#NSS個人
[香港某中學] 我好想同啲friend出街，但係而家疫情，阿爸阿媽就管住我，之前疫情冇咁嚴重嘅時候，佢地都唔緊張疫情，但係連出街都班friend食埋個晚飯先返屋企都唔得，仲話以後6.前要返到屋企，我就唔明點解食晚飯都唔得，佢地就話我仲細，出夜街好危險，但係我啲friend就去到幾夜都得，係唔係佢地對我太嚴謹，定係我啲friend嘅阿爸阿媽對佢地太寬容。到近排疫情高峰期，到而家3千幾宗，佢地就話到三位數先好出街，但係因為我家姐要考試，到差唔到五月先考完，跟住佢地就無端端話要等到我家姐考完先可以出街，而家都差成個月，可能五月之前就跌到三位數，之前又因為疫情，真係好想出街同去踢波，無端端要到五月，我唔知點做好，我啲friend而家都諗住出街，但係就得我一個唔可以😢😢，就算出到，佢地又要限制我去嘅時間，我覺得咁樣好煩，我可以點做好🥲，先可以令到佢地唔好成日管住我？