#NSS學校
[九龍某間女校] hi，我係上次#NSS220116F 嘅樓主
上次提到校園欺凌我已經收到大家建議，我可以講我冇呢個勇氣，首先同大家講聲對唔住，對唔住大家。雖然我唔夠膽同老師講，但我自己都諗開左，我唔會再諗自殺嘅野架喇。
其實對我黎講呢個世界唔係受害者就係加害者，不過唔使怕，我以我經驗同與我有相同遭遇嘅人講，其實加害者內心可能唔知道自己有錯，所以唔好理佢地，如果只係言語上欺凌你，就唔好太上心，如果係身體上嘅欺凌，揾人就可以，雖然我冇試過比人有肉體欺凌，但我深信有人幫到我地。
最後我好多謝大家，我地互相唔認識，但我睇到你地幫緊我，多謝大家。