#NSS個人
[GUEST] 小妹今年form2，6歲嗰年阿媽因為癌症過咗身，隔咗咁多年對佢嘅記憶都好模糊，但係仍然記得細個嗰陣好鍚我。因為自細冇阿媽，同老豆講佢又唔會明，所以好多嘢都收埋喺心入面，成日夜晚匿埋喊，每次都會諗超阿媽，甚至有次諗唔應該亦都唔想記起嘅事..
阿媽走咗大約3個月到，老豆帶咗個女人返嚟屋企，第一次見面佢都算好，請我食雪糕，不過嗰陣細個老豆話佢係friend我又真係信，一齊落街食完飯之後佢仲留喺我屋企，不過我都冇理到，直到夜晚我見出面有燈仲未熄所以行出去睇吓，點知我見到佢同個女人打緊茄輪，細個嗰陣我嚇到跑返入房，大個諗返起件事我好憎老豆，阿媽走咗未夠一年佢就已經識第二個，依家我仲聽到老豆叫佢做老婆，我真係唔知第時點算好..