序
sor for1999