#NSS愛情
[Spkc] 睇得人哋post 多 有讀後感了
分享一下一個唔係好尋常嘅女朋友（我
雖然我唔知道係我唔尋常，定係未遇到真愛，但係大機率都係前者
Sorry for 199
個人偏理性，記性唔算好好，平時唔會特別記得對方鍾意食咩同做咩，加上我係一個比較重視平衡嘅人，因為知道自己係咁樣，所以就算對方有比較甩漏或者記性差嘅時候，我都覺得冇乜所謂，只要記得就好。送禮物當然喜歡收到心頭好，但係收唔到都唔會發脾氣，我會直接同佢講要咩下次送俾我。溝通係一段關係入邊係好重要，加上我真係唔鍾意發脾氣呢一樣嘢，可能有人認為係情趣，但係對唔住，我理解唔到😂
我唔使日日見，都唔使日日call，佢做緊啲乜嘢都唔緊要，只係希望事事都分享，佢唔使比好多感受我，因為我覺得分享慾係最重要嘅，願意分享比敷衍回覆好。我唔鍾意連環call，既然佢唔想覆你，自然call幾多佢都唔會回覆；如果佢忙緊，你連環call都係冇用嘅。做人要實際，做嘢都要實際。
付出係雙方嘅，價值觀都係，所以呢一啲好基本上嘅嘢如果配合唔到，我寧願唔拍拖，我更加討厭一味為對方付出嘅感情（無論係付出金錢定係感情）所以總結，太理性嘅人比較適合單身。
其實寫咁多嘢都係想知道咁多位會點諗一個咁樣嘅人😂 盡情留言啦