#NSS愛情
[Guest] Hello 大家，我今年中四，之前因為屋企要移民英國所以要洗好多錢咁，之後見到阿爸阿媽有啲唔夠錢，仆心仆命咁問人借錢，我覺得心痛，都想用自己嘅能力去賺返少少錢，之後我唯有揀咗做ptgf，入咗一啲ptgf嘅group，跟住見人嘅前日我最後選擇都係放棄咗，因為呢啲野係犯法而且知道父母都唔會想我咁。但後尾我決定唔做ptgf之後，透過呢個platform，我識咗一個24歲嘅男人，正正常常返office （佢搵ptgf 亦即係我），跟住我問佢點解要俾錢搵ptgf 之類嘅嘢，之後大家就好似frd咁日日傾計，我都講咗唔少家事比佢聽同埋佢教我追男仔（因為我有鐘意嘅人），之後傾咗一段時間佢就約我出街睇戲因為知道我就去英國。我們睇完戲食完dinner之後佢就帶咗我去海旁散步（同戲院好近的)，跟住佢又講下自己屋企啲嘢咁，同我講諗住喺香港做多幾年嘢儲啲錢之後就去英國。我問佢點解要揾ptgf，佢話咩同女朋友分手之類嗰啲好朦朧咁帶過end topic，之後問返我點解之前想做ptgf，咁我當然唔想佢知我屋企家景不太好啦，所以就話同frd test下係咪真係有人叫ptgf呃佢。但之後突然之間佢慢慢咁拖我隻手，十指緊扣嗰隻，當時我feel到自己背脊好似有陣寒風刺骨咁？唔知點形容（應該係驚得滯 冇心理準備），之後佢鬆手想攬住我，趁嗰陣我即刻企開啲，再扯開話題話點解覆我鐘意嗰個男仔個message呢？跟住佢居然答我：你同佢講你拍緊拖咪得囉，我即刻心諗大不妙了，一直都係諗住當識一個人大人做frd啫🥲之後我都好刻意咁避開佢，兩隻手都拎住等佢冇得拖找，我覺得佢都應該feel到我避掛…
後尾佢send wts比我同我講返到屋企，我即刻同佢講返我唔係佢女朋友，唔洗同我講，跟住佢即刻死雞撐飯蓋，話咩俾我知佢安全…
之後佢知道我想去書展又話咩不如請日假陪我去，但見過鬼仲唔怕黑咩，所以我推咗
跟住我係咁end 佢topic,已讀佢，又或者求其send個sticker hea 佢，佢都繼續開新topic…
後尾上機嘅前一日，佢同我講safe flight，我朋友就叫我索性block咗佢啦，之後我就真係block咗佢
到依家三個月英國都到埋，我覺得我自己好似對佢好衰咁，人地同我講safe flight，我居然仲block埋人地…同埋因為始終佢係大人，諗嘢一定多過我，唔通佢真係鐘意我？定還是佢只係想嚟到英國之後有妹妹仔比佢呃蝦條？同埋可能佢已經叫過冇數咁多次ptgf只係講大話呃我係第一叫，佢仲聲稱自己冇ig，令我仲驚，因為可能其實佢根本就有女朋友。
呢幾日不斷咁諗返起呢件事（可能係因為喺英國太lonely掛），我想wts返佢同佢講對唔住，我唔應該咁對佢，求大家俾吓建議，我好驚自己好後悔之類嗰啲，應該同佢一刀切當冇咁嘅事定繼續做朋友？
Sorry for 1999