#NSS愛情
[Guest] 暗戀咗你六年，當你喺我嘅視線範圍，我都一定會偷偷地望你，偷偷地聽佢同朋友傾計，只係想知道你過緊點嘅生活，而咁樣持續咗六年。呢六年，我冇搵過你講嘢，因為我真係唔知可以同你講咩，一嚟尷尬，二嚟驚俾其他人講笑，我知我都幾抵死，鍾意人又唔夠膽搵人講嘢，但係無謂令自己尷尬……
暗戀，係好蠢嘅事，我成日都同人哋講鍾意就要同人講，唔好俾自己後悔，但係，我反而做咗一件咁蠢嘅事六年。
到今年，你同一個女仔行得好埋，啲人都傳你鍾意嗰個女仔，而嗰個女仔都鍾意你，睇住你哋Christmas party影相嗰陣攬埋一齊影相，都有啲呷醋，但係我都知我係時候放棄。
畢竟已經六年，就咁暗戀同單戀你已經六年，而你都就嚟有女朋友，我再鍾意你都冇意思。
但係，越唔想諗起你，就一定會諗起你。上埋Google搵點樣可以放棄一個人，試過但係都係冇用，話時間可以解決一切，咁要幾耐？唔通我要一年先放棄到你？但係冇計，唔掂都要掂….
所以依家開始，我會努力放低你，唔會再成日諗住你，望住你，亦都唔會再呷醋，繼續做返一個同你互不相識，冇任何交流嘅一個人。
(純粹想喺度講下自己平時唔會同人講嘅嘢)
Sorry for 1999