#NSS個人
[不透露] 最近睇到咁多關於欺凌嘅post 我都想講下我自己 我講出嚟 唔係為咗博同情 只係想講欺凌者帶比我嘅傷害 真係永遠忘記唔到 每次諗到 點都會有啲唔開心  欺凌者對我嘅影響真係好大
我小四比人欺凌，咁其實我由細到大都好內向 我又唔出聲 咁自然就識唔到friend 小一小二小三嘅時候係完全冇人同我玩 日日都想喊 完全唔想返學 到咗小四 有個好衰嘅女仔坐我隔離 佢日日唱衰我 又話我矮 又幫我改花名 仲有一次視藝堂用顏料畫整落我件衫到 成日都無啦啦打我 我真係好痛 呢個女仔成日叫人唔好同我玩 冇人夠膽同我玩明明我同佢無冤無仇 點解要咁對我 我有同屋企人講佢欺凌我 但係屋企人就話我點解咁懦弱 話我冇用 話我唔識反抗 不斷責備我 所以我同屋企人講嚟都冇用 我知呢啲事講出嚟可能喺你哋眼中係一件小事 未經歷過 唔明好正常 因為痛苦永遠都係我自己一個𠄘受 人哋好難企喺我嘅角度去諗 真正理解自己嘅人 只有自己
小四至小六一路都係俾佢欺凌 同老師講又冇用 老師都係話下佢就算數同屋企人講又冇用 永遠淨係識話我冇用 唔識反抗 我冇辦法 唯有忍 就係咁 捱到小六畢業 本身我以為可以有新嘅開始 點知中一又係有人欺凌我 我中一入咗最差嘅班 上堂完全好嘈聽唔到書嗰度啲女仔好衰 成日對我郁手郁腳 成日打我 明明我同佢地根本就係熟 點解要搞我 嗰年真係好辛苦 我不斷努力讀書 成日熬夜溫書但係係真係有成果嘅 我啲成績真係好左 由唔合格 係真係好低分嗰種變成合格 有啲科仲好高分 我諗住成績好咗就可以去較好嘅班 點知個天真係幫我
中三嗰陣我真係唔使再喺原本嗰班 我嘅努力冇白費 我發現要改埋自己嘅性格 我知道我內向所以容易成為霸凌者嘅目標 我要改變自己 重新開始 中三我去到第二班 不斷撩人講嘢 打好關係 仲識咗一班friend 真係好多謝佢哋同我玩 我終於知道有朋友嘅感覺 徹底改變左自己 由一個內向嘅人變咗一個外向嘅人 喺改變嘅過程真係唔容易我成日都要迫自己去撩人傾計 迫自己做一個無話不談嘅人 變咗另一個人咁
中三之後 我係過得好開心 好多謝有班好嘅朋友陪伴我 再有人欺凌我嘅話 我唔會放過佢 我一定會以牙還牙 我都幾後悔 之前點解唔還手  人善被人欺 我唔會再懦弱 如果佢哋再敢打我 唔好怪我十倍奉還