#NSS社會
[HSS] 香港宜家都解咁多颠佬/婆❓
我星期五下午同朋友係旺角等巴士一齊返屋企，上咗車因為樓下太多人就上咗去上層。去到最後大概倒數第4排左邊坐低，當時就見到一個帶住帽嘅女人坐係最尾一排嘅左邊。
坐咗一陣，我個fri突然同我講：後面個女人手上有個鈴鐺一直搖好吵啊！我當時帶住耳機所以未聽到，一除低個耳機真係好吵！個女人手上有鈴鐺手鍊一直係度撲扇，心諗個巴士咁大冷氣仲無夠❓
跟住我同fri一齊轉個頭望個女人到底咩事（正常人都望嫁la）突然❗️個女人開始鬧我地：望咩望啊！痴線嫁？死臭x死八婆，有病啊！………………
我地兩個嚇親即刻轉返個頭返嚟，當時車度都無少人聽到都嚇一跳（但無轉身體）
我地都有諗話唔話俾司機聽，但司機仲要喳車都顧唔到咁多嫁la。好多人都落曬車，我地都好想落但啱啱俾個女人鬧完有di驚。
跟住我個fri可能有些少好奇，又再次轉個頭去望個女人，我嚇到細聲叫：唔好轉啊❗️返返嚟啊❗️唔好啊❗️
果然，個女人又鬧我地la…：又係你❗️望咩望❗️❓（此處省略粗口……）我緊張到就嚟捏爆手上部手機。跟住一堆人落車，我地都忍唔住跟住一齊落。發現下面一堆啱啱係上面見過嘅人，都唔係落車係為咗避開個女人。
之前我都遇到過無數次類似事情發生，但今次係俾呢di人鬧，有di驚訝…
所以問大家，你地🈶冇發現香港越來越多呢di人出現？遇到會點諗？點做？