#NSS個人
[GUEST] 純分享 不喜勿插
Hi各位陌生人 呢個投稿純粹係情緒宣洩/搵解決方法
近排mental state真係差到一個點
唔知由幾時開始 每日都有想死嘅念頭
會諗 點死最舒服
望住個窗口就會想跳落去一了百了
人生 短短十幾年 我都唔知點解自己過成咁
經歷過欺凌之後 我真係變咗好多好多
依家嘅生活其實唔錯 除咗學業壓力幾大之外⋯
有一班朋友 但我總覺得同佢哋距離好遠好遠
每日都好頹 成日會諗好多負面野
鍾意做嘅嘢 已經冇動力去做
可以話係有心無力？
每日都係荀且偷生 麻木咁生存
成日匿埋喺房 乜都唔做 想逃避一切一切
有時 我又會諗 一切會好返好多嘅
但係 我嘅情況 好似越嚟越差
我開始會無端端呼吸困難 好似突然間浸親咁
持續十至二十秒
嗰下 無力感同絕望 充斥住我個腦
好努力咁嘗試呼吸 但硬係好似冇氧氣入到我個肺咁
近排真係好攰⋯醉生夢死咁生存
每晚 起碼去到凌晨四五點先瞓到
望住把界刀 有時候幻想血流出嚟嘅畫面 但又驚痛
理性會阻住我去亂嚟 但阻止唔到我亂諗
我唔知自己係咪憂鬱症呢啲嘢
但我又覺得自己未嚴重到呢個程度
唔知有冇朋友有相同經歷 可以分享下你哋點解決
最後 to所以suffer緊mental illnesses嘅朋友
你並唔孤單 嗯 生活好苦 但你要甜
大家要好好take care自己！
好負面添⋯對唔住 麻煩admin了 sorry for 1999