#NSS學業
[GUEST] 小女我嘅英文真係超級無敵差，
咁我啊媽就幫我報英文補習班啦。
個補習班係一個外籍老師對6個人，
但係我啲補習同學英文都好好，
就得我一個好差🥲
e.g.作文嘅時候，我作緊第2段，
我啲補習同學就已經寫完一版紙
每逢到咗補習嗰日我成個人就會垂頭喪氣，
而呢個mode會係補習嗰日嘅 朝早就出現，
到我放咗 _補習_ 嗰陣時先會消失，
好影響我返學。
我補習嘅時候更加會成個人標冷汗加手震，
不停係度擔心下一句聽唔聽得明，
個老師會唔會問我問題。
個老師好Nice，
會鼓勵我、讚我有進步，
就係因為呢個老師，
所以先令我堅持咗一年。
不過我真係好怕事😔，
有唔識嘅單字都唔敢問，
驚畀補習班嘅同學笑咁簡單嘅詞匯都唔識…
（我一開始嘅時候連simple都唔知點解😀）
今日啊媽幫我報咗唔同時間段嘅班，
我唔知係咪同一個老師教。
如果唔係同一個老師教，
我覺得我真係冇咩心機返去，
好辛苦
同唔識嘅補習同學一齊上堂，
如果我唔明老師喺度講咩嘅時候冇人幫，
我又唔會主動識朋友，
好擔心😖
其實我已經同啊媽解釋呢一個程度唔啱我，
但係佢一直都唔聽，
話我揾藉口唔想補習淨係想喺屋企玩手機
我都唔想啊媽報一啲對我冇用嘅補習班所以嘥錢…
所以我想大家比啲建議我點同啊媽講我唔想補習
Sor for 1999🙇