#NSS學業
[Guest] 大家好，小妹今天中五，第一次投稿容許我有少少唔知自己講咩🙇🏻♀️🙇🏻♀️。
呢排好大壓力，好唔鍾意學校嘅按排。返幾日zoom又要返幾日實體，真係好攰好煩。
返咗學咁多年就算考試，我都唔會話因為有太大壓力而唔開心，比起其他同學我處理壓力呢方面其實已經算做得好好。但係今年唔同晒，今年應該係咁多年以來心理最唔平衡。
唔知有冇人好似我咁，想自己productive啲，但係成日都Hea住冇動力。就算寫咗個to-do-list，都剩係得個寫字唔會做。Hea下咁樣又過咗一日，乜都冇做過，好似曬咗一日咁。再望吓份復活節假功課表，一份都未做過，覺得自己好廢。
學年頭我已經知道，唔督促自己少少，就會好易分心。所以今年我真係有比以前努力同埋認真啲。其實父母冇因為我成績跌咗而話我，佢哋話見到我努力就得。但我自己又好唔甘心努力咗，出嚟嘅成績未如理想。
唔知各位有冇啲咩建議/睇法？
Sorry for 1999