#NSS個人
[GUEST] 今年高中，但係都係冇朋友🥲
其實之前都可能有兩三個，但係都係散左，而家一句野都唔會講。咁又唔怪佢地，佢哋唔想同我friend，我都冇辨法。可能因為我真係好靜，同乜同學相處都好尷尬嗰種。 之前小學唔算多朋友，但係有best friend (好耐冇聯絡了） ，以前都幾開心。
我成日都喺度諗，邊個係咪好憎我，頭先present係咪好7，總之唔咁樣講啦。我都知可能係我諗多咗，冇人會咁留意我，但係又成日都不自覺咁樣諗。
係學校，個個小息搵friend玩，我冇人搵，咪自己坐喺度扮忙囉。 分組嘅時候，永遠都係我自己一個多左出嚟，同老師講我搵唔到組。 放學見到啲人都一對咁樣走，都幾唔開心
我知道我都要勇敢踏出第一步，但係我真係真係做唔到。呢班識左4年，會friend嘅都一早friend左啦。有幾個講完一兩句野，就冇再講落去，我估佢哋都唔想做friend, 就冇主動再搵佢地。 個個一早有晒小圈子，我咁樣點樣都加入唔到。
WhatsApp/signal 真係一個都冇人搵，星期六日自己摺喺屋企 , 呢種冇人鍾意，冇傾訴對象（就算有都會懷疑佢心入面係咪judge緊我）冇人明白嘅感覺都幾hurt 。 (有搵社工，但係覺得作用不大。）
而家都係快啲讀埋中學佢，考好Dse 算。
申利 知道人地關心我唔係義務 只係抒發下感情，睇吓有冇相同經歷嘅人🙏🏻
10/3/2021 7:11 pm