#NSS個人
[GUEST] 今年F.1，原本上學期好好哋，但係近排好大壓力，好似好迷失咁，唔係好明啲科目嘅內容，尤其係IS同埋History，死記爛背都唔work，再加上某啲感情,家庭問題，情緒成日都好唔穩定，有陣時驚阻住朋友或者屋企人而選擇自己抑鬱係心入面就算數，不過有一晚終於忍唔住爆出黎，同阿媽傾左，佢好似唔係幾明我個狀況，更加鬧埋我添。啲朋友又唔係經常性得閒，好難搵個人傾幾分鐘偈或者尋求意見。講真我成績又唔係特別差，但當望住身邊啲同學嘅時候(特別我個班勁多學霸)，我會覺得自己考得好差，好大壓力。阿爸又不斷係度話 “讀唔好書就上唔到U，中學畢業冇人請架，你要諗定自己將來出黎做嘢點算啊，做咩啊？MCDONALD’S 啊?” 佢仲要每日講三次，阿媽話唔好再同阿女講呢啲嘢啦，遲啲先算啦，先肯收口，搞到我越黎越大壓力。同過阿爸阿媽講過話轉boarding school，因為實在太辛苦同埋太多功課啦呢間學校。阿媽話ok，不過阿爸就話 “喂，大把人都係咁啦，人人都考得好好啦你個班” 真心好羨慕移民個啲人😔，見個個都好開心咁樣。但係我起碼都要等考完DSE先可以移民。大家有冇啲咩好方法可以溫好啲書同埋舒緩下心情？thx admins，同埋多謝睇到最尾啊大家🙇🏻♀️🙆🏻♀️第一次投稿，sorry for 1999