#NSS學業
[guest] 我真係頂唔順我阿媽
宜家時間係1:45，佢日日都唔俾我瞓覺，要我溫書做功課，做到佢覺得滿意為止。搞到我呢個星期都要3/4點先有得瞓，第二日又要早起身補課，真係人都就嚟癲。
講真，我每日都有9點起身補課，食完飯又做下功課，我覺得好合理，但佢話一日24小時有咩可能只係用10個鐘溫書做功課，我只係學生，唔需要咁多時間去休息同用電話，只需要理學業唔需要社交，話浪費時間，冇必要。
我明白佢想我成績好，想我入到三大，第時條路好行啲，但咁樣迫法令我好辛苦，我真係完全聽佢講一日用18-20個鐘對住書枱，但我真係就嚟爆炸，好似冇止境咁要一直去到2024去考dse🫠我驚我挨唔住。
另外係佢表達嘅方法令我好唔反感，成日提住佢當年日日迫我讀書我先考到band1，好似我冇努力過咁。一見到我摸貓/唔係坐喺書枱就話「係咪又要我打你先肯去溫書做功課？」「日日係咪要我迫你先識得溫書？」「又到3點啦，你仲未做完呀，睇你做到幾點呀又」呢啲真係令我好反感好唔舒服，但又改變唔到😫
我都好想好似其他同學周圍去玩，有啲正常啲嘅生活，但我阿媽不斷洗腦我咁先係學生應該有嘅生活，而唔係其他人咁，我好辛苦呀
btw dser 加油！你哋嘅努力會補看見！