#NSS個人
[Guest] Admin po IG pls🙇🏻♂️🙇🏻♂️🙇🏻♂️🙇🏻♂️🙇🏻♂️
小弟中一，鍾意左個女仔，佢份人好直，但係就係呢一點我鍾意佢。我成日另轉頭望佢，覺得佢無論做咩都好得意，但係我又唔知道佢有冇鍾意既男仔，所以一直冇表白，淨係做普通同學（同班）
直到5月1號（冇錯我記得好清楚），嗰日夜晚八點，我搭車返屋企，跟住就同佢表左白，（我都唔記得當時我諗緊咩）大概就係咁（wts 對話）：
我：XXX我鍾意你 可唔可以比我一個機會 你唔鍾意我啲咩我都可以改 我會盡力
佢：你呢個機會係咪一定要而家先
我：唔係（當時驚答係會失敗）
佢：咁可以呀
我：！
佢：但係要之後先可以
我：…之後即係幾時
佢：中三掛
我：咁而家做朋友都得掛
佢：OK呀
我：……（當時接唔到落去）
跟住之後一個星期我每日都同佢講早晨，儘管佢兩三日先覆我一次。跟住有一次我同阿媽出左街返到屋企七點幾，先發現佢之前搵過我，但係我冇覆佢（冇曬數據）跟住我一返到屋企就即刻搵返佢，問佢做咩。佢話想問我數學（上堂做堂課佢唔識我會過去教佢，當然係我主動搵佢）跟住我問佢搞掂未，佢話搞掂，我就覆返佢咁得啦
跟住過左半個鐘頭我先發覺唔妥 我：咪住先 佢搵唔到我咁佢掂搞掂架？？？ 跟住我即刻wts 問佢邊個教你 佢話小學同學 我都唔敢問太多（呷醋但唔敢講 因為佢當我只係普通朋友）跟著我就叫佢記得溫UT 佢就好敷衍咁答左句OK la
跟住到左UT第一日 我好似往常咁同佢講早晨 但係句野好似冇send出去 我嗰下真係嚇到 驚佢block左我 直到放學先意識到佢可能係熄左機（😅）溫書嗰真我仲喺本簿度搣張紙落寫道歉信（？） 雖然最後都係冇俾佢
跟住有一次IS補課 我起身晏左上冇上到（嗰日放假）跟住起身先發現佢同我講左句：你冇上堂？？？ 然後block左我 直到而家
跟住直到而家 六月十八號 佢依然對我非常冷淡 就算係班上面最煩嗰個佢都會主動搵佢傾下計 跟住今日臨放學既時候 派電話 個阿Sir不斷讀錯我地班啲名 跟住讀到我嗰陣 我就即刻衝出去同阿Sir講 OK 喇OK喇 跟住個阿Sir叫我OK仔 全班都喺度笑 包括佢 見到佢笑嗰下真係好開心 請問咁多位我而家應該點做 唔想再維持喺呢個不冷不熱既情況
SIMP