#NSS個人
[Guests] 小妹我14歲，仲要話要三個問題，夢想，學業，溝通。夢想：我從5歲起就對唱歌充滿熱情，但我阿媽已經希望我Cut咗唱歌佢，因為佢認為學校更重要，唱歌只會浪費時間和金錢，但我不這麼認為，兩年前我看見一個唱歌比賽，我想參加，但係我的父母認為非常不切實際，浪費時間，但是當我觀看比賽選手嘅表演之後，我認為我可能係最弱嗰個，所以我已經開始放棄自己嘅夢想，因為我認為永遠都唔會成真 ，我也認為即使我參加咗，我也不會被選中。學業：係呢個疫情之前，其實我覺得自己都唔係一個特別叻嘅人，成績通常都係中間甚至乎中下。嗰陣時父母都冇話特別鬧，都係有時叫吓我溫書，或者唔合格嘅時候鬧下我，但係疫情後我都覺得自己太懶散，想改變又改變唔到，因為已經沉醉左喺網絡世界度，每日都係睇到凌晨三點至四點，甚至乎有上網睇過點樣可以令事件更加有動力做嘢，但根本冇用，睇見見着我側邊啲同學同表姐表妹，都入晒精英班嗰啲，我阿媽就好似覺得我特別唔上進，雖然我自己都覺得，但係唔係我唔想改變，而係我真係返唔到轉頭自從中二開始左之後，就越嚟越衰。究竟可以點做。溝通：同父母溝通唔到，我相信好多人都會發生。我阿媽訓夠嘅時候就好人，瞓唔夠就好似個痴線敢，精神分裂。雖然我自認我阿媽都唔係特別衰，但我唔明白，點解次次整親甜品，都唔相信我，成日覺得自己食鹽多過我食米但係根本我想自己試吓，你係咪以為你個囡係戇鳩嫁。唔知係咪因為，咁多年來，唔合格或者低分都會俾佢鬧，細個嘅時候，就會好天真咁照同佢講。但經過咁多年，我都已經費事同佢講我個分，甚至要Quiz，我都講到話冇quiz。講咗又發晒癲咁鬧我，不停叫我做練習，不過都算啦，明白我同佢有Generation gap 。但係就算同我冇Generation gap 嘅同學，都好似一樣溝通唔到，一係就俾人排擠，一係就以為加到知心好友，但只不過係日日Hea我，叫我比tips佢，有時衝動想同佢講絕交，又講唔出口，因為驚佢走咗，又交唔到新朋友，但係我唔明白，點解根本冇人明我講緊啲乜嘢，淨係識得話我唔get佢哋啲嘢，但係又唔主動我問我呢排搞緊乜，當我專登用話題撩起佢哋同我講嘢，又話自己好忙，只係得我一個咁得閒唔溫書唔做功課，一個字概括「難」。我相信應該唔係淨係得我一個諗過自殺嘅念頭，生存左14年，我都起碼諗過四次，自己死咗，會唔會好過啲呢，甚至令我身邊啲人更加開心。但係就根本沖破唔到個心理關口，因為驚會後悔，咁究竟我應該點做好。