小弟我有個女性朋友A，佢最近有啲感情煩惱同我傾訴，但係我A0唔知點覆/幫佢…（以下我用A稱呼我朋友，好似好疏遠，但係我同佢可以叫best friends/會deep talk?)
首先佢學期初轉左黎學校，開始無咩朋友，但係機緣巧合識左男B同男C。ABC三個都好好朋友，但係A同B相處耐左A就開始鍾意左B係鋼琴王子同性格開朗等，暗戀同追佢，到依家都四個月，一直以黎A都係認為自己鍾意B，同C保持返朋友關係。但係前幾日，A同B講到感情觀同擇偶條件，B就話女朋友身材一定要好、要係女神樣、唔可以短頭髮等等，就令到A覺得B好膚淺，突然就無左感覺，無左feel。同時間佢同C亦多左傾計，好多時傾下傾下就變左deep talk（家庭朋友愛情等等），佢就覺得佢同C好有共鳴/共情(empathy)，好欣賞內涵等等。
A依家同我講完兩個之後就問我，如果佢依家放棄追左四個月個B而走去黐著C同追佢，會唔會好花心/渣女？係我角度佢咁做唔係渣個表現，因為愛情觀唔同就好難變，轉「target」都好正常…但係我真係唔知係唔係good advice，亦唔知點答A，所以上黎求高人指點。
如果可以而admin容許，我會dm搵你問advice。ig名：trp30178（throwaway)