#NSS學校
[GUEST] [長文]
所謂嘅學校，已經完全唔再似學校。
–
俗語話「家醜不可外傳」，對我哋學校大部份同學講學校就係我哋其中一個家，但係今次真係忍無可忍，呢間學校又原本好地地，變到依家咁。
–
我哋間學校係屯門區嘅東華三院中學，自從現任李姓校長於20/21學年上任，就不斷分化、破壞前任高層與學生之間所建立嘅良好關係。真正嘅爆發點係在於2021年12月21號舉辦嘅音樂比賽。
–
事源原本有老師打算同中六上台唱《留下來的人》同《銀河修理員》，但係就喺賽前老師俾校長警告唔可以上去唱「某啲歌」，咁啲中六知道就冇理，照繼續自己上去。之後去到就嚟完嘅時候，署理副校發晒癲話要講嘢，訓導組啲人就過去cut走台上表演緊中六嘅mic, 之後個署理副校上台講一對廢話，話咩聖誕應該開開心心，咁你依家又搞到我哋咁唔happy??? 然後就叫啲2打6老師上台唱聖誕歌，鬼唔知你係媽係女人咩，我哋要嘅根本唔係呢啲，再講首聖誕歌又唔係唱得好聽，根本連唱都唔識唱，上台獻醜做咩？
–
之後，訓導組啲人就介入，原本統籌嘅老師就唔知俾佢哋叫咗去邊，跟住又話咩時間唔夠，頒獎延期。閂mic制嘅訓導組老師之後又扮晒嘢，推晒啲mic聲冇咗嘅責任落去設備問題，我真係理解唔到點解啲人可以咁厚面皮。
–
所謂嘅高層只係識扮晒理解學生，實際上就打壓異見老師，打壓真正對學生好嘅老師，又朝到晚只係識搞鬥爭，呢間「學校」仲有好多黑暗嘅地方，唔講咁多住，驚俾人秋後算帳