#NSS學校 [GUEST] 觀塘中學一位數學老師成日話自己教書勁 band2基督教學校，尼位老師中四做班主任40歲左右，教數學，講野好串，成個爛仔款，由識第一日開始就話自己教書勁，佢爛仔性格好鐘意串串下。我比較鐘意數學，平時有野唔明都會問老師，我問佢佢居然話：你咁都唔識？你係唔係上堂冇聽書？你自己自修啦 心念：我有聽書🤔吖，但有啲了解唔到想問多你一次砸喔？我有問題自修？ 之後有次開家長會，我爸爸很早離婚，我後媽一直唔鐘意我，我後媽黎家長會同個班主任係到奚落我。之後班主任仲話要嚴厲管制我。 佢成日話自己數學好勁，全校最勁（其實都係佢自己吹，其他老師都好勁）。話自己教書5**都係佢教。之後中六放榜班裡面成績唔好，最勁數學得4，有啲仲攞1，佢派完dse成績，就哩埋教員室冇出過黎，連學生家長係canteen都唔去見，又唔去安慰家長和學生，唔肯見人，見到學生仲扮唔識人。 其實有冇唸過係你自己教學有問題呢？如果你注意下自己形象，成日話自己教書幾勁幾勁，問你野又唔答，就係到串人，你就算數學勁又點，你又唔識教人，你做老師做咩，你不如去做數學家啦。

#NSS家庭 [GUEST] (長文慎入)Hello又係我喇 我係#NSS211113E嘅樓主 估唔到上個post都未出又黎投稿呢 係囉我父母又嘈交了，佢哋已經嘈咗幾日，我真係未試過每日都會喊，我甚至覺得呢幾日內喊嘅次數比以前一個月內喊嘅次數要多好多好多。今晚媽咪同我一齊睇緊電視，然後佢開始講返以前嘅事。「你睇下你有XX咁耐，你啊嫲有冇黎照顧過你、關心過你！你睇吓人哋係仔就佢就去錫去照顧，就係因為你係囡！我同你講你以後唔使認佢做啊嫲，唔使叫佢！你話係我同你講嘅…….」（XX係某種病，好普遍唔少女性都會有，我驚比朋友發現係我所以唔詳細講。而家呢個病對我日常生活來講已經冇乜影響，食藥就可以控制到。） 然後爸爸喺廳聽到又好唔開心，佢哋又嘈咗陣。然後今次爸爸真係落咗樓下，媽咪下一秒即刻去咗鎖大門。我自己一個係間房到諗睇黎今次真係完，所有野都唔可以好似以前咁，原來件事係唔會好轉。之後我反鎖自己喺房開大電視聲，第一次打電話同朋友喊。我真係好唔鍾意煩到其他人但我已經冇其他選擇，原來我已經唔可以再呃自己一切正常，我已經係去到要打電話嘅地步。之後朋友聽咗我喊一陣間之後幫我冷靜分析下件事，「其實你爸爸落去冷靜下都好，起碼可以避免更難坎嘅場面，不如你問下你爸爸今晚有冇地方瞓先？」。 之後我冷靜左下wts爸爸，佢叫我打俾婆婆佢去婆婆度瞓。我照做之後媽咪又罵我，我真係唔知應該點做。「你由得佢走啦，我哋兩個靜靜地冇人嘈唔好咩？」我唔知點答於是我靜咗，我好唔鍾意得兩個人好靜得電視聲嘅屋企，但我都好唔鍾意三個人嘈黎嘈去嘅屋企。公公婆婆打電話過嚟安慰我話唔驚唔使驚，驚就過去佢哋屋企住果下無啦啦我又眼濕濕。我都十七歲佢哋仲當我七歲咁。 夜晚臨瞓前媽咪又開始講返以前嘅事（求下大家唔好罵我媽咪，因為我知佢真係因為爸爸受過唔少苦，我七、八歲之前都係靠政府綜緩同埋媽咪自己打工去養大我，佢仲要孭住老豆嗰堆債捱到身體有病以後都冇機會再有BB）我小學嗰陣已經知道我未來只會得呢兩個親人。 佢哋兩個都叫我早啲瞓教休息，但屋企得咁大。佢哋兩個講嘅野我聽得一清二楚，我一路聽一路就覺得好唔開心。原來我一直以為嘅好轉都係我嘅一廂情願，所有野都冇變過。跟住我又開始喊，之後又過嚟投稿。呢幾日我都冇寫日記，因為我唔想將來記返嘅只係唔開心嘅回憶。

#NSS學校 [[Guest]] (Admin please post IG🙏) 踏入英國之前，啲人成日話要小心當地啲小圈子欺凌亞洲人，但係你諗都冇諗過，原來最後會欺凌你嘅，居然係一班玩分化玩到你死嘅香港人。 忍痛離開香港踏入英國，本身以為喺學校會因為文化差異被當地人欺凌，多多少少都預咗，但最諷刺嘅係，最後欺凌嘅唔係邊個，而係一班你以為最親切嘅香港人，一班最鍾意同你搞小圈子，睇邊個又唔順眼，就一條友帶頭去玩欺凌，而其他人就成隻狗咁跟埋上去，自以爲一班人好巴閉咁，事實上咪又係一堆盲狗，見你係香港人先嚟搞你，淨係識得喺度搵自己香港人笨柒。冇禮貌，俾錢就大晒，懶係串串共咁，關我撚事嘅態度，真係好撚衰格，反而鬼佬叫做咩又即刻去做，又唔見你去欺凌鬼佬。 老實講其實真係好失望，本身見到一堆港豬已經夠心寒，再加上喺外國見到呢坺嘢，簡直係失望到極點，我唔可以一概而論，但只不過係陳述所見到嘅現狀，所見到嘅現實，唉。 Sorry

#NSS學業 [GUEST] 小妹今年中五，但係中文英文嘅閱讀理解極度差，學校pre我level2左右。 中文卷一除左甲部攞高分，乙部得個單位數😭英文係明明睇得明d字但係成篇也夾埋就唔識。 就嚟dse，我真係好擔心因為主科好差而入唔到大學所以想係度請教下大家有冇d可以令中文、英文閱讀卷提升🙇🏻‍♀️感激萬分🙇🏻‍♀️ 辛苦admin啦

#NSS學校 [Guest ] Hello 今年小妹F.4 是咁的 未停課之前嗰個男仔坐我前面 佢平時喺學校都會主動搵我傾偈咩都同我分享吓 但係當有其他男仔過嚟同我傾偈或者問我功課嗰陣 佢就會突然之間趕走啲男仔

#NSS個人 [Guest] 大家好，小妹今年中四，近嚟發現自己情緒唔係好穩定，有時候自己係房會突然狂喊，停唔到，但係連自己點解會喊都唔知，我覺得自己咁樣好奇怪，但我唔敢同frd或者屋企人講，前者係因為我驚佢地會覺得我好奇怪好痴線，後者係因為屋企人原本生活壓力就好大，我唔想佢地擔心我，但係我真係唔知點算。有幾次約左frd一齊出街，然而出街前突然情緒化好想喊，搞到最後我只好放佢地飛機，一個人係房到靜下。我有諗過去睇心理醫生，但我屋企並不富裕，日常起居飲食讀書靠住父母工作同政府支助都只係勉強足夠，平時發燒感冒都唔會去診所睇醫生，何況係價錢高昂既心理醫生？平時爸爸媽媽工作已經好辛苦，我唔想因為我既事而再增加佢地既負擔。 而且，我發現唔知由幾時開始，我坐唔定，成日un 腳，阿媽覺得女仔人家成個男人老狗咁un腳，好無禮貌。我有嘗試去改呢個壞習慣，但係我一唔喐就成個人好唔舒服，坐立不安，覺得煩躁，開始咬手指搣手指，小動作增加，更無辦法靜下心黎溫書。考試前一日溫溫下書，我會無啦啦走去碌IG，平日睇自己感興趣既小說，又會無啦啦去開YT或者睇IG，感覺做乜都專心唔到。最近感興趣既小說全部睇完，搵唔到其他新既小說，覺得好無聊好空虛，渾渾噩噩又係一日。 加上啱啱揀完科考完試，第一次測驗我四個X都唔合格，嗰陣成個人都好絕望，懷疑自己係咪揀錯科，明明中三成績都唔係特別差，明明自己都溫書，點解會炒曬？雖然係今次考試成績正常返，科科都返翻六成以上，但係已經冇之前咁自信咁有動力。中四分科，我同班frd分散曬，我係班上完全冇朋友，我嗰班係理科班，男多女少，坐既位比堆男仔包圍，前後左右都係男，最近既女仔都隔左三個位，我仲要有少少社恐，完全唔知點同佢地相處，日日係班都覺得好孤獨。 我真係覺得好無助，特別係情緒化嗰陣，我唔知自己為乜而喊，更唔知要點做先可以停低，係學業同交友方面都唔知點算好，有冇人可以話比我聽我應該點做好… Sorry for 1999🥲好感謝睇到呢度既你🙇🏻‍♀️

#NSS學校 [GUEST] 唔知點解讀極econ都讀唔識 又唔drop得 請問各位大大有啲咩方法可以令自己更加清楚啲concept呀🥲🥲

#NSS個人 [guest] (麻煩admin呢兩篇都po ig，上次寫漏咗 我係戀童嗰篇嘅po主。第4次/畢業後開始(我已成年)，就算雙方「坦誠相見」，佢都可以完全對我「無feel」，所以我先會肯定到佢身份。 就連我對佢嘅臉紅程度都係遞進式增長：前3次(中2-4，成塊臉紅哂。後5次，紅埋耳根。第5次見時，就算衹係遞張紙巾，都可以：1秒紅到去耳根(到底我發生咗咩事🤯！？ 家人嗰邊，同咗醫生講過幾次，但都解決唔到問題。已放棄……(佢哋總有理由反駁，我講再多都無用 我諗要講吓同網友嘅對話，你哋先知我激動喺邊-分析「你係又驚佢，又鐘意佢…但又憎佢(嘅身份)」我「咁到底係咪鐘意？我好亂」「唔好亂，你就係」傾咗陣又話「或者你衹係「貝戔忄生心理」先離唔開佢」咩鬼嘢嚟？完全無聽過！佢仲話「死啦，心理學上講，女人會冥記第一個男人！」真心咩？？「其實愛同恨可以共存」，但又無講可以點共存。到最尾仲覺得我「人哋唔鐘意你，仲要痴埋去」，係犯貝戔(但一直以來，得佢對我好，點可能會唔鐘意？你哋話係咪？ 唉，我應該點做先可以忘記佢/唔犯貝戔［其實犯貝戔呢樣嘢，係喺任何關係上都會做…所以我都唔知可以點］？(呢排失眠，都係諗住我哋之前嘅經歷😢

#NSS愛情 [GUEST] 佢一切都好，除咗成績 今年我哋 F5 ，識嗰陣 f3 網上識無見過， 佢同我都係初戀，而我去咗留學 異地戀，而小妹嘅成績大概係中下，100/80～60，而佢嘅成績喺100/70～0

#NSS愛情 [火星] 我是一個女學生，我愛上了一個女老師，從相識到熟悉到現在，已經快三年了。從當初對她的好奇，有朦朧的喜歡，小心翼翼接近，到愛上她，令她習慣了我的存在，習慣了我的甜言蜜語，習慣了我的偏心。她也會向我說她的東西，總有很多時刻令我忘記我們是師生。 我很清楚怎樣為之愛一個人，我很清楚我喜歡的是一個女孩，不是一個老師，撇開一切身份年齡地位環境，就算這個她放在同齡的我身旁，我依舊會喜歡她。我喜歡的她，只是剛好是我老師罷了。 她沒有特別漂亮，也不會在學生面前展現她的「溫柔」，她還有點傻，想一個字怎樣寫要想幾分鐘，她不完美，我知道她有很多缺點，但我願意去接受，因為我愛她。其實她真的是一個很霸道的人。 一些從來不看班群的人也告訴過我覺得我看着她的眼神是喜歡她，和熟悉的人更加知道我喜歡她，不過我沒有很認真地承認過，就算有，是哪一種喜歡？她沒有教我之後更是很多人問我不肯做某一個職位是不是因為不捨得她，是啊不捨得，只有我一個不捨得，只能每次見面後告訴她我很想她啊。 我雖然感性大於理性，但我也清楚，也不希望和她成為戀人。我知道現在的我不可能給她幸福，對她來說我也沒有足夠的安全感，但是我願意當她生活中開心的調味品，她需要我的時候我一定會第一時間出現。 我從來不叫妳老師，且有一天我也希望成為你的同伴，可以和你有更多話題。我也想過當我畢業或者成年，又或者對自己的感情建立了足夠的信心後，我會認真地向你表白，不再是像個幼稚的中學生嬉皮笑臉地告訴你很喜歡你，很愛你，有點自私說我想自己為這段感情負責任，有一個結局，我會想不管你怎樣看待這段感情，也能知道一直有一個你心目中的小孩很喜歡你，你應該也知道的，每次。 但放心不是現在，我不想你沒了工作。 最後，這篇東西只是我看完一個小說後，突如其來想寫一下自己的感情，她現在不教我的，還有幾年應該也不會了，不過還有一直聯繫。也不是第一次在這裏投稿了，畢竟我這麼放肆去愛一個人，可能有人知道我是誰吧哈哈。我不在乎其他人怎麼評論，看完就算了～

#NSS個人 [GUEST] 介紹返自己先，我今年15，係一個抑鬱症+焦慮症+人群恐懼+（曾經）校園恐懼症患者，介咗手2~3年，左手粗略估計有50~60條痕（有啲可能淡咗但如果仲喺度應該差唔多），以下落嚟我要講嘅嘢會有少少似遺書（當然我唔係依家要死，但我驚將來我冇機會講）。 我係一個喺中學由F.1俾人bully到F.3嘅人，你可能會問點解唔搵人幫手，傻啦~我地學校嘅訓導好黑暗，佢地只會相信一啲同佢熟嘅學生講嘅嘢，而同佢哋熟嘅，就係bully我嘅人，所以我根本搵唔到任何人幫手，而我都只可以同自己笑住咁話唔緊要。 我唔係一個好好嘅朋友，成日都因為好多雞毛蒜皮嘅嘢而煩我啲friend，玻璃心，扮慘呢啲形容詞我已經有心理準備佢哋會喺我背後咁樣標籤我，我有交心嘅朋友，理性上我知道佢哋係關心我，但心理上，我行唔到出黎，比人呃，俾人背叛嘅感覺，都真係幾難忘😂，（多謝班bully我嘅八婆） 我唔係一個孝順嘅人，F.1嘅時候日日都打比阿媽喊住咁話唔想返學，放學之後又做功課做到喊，又成日控制唔到自己，喺度發脾氣，介手又唔小心啲，成日比佢哋見到，又要佢哋擔心。 我唔係一個好好嘅女朋友，我呢~喺感情路上無論友情定愛情，我都係俾人呃，hurt得最深嗰個，因為呢啲陰影，我唔敢投放100%真心喺身邊嘅人，我知咁樣好仆街，感情最基本嘅嘢係信任，我何嘗冇試過呢加上…呢排病發好嚴重，感覺啲幻覺同幻聽好似要返嚟搵我，我真係唔知自己會做咩，有時…我好想推開身邊嘅人，我寧願做一啲嘢令佢哋憎我，我都唔想佢哋因為我受到傷害。 其實我照計係應該開心架，有完整嘅家庭，只係阿爸阿媽有時會話我肥（有時係講笑，有時係真）然後因為我節食做運動減肥，冇安多芬，所以病發到咁，係我仆街，有朋友，屋企冇錢但滿足到我哋日常生活，但點解我要咁玻璃…

#NSS愛情 [Guest] 小弟我而家讀緊大學，家境好好，之前活動嘅時候鍾意左個女仔(稱A)，覺得A好靚，性格又幾可愛，就開始追佢啦。 有日我成功約左A，之前買左個幾千蚊嘅chanel銀包諗住送俾佢，本身傾得好地地，我見時機啱，就拎個銀包出嚟，同佢講我嘅家庭背景，跟住同佢表白，點知A突然無曬笑容，講左句「你做咩啫，我都唔鍾意你」就走左。 我唔識反應，心諗乜唔係個個女仔都鍾意呢啲咩？第二日就問左A個best friend(稱B)，B話A對名牌冇乜感覺，多素著Uniqlo，食茶記。個下我覺得佢真係好特別，就決定繼續追佢。 之後我約A佢都冇出嚟，琴日佢終於覆我message，不過佢話「我有銀包啊，唔洗送咁貴嘅嘢俾朋友啦」，各位請問A咁講係咩意思？我應唔應該繼續追A?唔該晒！

#NSS家庭 [Guest ] “我從未感受過父愛” 小妹今年form 4，有一個細妹。父母結婚都已經十幾年啦，（我老豆比我阿媽大成十幾歲（15以上））基本每日都鬧交。而且次次都爆塞粗口，非常激烈，鄰居都換左幾輪。對於我和細妹佢更係好唔滿意，因爲我地兩個係女仔，所以佢領唔到丁屋，聼阿媽講，佢甚至諗過同阿媽生第三胎（最後墮左）。加上佢自我中心，覺得同佢唔同意見都係有病，就算同佢正常溝通都會閙交。比起細妹，我感覺佢更討厭我，平時睇電視見到丑角無端端會話我似佢，細妹話佢有病唔打，但係我又成日比佢拖在地上打。從細到大都係咁，搞到我以爲我屋企好正常。好彩我個單位係底層，唔係我一早跳左樓 sorry 第一次投稿好多錯字

#NSS社會 [GUEST] 其實我認為唔洗因疫情太緊張🤔 我表弟係英國全校都唔帶口罩，上個月佢同學同佢都中曬，但其實都係食下藥（佢食左一日就冇再食），係屋企隔離5日如果negative就返得學，佢冇打過疫苗。我表弟係嗰邊啲親戚都中曬，但完全冇野，冇緊張。 係與病毒共存～ 我都好快去外國，預左自己會中😙

[Guest] 下年就全家用BNO移民英國，我依家17歲，移民得黎都準備讀大學，好驚會好難適應，識唔到朋友。有D過左去嘅人都話有時有個 cultural gap 係到，會難識到本地人朋友，加上有D人移民過去會係由細讀起，係local School容易識人，但自己無咁嘅機會…有無已經過咗去嘅朋友分享一下經驗🙏🏻

#NSS個人 [guest] 知道你有睇呢個nss secrets 嘅 ig，希望你會睇到。如果你想揾人睇小動物或者打機，其實可以揾我同教我！！因為我唔知道你之前係隨口講下，定真係會約。但如果我主動揾你，我又驚你只係隨口講下而唔係真係想同我玩🥴 同埋我嗰日唔係有心無視你，只係我個腦轉得慢，當時接唔到你講嘅嘢 希望大家原諒我呢個希望識到潛力朋友嘅小毒L喺度投稿

#NSS個人 [Guest] 大家好，小妹已經患上抑鬱症四年，今日想同大家分享最近嘅一件事。 今朝一起身，我打開ig，得知有個來自台灣嘅16歲男仔”自煞”咗，佢同樣患上抑鬱症，本身佢已經消失咗差唔多一年，今日突然出現，就係佢阿哥出嘅post，話個男仔已經離開咗…我一開始睇到雖然有少少愕然，但我都冇好大嘅情緒波動，但唔知點解過咗一個鐘左右之後，我就開始有少少想喊，直到今晚我搭車番屋企，我直接喺車度不受控制地一直係咁喊。 其實我並唔認識佢，亦唔知有呢個人嘅存在，但我同樣身為抑鬱症患者，我明白離開係需要極大勇氣，佢可以做到呢一步，無法想像佢喺呢幾年入面有幾咁痛苦。喺佢之前嘅post入面，知道咗佢成日為其他患者提供正能量，但就忽略咗自己嘅情緒，我覺得佢真係好善良。一個努力為他人帶來溫柔嘅人，如今卻敗俾抑鬱症… 我想同個男仔講，恭喜你離開咗呢個可怕嘅世界，你真係好叻，同呢個病抗衡咗咁耐，堅持到依家真係辛苦晒，去到另一個世界，你就帶住笑容好好休息啦，希望你喺第二個世界可以開開心心。離開並唔係你嘅錯，可能離開對你嚟講係最好嘅選擇，祝你快樂🖤 最後小妹希望大家可以俾啲意見我，點樣先可以由呢段情緒行出嚟？麻煩晒大家，亦多謝大家願意睇到呢度🙏 sorry for 1999

#NSS其他 [GUEST] 大家好，喺嚟度想同移咗民/去咗外國嘅人講聲加油。以下落嚟想講嘅嘢有啲長，想分享吓自己嘅感受/經歷，希望大家唔好介意。 小妹今年06，9月嘅時候嚟咗英國。我可能同某啲人一樣，嚟英國係屋企人嘅決定，我冇得揀。有陣時睇到有啲投稿都係講英國/移民，好多人都有唔同嘅煩惱，我睇到嘅時候都覺得好有同感，原來唔係得自己一個經歷緊嚟啲嘢。 有啲人話嚟到英國真係成個人頹晒，我都唔例外。我喺香港係一個活潑好動嘅女仔，會成日約朋友出街，同佢哋好好傾，亦好少放負，朋友都話我幾好相處。嚟到英國之後我經常收埋自己一個，可能係因為唔習慣或者唔開心，但係我由9月收埋自己到依家，當然啦學都係要返嘅，其他時間都係喺房自己做自己嘢，拒絕同人溝通。喺嚟個時候屋企人成日同我講：「出去識多啲朋友啦，你咁樣唔得。」每次聽到嚟啲類似嘅時候我都當聽唔到，因為我覺得係廢話，我夠知道我要識朋友（小妹喺學校係有朋友嘅，只係除咗返學之外就冇任何交流。）有陣時我同我香港嘅朋友Facetime佢哋都會留意到我個樣頹咗好多，由外向變內向，其實嚟個都算係一個幾嚴重嘅問題。有陣時同佢哋傾傾吓計都會喊咗出嚟話好掛住以前嘅時候，然後佢哋都會安慰我話：「我哋等你返嚟！」 其實除咗嚟度嘅生活令我好頹之外，學業都係一個好大嘅問題，相信喺外國讀書嘅大家都會明白我講咩。06嘅我原本應該讀Year 11，但係怕自己跟唔上進度所以我降級讀Year 10。英文就肯定唔洗講，點會夠local嚟，英文文學真係唔掂，啲文章分析完全唔明，中文啲文章我都分析唔到，何況英文。數學我係冇問題嘅，因為應該嘅數學比較簡單。然後我學校係要Geo Hist其中一個揀一科，我揀咗Geo 就大鑊。我覺得Geo真係完全唔係人讀，因為首先你要英文好。有陣時見到自己嘅成績好差就會好自卑，產生一種諗法覺得自己好廢，然後就會想放棄，開始厭世，頹上加頹。

#NSS學校 [hpccss] 中一嗰陣，有個H同學。我個人覺得同佢都幾frd，小息都一齊玩嘅，每次分組都一齊（佢主動搵我）佢係嗰啲都幾自大嘅人，又唔讀書，差唔多科科都唔合格，但係佢講英文就冷係有尾音，好多時講到老師都聽唔明（佢英文係4字頭左右，oral exam 4/10）。 咁我成績喺我嗰班都幾Top，每次我考得好（老師會宣布），佢都黑臉，唔係因為佢唔滿意自己嘅成績，係因為唔滿意我有好成績。我都唔理佢，都唔講咁多有關我成績嘅嘢。通常過一陣就冇事。 令我最唔明嘅係，佢唔like我嘅post，係tag咗佢嘅post。我真係唔係介意，多你一個唔多，少你一個唔少啦。但係點解？我都以為佢唔睇啲notifications，send理去group（個group有佢，我，同第二個同學）佢都唔理。我唔係介意個like數，係介意佢有冇當過我係佢個frd？ 對我嚟講，我覺得佢有冇ike 主要原因唔係啲相靚唔靚，係佢比唔比臉啫。 sorry

#NSS家庭 [guest] 我真係好撚憎我老母，佢成日借啲意克扣我d錢，係到道德綁架我。 例如，佢唔記得帶銀包叫我俾住先，話番去俾我。但係到我問佢既時候佢就話：我係你啊媽，你唔係同我計ar or 你唔好咁斤斤計較la。仲有好多次都係咁，我唔借或者叫佢還既時候佢就攞佢係我老母，生我出嚟咁辛苦，d錢都係佢俾我嗰d野嚟講。 我真係心諗，d錢你俾左我就係我架啦，同埋你係我老母咁又點啊，我又無叫你生我出嚟，你自己又唔係窮，又唔係無錢，做咩要係到呃你個仔錢啫。 希望大家可以俾d建議我，點樣可以唔俾佢呃我d錢，但係又唔同佢反面？🙏🏻 sor for