#NSS學校
[GUEST] 我有個阿sir好偏心我，但係對我來講係困擾
小妹今年F1，音樂老師係個阿sir，後生靚仔咁好多同學都好鍾意佢，但係我唔知點解佢會特別偏心我。剛剛升上初一佢就已經記得我既所有野，然後同我講野既時候啲語氣都會變得好溫柔咁，有阿sir鍾意其實應該開心但係佢令我覺得好奇怪，我同佢又唔熟我剛剛入學佢搞到我同佢好似一見如故咁，但係佢又唔係啲咩變態嗰啲，佢係好單純偏心我偏心得好勁lor
例如平時無帶音樂書佢就會記一個缺點同埋罰站，但係佢就話我有特權唔緊要。甚至會因為我唔記得帶而同大家講今日音樂課唔教書。我：？？？
我既同學都好清楚佢偏心我，有時可能會打趣咁話咩我阿媽比左錢佢，或者佢愛上左我等等，真係好困擾，佢既所謂特權我都會同佢講唔使，但係佢都會好堅持。有時啲同學無帶野就會同我講叫我幫手求情，佢地話佢咁鍾意你一定唔會咁嬲，我覺得好煩
我都唔明點解佢偏偏咁鍾意我同偏心，自問音樂唔差但係完全算唔上頂尖，真係好困擾。依家就來又要面授課我唔想再比同學討論同埋見到佢