#NSS個人
[MSC] 投先見到個nss post 講欺凌，俾啲自己本身欺凌人嘅人like咗，純粹係有感而發。（救命點解我間學校充滿住咁多又假又膠嘅人）
可能係啲人貪我蠢，又成日on on 99咁，覺得我好好恰咁，所以我由p.1 至p.4 都俾人欺凌。好彩我哋學校都算係好啲，所以欺凌人嗰啲都唔會去到好盡例如打人etc，不過心理上嘅傷都係傷。
其實我嗰幾年都唔算有好大問題，無心理創傷etc etc，但我真係替其他受害者好嬲囉。
啲pk日日話人蠢、不停喺度串人，但係乜嘢代價都冇，仲要大把人寧願信啲bully多過啲受害者。之後啲bully仲可以若無其事咁繼續識新朋友，好似好風光咁（係吖我唔抵得啊咁又點🥰），覺得自已乜都無做過，啲老師仲完全唔理,最多都係口頭警告咁，反而啲乜都冇做過嘅就日日俾佢哋心理折磨。可能你覺得，「講啲嘢姐！又唔係犯法！」但係就係嗰啲嘢搞到大把人抑鬱，到時搞到無咗條人命邊個負責？仲有好多人都可以俾啲欺凌者physically 折磨㗎，而俾人恰嘅又欠佢哋啲咩？係咪我好人少少就足以令自己俾人恰？
年紀小小就有咁大心機（我第一次俾人恰係小一嗰陣），將來大個又會點？啲老師係咪都要負返小小責任呢？係咪真係可以由得一班pk繼續pk落去？