#NSS個人
[SKSS] 小妹今年中三，同屋企人既關係越黎越差，自己既心理狀況都越黎越差。
講咗屋企人關係先啦，其實我同我父母細個既時候唔係一齊住，所以我成日都驚佢哋唔要我，不斷去迎合佢哋，所以佢哋做野完全係唔會考慮我既感受。而阿妹因為有咩唔滿意都會講，所以佢既要求父母都會盡量滿足。佢哋有講過話唔好話佢哋偏心，但係我真係控制唔到自己將自己同阿妹比較。無論係生日禮物，社交定係錢財，阿妹都肯定係多過我。結果最近我想買衫既時候，佢哋不斷話我“減咗肥先買衫啦，呢件唔啱你㗎”之類既嘢，我真係好傷心，留底一句“其實你哋唔想使錢可以照直講㗎”就走咗，然後已經第3日無食飯。我既原意係想佢哋可以正視返呢個問題，而佢哋比既回應就係“咁小事，有必要做到咁咩，我都未話你態度問題”我而家真係唔知點算好。
之後就係心理問題啦，其實我好早就知道我心理好似有少少問題，成日會突然間情緒好低落，甚至會自殘，近兩年黎更加嚴重，有時會出現幻聽之類既野。所以我就向一位我非常信任既老師求助咗，而佢就鼓勵我同咗阿爸阿媽講。我鼓起咗勇氣同阿爸阿媽講之後，雖然佢哋表現得唔明顯，但係我感覺到佢哋係覺得我唔正常，而且係因為生活習慣唔好而搞到咁，係自己攞黎。然後，我有同佢哋講過我需要搵心理醫生，但係等咗幾個月，佢哋除咗帶我搵社工傾讀書啲嘢之外咩都無做過，而我感覺到自己既心理問題越黎越嚴重，甚至有時會有自殺既傾向。
我應該點做好？家庭既問題我知道已經無辦法解決，而且我都無辦法去原諒佢哋，可能係我既問題但係我真係做唔到。但係我真係唔想再咁樣落去，心理問題一直都唔解決既話我驚我有一日真係會自殺，有無方法可以喺唔求父母既前提下搵人幫手？
sor for 1999