#NSS學校
[某 band 1 學校] 標題：我應唔應該拒絕佢
我有個「friend」，上年同我同班，佢有啲極罕見疾病，五官都好怪，光頭，佢完全冇其他朋友。上年同班嗰陣見佢同我玩同一隻 game，又見佢冇乜朋友，同情佢，所以開始同佢傾計，然後越嚟越熟，做咗佢唯一嘅「朋友」。
上半年都冇乜問題，我哋係正常嘅朋友。點知去到 final exam 前一個月，佢話想拍打機片上 ig，佢見我啲剪片技術唔錯，叫我幫佢剪片，諗標題、封面。之後仲得寸進尺，日日要我幫佢剪片，搞四五個鐘，冇時間溫書，冇 views 又質疑我係咪 hea 佢，見我啲 followers 多過佢，又要我幫佢宣傳，宣傳冇乜成效又賴我，好彩我考試的成績冇退步。暑假嗰陣仲要我一日幫佢剪兩條片，日日剪到夜晚12點，唔準時又話我。
今年唔同佢同班，真係謝天謝地，點知佢日日纏住我，做呢樣做嗰樣，我知道佢利用我，但我真係唔忍心拒絕佢，令一個有重病、冇朋友嘅人唔開心。
希望大家可以教我點做，唔想我嘅生活俾佢佔領。
求 po ig🙏🙏