#NSS學業
[某B3學校] Hello小妹今年F2，咁都知要開始諗定揀科嗰啲，我都有諗過關於揀科嘅嘢，跟住就係關於我嘅問題。
本人就係B3學生嚟嘅，係呢間學校嚟講都keep到頭10嘅排名，但我都明我嘅成績喺B3學校成績算好但出到去其實都只係中間左右，唔係歧視嗰啲，而係我真係知自己咩料⋯⋯
成績方面，我明顯知道自己嘅缺點，我本身就係因為英文唔好先入咗而家呢間學校。而上到中學我連數學科都唔太鍾意，因為自己數感都幾差下，加上而家疫情上zoom就更加唔專心，所以對數學就冇乜興趣。咁我除咗以上兩科較差以外，其他科成績都只係普通。
興趣方面，大家成日話揀科興趣行先，但我就係對學習冇興趣嘅人，不論咩科，而除咗學習以外嘅興趣都冇，咁我今年都多咗參加各類型活動，但基本上都因為疫情取消咗大部分。其實我有諗過如果我DSE唔理想，就學個專業啲嘅技能咁搵份工就算，不過當下都係諗咗揀科先。
最後！我想問下有冇人以前同我一樣對學習冇乜興趣，對自己揀科迷茫嘅師兄姐可以畀意見我同埋你哋最係點決定揀咩科，唔該晒🙇🏻♀️🙇🏻♀️
Sor for 1999
Plz po IG thx