#NSS家庭
[市區某校] 一開始先 sor for 1999
以下為真實個人經歷：）
尋日老師派咗張新嘅上年成積表比我，因為我之前攞嗰張印漏咗我上年做嘅其中一個position，計少咗我一個優點，所以修訂咗之後俾咗張新嘅我。（其實我暑假嘅時候已經發現咗，亦同咗阿爸阿媽講，諗住開咗學後先通知負責老師改番）
然後番到屋企，我阿媽見到之後就問：「點解佢加番你一個優點但係冇加番你做嘅position嘅record係課外活動嗰度？」我同佢講：「咪已經加咗優點囉，有問題咩？」然後佢又話：「但係佢冇印到你有做嗰個position喎」我就同佢講：「反正我上年做咗咁多嘢，課外活動嘅record爆曬，寫少一樣冇所謂啦」佢又話：「咁你有做嘢係應該要幫你印埋上去㗎嘛，呢的係你有權攞番㗎喎，你同我聽日即刻同老師講要佢加番」
佢煩咗我十幾分鐘，最後我頂唔順，忍唔住駁佢：「咁學校都幫我加咗個優點啦，你仲咁唔滿意學校嘅處理方式咪幫我轉校囉」然後佢本來好似想講嘢，但係諗諗下窒咗窒就冇出聲。
（p.s.佢係深藍，我都係之後諗咗好耐先明佢點解唔出聲，唔知各位get唔get到呢😇 btw 我都唔知點解我會忽然之間諗到呢個咁好嘅駁法 😂 不過我知其實佢嘅出發點係為咗令我張成績表靚仔D，而家諗番都有D內疚💩…）
如果因為我敘事能力弱而唔 get 既話
大家當睇咗笑話一則就ok la
最後再 sor for 1999
& 祝所有移咗民嘅人可以順利開展新生活