#NSS個人
[成日俾人話肥嘅你可以禁入去搵共鳴感] 事緣係咁，小妹13歲173 cm 69 kg，我知自己係有少少過重，雖然我生得高但係，睇BMI都話我係有少少過重，我知我係應該減肥。由於之前lockdown日日留喺屋企所以重咗好多（每日坐喺電腦面前上堂，想完堂唔會想落街郁）早一排我喺63 kg嘅時候屋企人尤其是係阿媽已經係咁話我好肥好肥，連同阿哥一齊每日嘲笑我，（阿哥身形苗條，阿爸阿媽身型一啲都唔苗條）佢哋成日笑我但係笑完又帶我出去餐廳飲飲食食，完全冇動力行動。首先我冇興致去減肥，我覺得我而家係有少少超重但係都還可以接受，而家好似阿爸阿媽越係想你做一樣嘅你就越唔想做，但係我知我減肥係會對我有幫助。話說近排身邊多咗某個人曾經超級肥但係佢減肥超級成功，依家瘦咗好多。我對於呢個人覺得好憤怒，佢對我冇做任何野，但係佢個身形就好似同我講緊去做就會變靚。上個禮拜同呢個人食飯然之後佢搬啲重餸嘅時候，全部人都好緊張佢，我阿媽講咗一句「嘩你睇吓你那麼瘦全部人都擔心你受傷哈哈」呢一句對我來講好大打擊？？我阿媽成日都話我肥但係都佢同人哋個女咁樣講我突然之間覺得好心痛，我知人哋減肥成功。我唔多唔少都有啲羨慕人哋，雖然我咁樣好白痴，世上瘦嘅同齡人有好多，冇必要羨慕人。我希望有人明我講咩🤡。我係想減肥但係我好冇動力，做運動我個人超級唔喜歡，尤其是係要自己主動去做運動，（1.懶）（2.懶）（3.懶）。我有嘗試同我自己講無需要追求世上的完美😭 要追求自己的完美，但係我而家好似同自己洗腦緊，要面對返現實😂 阿爸阿媽雖然體重非常高，但係佢哋每日都會落街行圈，行夠一萬步先會返屋企，佢哋成日都叫我同佢地一齊去，我早排online school 有啲忙，而家就都係懶。我唔知投稿會唔會幫到我，但係我好想聽吓你哋嘅意見😭😭，希望大家明我講咩。
Sor for 1999