#NSS家庭
[Guest] 小妹今年中二，屋企人平時都管得幾嚴，例如同friend出街要5點前返屋企，同邊個出街同去邊度都要同佢地交代清楚先會比我去。但係呢啲問題都唔算太大，最令我困擾嘅係佢地每晚要我11點前訓覺同埋唔比我擺部電話入房。
小學嗰陣我仲會好聽話，每晚10點半訓，但係上到中學之後發現身邊嘅friend都係好夜訓，同埋啲功課做唔切。而家放假我同friend夜晚會call下打下機咁，去到11點嗰陣我阿媽就會衝入我間房叫我訓覺，如果我遲咗少少訓，佢就會黑我面或者收我部電話。我有試過同佢溝通下，但係佢每次都係話「11點已經好夜啦，你唔訓覺有咩做？」「人地個個都係咁㗎啦」或者直接扮聽唔到，但係其實我都係想有返啲私人空間姐。而家我每晚都係偷偷地攞部電話入房，等全家人訓哂先出去擺返佢。
其實我覺得眼訓自然會去訓㗎啦，我都咁大個人點解仲要管住哂？平時返學要我11點前訓我都可以理解，但係我唔明點解放假都要咁。
Thx admin and sorry for 1999🙏