#NSS家庭 [GUEST ] halo咁多位，小妹今年F1，讀緊西貢區某間學校，今日黎投稿，主要係想分享吓我家庭出現咗嘅問題，睇吓大家可唔可以俾啲意見我。 先講吓背景，我屋企有Daddy，Mummy，工人姐姐，屬於中產家庭，我同爸爸關係唔好，點解？事情就由上年七月開始講起…我好清楚記得嗰日係7月6號，正正係放榜嘅一日，我約咗班frd出街玩，諗住去玩之前沖個涼，咁我屋企廁所道門本身就壞壞哋，但係我講極屋企人都唔信，我阿媽淨係信晒我老豆，而我老豆知道其實道門係壞但係唔想嘥錢整，而我當時連零用錢都冇，想整返把鎖絕對冇可能。跟住就賴嘢啦，我除晒衫準備沖涼嘅時候，我阿爸直接開門入嚟見到晒，嗰陣時我喺廁所喊咗好耐，跟住即刻打俾我阿媽講，我阿媽話「阿女我而家即刻返黎，唔使驚」，跟住我阿爸聽到我打俾我阿媽之後，佢即刻打俾我阿媽屈返我轉頭，話明明係我冇鎖門，但嗰陣時佢開門係有「卡嚓」一聲，同埋好彩嗰陣時我工人姐姐見到，佢都同咗我阿媽講話我有鎖，所以我好開心我阿媽信咗我，不過佢冇處理過。件事就就咁過咗去，佢哋肯整返道門，但我每次一諗起我阿爸睇到我全身之後我真係好崩潰，我唔敢同人講，淨係自己默默咁喊，同埋令我越嚟越驚嘅係我之前食飯，一直都習慣棟高隻腳坐，唔小心跌咗粒飯喺張凳度，佢順手幫我執返之後摸一摸我下邊，我勁驚，跟住問佢你摸咩？我阿媽我工人都喺度，佢口窒窒咁講，幫…幫你執返粒飯咋嘛…我明知唔係，但係我阿媽信佢，我知道屋企人已經幫唔到我，我又唔想同朋友講，我成日幻想有一日佢冇啦強姦我會點，好驚，原本我以為時間可以沖淡一切，但係上年嗰件事到到今年我仲耿耿於懷。 到今時今日，我知道阿媽已經唔會再幫我，唔會再信我，因為呢個疫情令我阿媽生意大跌，（我阿爸阿媽都係做生意），但偏偏係呢個時候，我阿爸賺到錢，話自己幾日等於人哋幾個月嘅錢，咁我都信嘅，因為佢呢排真係好大洗，仲會俾錢我阿媽，咪見我阿爸好似好好咁，事實係，已經冇人再敢反佢，例如我同我阿爸講，你去廁所可唔可以沖廁？（因為佢真係成日屙完屎唔沖廁），佢就話「你唔鍾意嘅話唔好做我個女囉，你走啦我冇所謂」，又或者喺我媽媽面前講，「你再係度嫌三嫌四我唔比錢媽媽等你以後冇零用錢！」，我真係呆撚左，成日都用錢威脅我，我零用錢本身勁少，所以根本冇咩積蓄，我每個月嘅錢只係夠我出去食一兩餐飯，其餘要留係屋企食。仲有一次好恐怖，佢問我「你係咪未比人屌過？」 仲有，我阿爸係一個勁唔考順嘅人，我阿媽同我講，好多年前，我阿爸賺唔到好多錢，我阿媽嗰陣收入穏定，我阿爸叫佢唔好比家用婆婆，慳下錢好過。嗰時我阿媽唔計較咁比左好多錢佢，但而家佢賺到錢咁對阿媽好咩？可能人人有唔同睇法，但我自己覺得唔惦 令外，我好想去外國讀書，呢個純分享，我知it is impossible，因為供得起我去外國讀書嘅人只有阿爸，但佢已經講明唔會咁做。

#NSS個人 [guest] 我而家s3 就係自從小學畢業之後 發覺食飯嗰陣都會干嘔 有時候直接嘔埋出嚟 我唔知係壓力問題定胃有問題 係升中之後先開始 出現次數逐漸頻密 開頭隔幾日一次

#NSS個人 [Guest] 做任何事都好點樣可以理性行先？ 我自己係一個比較感性嘅人，做任何事都以感性行先，有好多嘢明明可以做得更好，但因為感性所以一次一次地推開各種機會，明明知道行邊條路會對前途有幫助，知道自己真正需要嘅係咩，但永遠都被唔捨得，或者各種感受拖延住，導致浪費咗好多金錢同時間。 理性vs感性，大家又會點揀，一個人嘅青春唔多，唔想浪費晒成段青春做無把握嘅事，好驚大個之後會後侮而家嘅決定。

#NSS家庭 [GUEST] 我應唔應該繼續學琴 小妹今年F2 學咗鋼琴大概五年，而家我仲係用緊部電子琴嚟練琴。 講返個背景，我大概四年級嗰陣想學鋼琴，然後阿爸阿媽都答應咗，但係因為屋企本身已經有部電子琴，所以佢哋應承我學高級少少(大概grade3-4)先至買部鋼琴俾我，然後我而家已經考咗七級，仲未買鋼琴。我之前考完五級老師已經不斷催我快啲買鋼琴，阿爸阿媽都係好敷衍咁樣認咗就算。 到而家考完七級，老師終於忍唔住打電話嚟叫我哋買部鋼琴，因為佢見到我平時上堂彈鋼琴個樣好唔慣，然後我阿媽都答應咗會買，但係阿爸唔係好想買。如果我哋買部鋼琴嘅話，就要揼咗個櫃，雖然櫃入邊大部份嘢都可以揼，但係都要買掛櫃嚟，然後阿爸唔想搞。 然後我都嘗試繼續用電子琴練琴，但係電子琴真係好X難彈。有學鋼琴嘅應該知，電子琴嘅按鍵力度比鋼琴輕好多，大細聲好勉強先做到，連音做唔到，連Pedal都冇，彈蕭邦唔知自己彈咗啲乜。其實我哋屋企唔係冇錢(當然唔係有錢)，但係一定afford到鋼琴，但阿爸就係唔想搞。咁然後其實我有出琴室練琴嘅，但係我冇可能日日都出去㗎嘛，然後而家疫情咁嚴重，阿爸阿媽又唔俾我出門口，所以就基本上我一個月可能淨係去到嗰度四五次左右，加上阿爸嫌琴室貴，同埋我好宅，唔想去。 上個禮拜我終於忍唔住問阿爸點解一直都唔肯買鋼琴，佢唔肯答我，我問多幾次佢終於忍唔住鬧我：「你做每樣嘢都三分鐘熱度，我嗰陣以為你學一陣就冇興趣放棄，我點知你真係學到而家姐！」到嗰一刻我先知道原來阿爸一直冇呢個打算買鋼琴俾我，然後嗰晚阿爸阿媽因為鋼琴嗌交，連續嗌左幾日，嗌到爭啲離婚。我平時碌IG見到有啲人屋企有鋼琴我都好羨慕，見到有啲朋友個grade 低過我都有部好嘅鋼琴可以練，我好妒忌佢地。

#NSS個人 [Guest ] 想問各位師兄師姐，小妹dse之後想染髮，想染鮮艷啲既色，之前見到覺得好靚 但會唔會阻到大學interview 果啲，定遲啲先染會好啲😢🙏🏻

#NSS學校 [GUEST] LS 卷二我寫得起勁條成效完全唔記得要寫駁論，仲係收卷果陣先發現🥲 仲有冇機會上4 🥲🥲 勁驚

#NSS文化 [Guest] “無錯，From a certain point of view用倉頡而唔用粵拼係會對粵語文化有負面影響” 早晨，我係#NSS220424D嘅Po主。 係你diu9我之前，我想講返清楚我唔係想批鬥用倉頡嘅人，我今日只係想釐清返我原本個Po。

#NSS個人 [Guest] 真掛住有好朋友嘅感覺 Hi,小妹今年中三 我自細就冇乜friend 直至小四至六曾經有自己一堆friend 大家一齊玩得好開心 但係因為唔同中學 我就同佢哋少咗聯絡 F1上學期我有堆friends

#NSS個人 [Guest] 小妹今年17歲，咁正常對sex有興趣，想破處咁 但係我有個諗法就係「無論係邊個同我做，我都無所謂，我舒服咪得囉。」（17到30歲都得） 我自己就覺得呢個諗法好奇怪ʕ´• ᴥ•̥`ʔ 係我對自己嘅第一次唔著重，定係有人都係咁諗？ 求admin post ig~

#NSS個人 [Guest] 自從升咗中之後就冇乜朋友,係連普通朋友都冇也嗰隻。我自問都叫有禮貌,客容氣氣個D人,但係唔知點解就係冇乜frd,亦冇人想識我。    入返正題先,我讀咗四年中學,都叫做搵到一個投契,傾偈又唔尷尬既frd。佢性格好好,又搞笑。同佢相處真係好開心,可以做最真既自己,佢亦可以話係唯一一個令我可以做自己既人。(我連對住屋企人都冇呢種放鬆既感覺)     如我上面所講,佢性格好得人中意,所以佢有勁多朋友。慢慢我發現每次佢D frd搵佢玩既時候,佢就會唔理我,又或者係hea答我,同平時好唔同。咁我諗佢都係因為忙住同frd玩先咁㗎啫,我都明一人要同幾個人傾偈係有D煩嘅。即使我咁樣催眠自己,都不禁覺得自己越來越似一個水泡,次次諗到呢度就好憎佢。但係次次佢搵返我既時候,我又會好開心,好想繼續同佢做frd。究竟係我有問題定佢有問題?我應唔應該繼續同佢做frd?同埋,我又可以點增加自信心,識多D frd? (Sor

#NSS學校 [Guest] 希望啲「師姐」唔好自以為是。小妹係個f2嘅學生，以前小學到f1都一直好崇拜啲師姐，覺得佢哋係大姐姐，會當佢哋係偶像。 – 上到f1，喺IG識咗啲師姐，啱傾啱玩我就會當佢係best friend，唔會當佢係師姐。我覺得咁樣先係健康嘅朋友關係。如果你要我當你係師姐咁同你相處，我唔會同你做朋友。 – 有啲唔正常嘅07師姐，好鍾意歧視啲低f過自己嘅人，有一次一個07只係大我一年嘅師姐，講咗句：「哇，你哋級都有人會着dr ma，好好笑囉」（大概係咁）我就話：「咁你自己都着緊啦！」，佢竟然話：「我f3喎，點同啊。」佢認為自己f3著dr ma

#NSS個人 [Guest] 小妹份人冇乜frd,只係得一個識咗兩年到既frd(下稱c)。 同我相反,c有一大班frd。我明白見住自己既frd同人地玩係會有D唔開心,因為我都係咁。我知我咁樣諗係唔啱,我冇權霸住佢,所以我都會盡量克制呢個心情。當然,我對C既frd毫無敵意,甚至想識佢哋,但係反而我feel到佢哋對我有。咁我就諗住同佢哋傾偈(普通話題,唔係叫佢哋唔好憎我),希望同佢哋做到朋友,令佢哋唔好再誤會我。但係好明顯佢哋並唔想,咁我都好快放棄咗。我開頭以為只係女仔普通既妒忌心,但係慢慢佢哋開始一見到我就黑面,見到我同C玩就更加唔洗講。 本身已經冇朋友,而家仲要有人唔鍾意我,呢種感覺真係好難受。點樣先可以識多啲朋友?點樣先可以令人哋鍾意我? (多謝各位浪費寶貴嘅時間嚟睇我呢篇廢文。Sor for1999

#NSS愛情 [Guest] 感情問題一律建議分手?? 小妹最近係段愛情關係發生左啲事 搞到我地有啲尷尬 啲frd叫我有問題要溝通 我都知但係佢個性格係逃避問題 沉默唔鍾意交流 仲要放完假返黎佢對我冷淡左好多 其實假期後半嘅時候我已經feel到

#NSS個人 [Guest] 唔知大家對混血兒係有啲咩印象， 大多數人都認為混血兒係識講兩種語言同埋個樣比較似外國人。等我分享下作為一個混血兒嘅經驗，唔係好似大家想像中咁好。 我係一個混血兒，爸爸係黎巴嫩人，媽媽係香港人 (識講廣東話，英文同埋阿拉伯文)。我係香港出世，5歲移民去英國。小學返學個陣好開心，同學同老師都好nice。中學之後人生已經好唔掂，同學不斷問我係邊度嘅人，我話 “I am Lebanese and

#NSS家庭 [Guest] 點解做父母嘅可以咁? 我今年中五,有個k2嘅細佬, 平時我細佬幼稚園放學,都要由1:00等到5:00,等到我放學去接佢。你可能會問, 阿爸阿媽或者工人姐姐去接唔得咩?我都想。 自從阿爸一年半前失業( 到而家都冇返工) 佢就開始每日落街飲酒,之後開始精神有問題,成日同空氣講野,有時仲用衣架打我同細佬,我呢個做大佬每次都要擋喺細佬面前, 以我阿爸咁樣打法,細佬唔使捱兩野都隨時入院。

#NSS社會 [GUEST] 標題：香港人齊落? 最近有個post講政府禁電子煙，D人就留言話點解唔一齊禁電子煙。可見子華神魚蛋論嘅偉大，亦睇出香港人(齊上)齊落嘅精神。未來政府禁止同性戀，D人就留言話點解唔一齊禁雙性戀。香港人真係偉大，全面了解「共產主義」嘅「精綷」，「被平等」。最後，祝大家亂流下「平等」。希望大家更「平等」。

#NSS其他 [guest] 話說小妹比較鐘意睇吸血鬼類型嘅漫畫，動漫。不過推介嘅黎黎去去都係果幾套😮‍💨，所以大家有冇D咩心水推介下比小妹咁。

#NSS個人 [GUEST] 如果你覺得大家嘅興趣差唔多 /大家性格差唔多，又想識多個朋友嘅，希望你留言啦 小妹今年f3，相識frd (prefer f3-f5) 鍾意: 心理學, Bio,

#NSS社會 [GUEST] 《紛爭解決機》 處理好所有的工作後，我已有了些許的睡意，便躺在了床上，飄進了夢鄉中…… 在夢中，我隱隱約約看見一處地方，一片莊嚴的氣氛正在四處籠罩及彌漫著——那是法庭。「嗶」的一聲，便到了時間，所有人隨即站了起來，迎接著審判官的到來。俄爾，他便宣佈開庭了。 我看向被告庭，那裏站著一個男子，神情是有些抑鬱不平，似在不滿著。他只是站在那裏，身軀便已經在輕輕地顫抖著，害怕著，舉止也因而越發地憤懣和焦躁。他目光詫異，嘴角又在微微地抽搐著，我想他應是為捲入這一案件而覺得憤怒吧。 起訴書開始被檢察官宣讀。 「我們相信一部令人毛骨悚然的恐怖裝置，由被告製作出來了。假若我們只是對其熟視無睹，視之不理的話，只怕這社會的秩序，將會被徹底地弄亂，引起社會恐慌。因而為了殺一儆百，我們理應對其判決重刑，這可能是香港自開埠以來，最爲危險的案件……」 我細心地聽著檢察官説話，只見他停了一會，便又認真地看著手中的起訴書。 「有一位熱心市民告訴警察，說是有一個社區内公認的危險分子，正躲在自己的房間内，似是要製作一種前所未有的荒誕機器。基於公衆安全的考慮，警察便即趕去調查，終成功查獲該未成的犯罪案件，又於現場逮捕了嫌疑人，其所製作的恐怖機器便也一并被沒收掉了。這雖然未對社會造成不可逆的災難，但從可能發生的結果而言，這絕是一個令人心驚膽顫的舉動，我們因而也只好做出這樣的結論，以平民憤。」

#NSS其他 [GUEST] 人類好神奇 – 返學前n日：唔好咁撚快開學 返學前幾日：時間可唔可以快撚啲 – 十二點：我一定要瞓! 凌晨：一陣再瞓 點知己經朝早