呢篇文主要係關於搞笑/警世
話說大前日返學既時候,因為太眼訓.所以諗住一路行一路合埋眼養神
而我有呢個危險既諗法係因為.我個間中學係全港最北既中學.夠哂偏僻.基本上朝早返學時段
只有2間中學既學生由外面入黎.除左放學時段以外接近無人會係學校方向由北面行返出去
而且條路又長又直 夠晒空曠.所以我一眼望哂 無論遠近都無人迎面而來.岩哂我呢個諗法
而為左避免行得慢阻住人/真係有碰撞.我都特登貼牆行
但正當我合埋眼 行左大約5秒.突然嘭一聲! 我隻左手前臂勁痛 似比人集中一點撞埋黎
我即刻開返眼 但發現空無一人.因為眼訓過多2秒我先回過神來.望後面原來係架單車黎
但當我諗住喝停佢 佢同我已經相隔一段距離.而且佢隔離仲有其他學生 強行大聲喝佢只會尷尬
但個單車友 佢可以頭也不回 似成件事無發生過直接駛走
講真 我知道成件事 我一定有錯同責任.但係呢個人又會唔會太離譜?
真心.從張相可見 條路咁多空間又無人 我仲要已經貼牆行 你都突登”入攝” 係條咁窄既空間到過
我當你真係無為意太窄既問題 但你都至少響下鐘 警示下 /最直接同常理就係減速
而唔係咁樣全速炒埋黎.同埋我都唔理你係有心定無意 我最好奇點解可以做到頭也不回?
你咁高速炒埋黎 架車點都停頓左 有可能會唔知?
重申多次 件事入面我一定有錯同責任.但係個單車友真係太離譜
成個舉動離地到令我不禁估條友係鬼定係青山走犯
最後希望借我呢單傻事 提下大家.條路點安全點都唔好合埋眼行咁弱智
題外話.而家睇緊jojo第三季.令我不禁諗起條友係替身使者.
係既話替身一定係單車.能力一定係對手合埋眼既時候.替身就會全力沖撞,9秒9離開現場