#NSS愛情
[GUEST] 【 BF or BF? 】
Thx admin pls post IG
利申：男校
前排睇完 #NSS211226D 有感而發
//
究竟我係咪鐘意佢。
話說二年幾前開始，我幾乎每日翻學嘅時候都會撞到佢(佢係同級同學)喺同一架車度。見到佢嗰陣，唔知點解會有股想去識佢嘅衝動（但我個人比較細膽，所以冇真係走去主動識佢）。
後來我哋分咗去同一班，（可能係）機緣巧合地同佢互相認識。然後我哋嘅友誼都發展得出奇地快，識咗冇幾耐就每日都一齊返放學、食飯、等等等等，基本上可以話係形影不離，甚至俾其他同學話「你哋兩個係咪gay」。我哋好快就成為咗Best friend，我嗰陣，就算到而家，都想同佢永遠一齊。
我哋傾計嘅頻率都十分之高，最高鋒可以唔使一個月就10,000條訊息，試過由夜晚/半夜傾到天光，就算第二日要返學。亦都試過因為半夜傾計而俾阿爸阿媽閙，但仍然都會間中傾到半夜。
後來我哋各散東西，雖然我哋傾計頻率開始慢慢變少，但有時都會一傾就傾到好夜。我哋開始見少咗好多，唔多唔少都會掛住佢，每次send訊息畀佢嘅時候都會期待佢幾時會覆。總之就係好掛住佢，時時刻刻都諗住佢。
究竟呢啲係密友帶著嘅愛，定係我真係鐘意佢？
萬一我真係鐘意佢而且佢知道咗，但佢唔係鐘意我，佢會唔會唔接受我，因此離我而去，我唔知點解好驚冇咗佢。
雖然個問題都好似好假設性，但已經困擾咗我好耐，希望有人可以幫我解答一下，同埋多謝你睇到呢度。如果到時有機會我投稿回覆你哋嘅留言。
Sorry for 1999