父母逼我同佢哋講手機密碼，唔講就唔比零用唔比利是錢唔幫我交電話費
我今年中六，係男仔。中一嗰陣曾經目睹我親愛嘅母親大人開咗我部手機仲解埋鎖check我同咩人來往。
自此之後我就唔再同父母講手機密碼。
佢哋呢五年都話：「屋企人之間無私隱，有咩唔見得光？」
本來我都唔想理，但講到今年，我就講媽媽大人以前開咗我部機睇我啲嘢，最好笑係佢竟然死口唔認。但佢又講咗啲好矛盾嘅說話：「十二三歲嘅人最容易學壞，我就梗係要check手機啦！同埋你有咩事我哋開唔到你部機，啲警察會覺得我哋身為父母點解唔知道自己個仔嘅手機密碼，會好無臉！」
咁我本身都唔想再理佢，突然我老豆就話要斷我零用利是同唔幫我交電話費。
我心諗：「wtf 我唔比你哋知手機密碼跟住就要無零用？大佬啊！你又唔比小弟去打工搵錢，你斷我米路好唔合理且！兩件無關係囉癡咗邊條根啊你哋？」
身為男人嘅我都唔想屈服，但認真無錢就萬萬不能。成日問人借錢又唔好，咁會破壞友誼。你又唔比我去做個打工仔。逼於無奈我先屈服於你哋之下。
其實我同你哋講過好多次人人都有私隱，你哋就話我未成年又未返工，根本就係無私隱嘅小朋友，所以要比你哋check機。
我頂你啊，點解世上有啲咁嘅父母？打橫嚟講當自己啱哂。
我到底可以點做先可以令佢哋明白擅自開人手機係唔啱？我好想佢哋知道之後咪撚再咁威脅我！
最後多謝你哋咁多位睇完呢個投稿
Admin 你哋都辛苦哂啦
大家記得早啲休息啦，世界晚安。