#NSS學校
[KTSCSS] 長文注意⚠️⚠️⚠️
真係講都冇人信
到咗而家呢個時候
人哋各科已經開始到deadline甚至追功課
然後你份功課到而家都仲未派畀我哋
係咪已經無視咗我哋中四嘅同學？
上次因為你冇派功課而搞到全班冇曬分
然後全班唔合格 全班成績表嗰科紅咗
跟住仲要調返轉頭鬧我哋
話 做乜唔催你派功課
搞到而家冇平時分去拉高 係我哋自己攞嚟
我當時心諗：
吓？ 派功課係老師嘅責任 定係 學生嘅責任？
你自己冇派功課之餘
仲要調返轉頭鬧我哋 話我哋冇催你派功課？
自己冇好好負責任之餘
仲要鬧人哋 冇提你好好咁負責任？
咩世界呀？
乜宜家啲老師咁好賺錢㗎咩？
–
好啦 上次嘅事過咗去啦
已經唔想再同你計較
最多下次咪醒水啲 提下你派功課囉
放假之前
我哋好聲好氣咁 請你派功課
你口口聲聲應承咗我哋
然後你都係冇派過
到咗假期過咗一半
有第二位同學又係去好聲好氣咁提你
你嗰陣話 「稍後會派」
「稍後」？！
你而家「稍」咗成十幾日都仲未派喎？
好啦到今日 假期都就快完喇
今次係第三次嚟叫你派
我已經唔想再用好聲好氣提你
因為我咁做嘅話
只會令你覺得 我哋學生仔學生妹 好好蝦
唔該你盡返好你身為老師嘅責任
而家即刻去派功課 做完之後畀返分
就係咁簡單
如果你咁都做唔到
仲要我哋一而再 再而三 咁提你
好啦！
咁唔畀面嘅話
我哋唔怕直接同你反枱
然後同成班同學一齊投訴
等你明白下 身為老師應該要做啲咩
另外講多幾句
上次我哋全班冇人合格
然後你鬧爆我哋
話我哋唔肯畀心機
明知呢科唔係易讀 都唔好好去讀
好啦
到而家我哋想發力追返
喺屋企研究緊點樣令自己進步
然後你呢？
成個假期
人哋個個老師都book曬日子同我哋補課
盡量想提升返我哋
吓？你同我講話一日都冇book過？
你係咪覺得我哋中四同學有能力自己搞掂？
定話想 自己乜都唔使做，
然後我哋自己就會無啦啦進步 ？
你係咪覺得成個假期冇補課，
我哋因為咁 所以就會好開心？
唔該你啦
我哋唔係讀緊幼稚園
我哋係堂堂正正嘅高中生 遲啲要考DSE㗎！
真係唔該你
畀啲心機咁栽培下我哋啦
如果我哋真係可以無師自通嘅話
就唔會全班一齊唔合格啦
–
如果你話
你嘅工作要兼顧曬全級同學
唔得閒理我哋嘅話
咁想請你 同 學校 反映下
話我哋呢科人手唔夠
想請多個老師同你分擔下
冇問題㗎
你嘅工作負擔減輕好多
我哋又可以讀好啲書
簡直係雙贏啦
–
冇啦 講完啦 係咁多
最後想請你做返個負責任嘅老師
唔該曬！
圖Link: https://ibb.co/R72RcBs