#NSS學校
[GUEST] 希望admin po ig，thank you。🙏🏻
係咁嘅，近排有個同學成日黐埋嚟我同幾個朋友度。如果可以識下啲新嘅朋友係好，只係呢位同學有啲奇怪。
我哋form3, 但佢嘅社交能力似小學生咁？ 即係傾起計嚟唔似同一個年齡階段，成日講埋啲明顯較幼稚嘅嘢。而且佢講嘢口窒窒，係經常嗰隻。
佢亦都唔係幾識睇人面色講嘢，變咗大家都唔係幾舒服。直情係有人會喺班group入面打問號畀佢，即係咁：「…?」，佢都察覺唔到自己講錯嘢繼續扮搞氣氛……
又一例，我同佢唔太熟，但上次老師叫我哋自己分組做project，佢無啦啦完全無問我直接填咗我同佢一組？？我睇到個表先知。最後就唔想hurt佢就加咗啲朋友入埋嚟我哋組算。
就係因為咁，所以我都冇見過佢有朋友。但我諗佢唔係有咩智力嘅病，佢成績都ok，我哋學校都唔錯，佢可能只係社交方面有啲困難。
見過佢之前黐人哋唔同嘅朋友圈子(呢度唔係貶義，純粹講緊挽得熟嘅朋友)，好多人都避之唯恐不及。
宜家變咗到我同朋友，我哋都唔係幾識同佢相處。佢差唔多一有空閒時間就圍埋嚟，我哋好開心傾傾下計佢又插一句唔關事嘅爛gag，即刻dead air，我哋隔咗幾秒唯有「哈…哈哈」。
但又唔想搞到好似排斥佢bully佢咁。然後就係因為咁，佢又真係黐咗都有一段時間，都冇見過佢黐另外啲人咁耐。可能再咁落去…要變成常態。
咁樣真係好阻住我同朋友傾計，約出嚟挽嗰啲嘢😩。真係唔知點做，我好無奈。我呢篇嘢對任何人無任何惡意，然後希望大家畀啲意見我，唔該曬你哋。❤️🙇🏻♀️
亦多謝你睇哂。Sorry for 1999，如有錯字勿介意。