#NSS個人
[GUEST]
小妹172cm , 大概64kg , 冇腰型呢個一定架啦 , 上網見話我呢個身高呢個體重算係健康嘅體重（我自己唔覺囉😅）, 自問都唔係大肥婆嘅 , 但係我下身真係好浮腫 , 下跨又闊 , 企喺度側邊睇都仲ok , 但係內脾真係搞唔掂 , 特別係著親長褲 , 隻腳就會顯得額外地肥 , 好似著親咩褲都望落好肥☹️ 有時上下啲ig shop見到啲好靚嘅褲都好想買 , 但係諗一諗我同個model著落去會係兩回事 , 就縮沙😫 係,減肥咪得囉 , 但係我自己本身好為食🤐 , 好難忍口啊啊啊😭 想試下買啲減肥用品/補給品 , 但係又唔知買邊個好 , 廢事買個廢嘅晒錢 , 成件事搞到我自己個人越黎越自卑 , 所以想問下又冇同路人/成功減到下本身嘅人一啲意見或者建議 , 我都想可以自信啲著靚衫🥸