Hello 今日想分享個故仔同埋問大家一條問題
是咁的 我有一個有由幼稚園已經識嘅男仔朋友, 佢好好人傻傻地, 就算你講嘅嘢係幾天方夜譚嘅嘢都好佢都會幫你做
由我好細個開始 佢成日都話鍾意我, 但係我覺得小朋友嗰陣講嘅嘢, 都係玩下嘅啫, 然後就冇理佢
直到我一直入咗小學, 佢又同我同一間, 佢少少嘢都冇變過 依然係傻傻地咁係我側邊,成日講住佢鍾意我, 呢個年紀嘅我, 就成日喺度諗, 佢會唔會真係鍾意我呢?但係我淨係當佢係朋友 冇多冇少, 我又唔想為拍拖而拍拖, 所以我又好似之前咁, 一直無視住佢
上到中學之後, 我去咗外國讀書, 佢亦都去咗澳洲, 喺學校宿舍度, 我識咗個女仔, 佢好聰明, 又成日笑…我每日咁樣對住佢, 不知不覺畀佢吸引住,去到某一個地步, 我覺得我鍾意咗佢
因為香港女仔得我同佢, 所以成日同佢講嘢都好開心, 當我有嘢想做嘅時候佢永遠都係第一個我做理性討論完, 確保我做嘅嘢唔會傷害到我自己 然後再陪我一齊去做嘅人… 我哋成日都互flirt, 我呢世人同朋友做得最多嘅身體接觸就係佢… 但同時 令我諗得最多嘢嘅都係佢, 因為我覺得, 佢只係當我係friend 冇多冇少
前排個男仔又搵返我傾計, 我就喺度諗, 如果要喺佢哋之間作出選擇, 咁點算好?
究竟應該揀個愛你嘅人定你愛嘅人呀… 想知你哋會點揀
好亂呀
sor for 1999