#NSS學業 [Guest] Hi 小弟今年中四 打算將來喺外地升學 因為我對物理治療或者醫科比較有興趣 所以想喺澳洲留學 咁我想問下如果唔經學校嘅話 有冇邊度可以做交換生/交流生 同時我最近都見到有幾個海外留學嘅中介喺度sell緊美國交換生嘅plan

#NSS愛情 [guest] 男女之間究竟有冇純友誼? 小妹我好似對一個機友產生左D超過友情嘅野…… 是咁的，我本身同佢係學校都ok嘅，但係唔會私底下contact 反正經過一堆機緣巧合發現有挽同一隻遊戲，跟住佢就約我一齊挽，我地嘅關係就由普通同學升做機友。 本身都係有約打機先會call，小妹我某日嚟M加遇到垃圾事，所以佢揾我打機就拒絕左，我本身機癮都算深，可能佢發現到有D怪，就話佢陪我傾計。反正傾左一大輪唔清楚記得內容係乜，後面喊左出嚟，佢就開始安慰我ablalala，同佢平時反差都幾大。 之後唔一定打機都會Call，跟住間唔時佢會講左D誤導性嘅野，你咪我理想型囉，你要唔要養我阿etc…我本身都唔覺有野嘅，唔知邊日開始我會尷尬，會care佢提嘅異性，突然間發現自己好似暈船，我開始唔敢揾佢打機，驚比佢發現。 我係咪破壞左一段純友誼阿？點解我覺得自己做乜都好似唔啱嘅，btw我避佢避得好明顯，但唔避佢我又尷尬，點算好QQ 好啦我投個日情人節

#NSS愛情 [guest] 感覺我同男朋友一齊咗三個月都係好有距離 佢好似咩都唔識 搞到我都好放唔開 好拘謹 平時本來就的淨係得 早 做緊咩 同

#NSS個人 [Band 1A英文中學一間] 大家好，最近有件事令我有啲納悶，想知道大家對於呢件事嘅睇法。講咗起因先，話說我有個同學不嬲成績優異，一直保持全班第一，上年仲同我幾friend（以下落嚟我會稱呼佢做A）。自問我其實成績都算班入面嘅中上，有頭十名。但係今年我開始對A起咗戒心，因為佢越嚟越囂張、越嚟越串。我哋而家已經冇乜喺WhatsApp來往，但係之前上面授課嘅時候佢成日都串我啲成績。有一次我考試有四科攞全班第一，佢就當我透明，連一句說話都唔同我講。有一次我剩係得八十幾分，佢就喺我面前攞住佢份幾乎滿分嘅卷揚嚟揚去，驚死人哋唔知佢個分咁。我真係好憎呢種行為，佢成日都高估咗自己嘅能力，當其他人向佢提出相反意見時，佢就會喺背後話人哋蠢，話人哋冇腦，奇怪嘅係佢仲係有好多朋友。班入面嘅同學都叫我同A做「學霸」，A好鍾意人哋咁樣叫佢，但係當人哋叫我做「學霸」嘅時候，A就即刻黑我面。我真係越嚟越睇佢唔順眼。各位，究竟呢個係我問題，定係佢問題？ Sorry for 1999

#NSS愛情 [GUEST] 標題：師生戀左4年幾既我 想比啲鼓勵你地！ 長文慎入 Hello大家好啊！祝各位belated情人節快樂先😆見到好多愛情post同有關師生戀既，所以都想分享下自己小小既故事，真人真事🤣希望各位表白 追求 拍拖 順利^^ 嗰陣我仲讀緊band

#NSS學校 [GUEST] 想問下你哋zoom到幾點？點解我間學校下學期要zoom到5點10分🥲

#NSS愛情 [guest] 三年級時，我第一次和你同班。那時的我還是一個懵懂的小女孩，不知道什麽叫做愛情，只知道你是我的好朋友，每天都想纏著你玩。 而之後的四五六年級，我也很幸運地能與你同班。可能是因爲常常看電視劇的緣故，我對愛情有了認知。這時才發覺我對你的感情不是友情，而是愛情。我開始不敢看向你，眼神變得小心翼翼，因爲我怕目光夾雜著愛意。可暗戀總是美好的，和你在一起的日子天總是很藍，時間總是過得很慢。但後來，你貌似有了喜歡的女孩。我很失落，想著是不是自己不夠好，沒能成爲你心裏的那個人。但畢竟你從來都未曾屬於過我，所以我只能遠遠的站著，看著你和她相愛。 白馬過隙，我們去了不同的中學，再加上疫情，我們沒再見面了，我只能通過ig看到你的生活點滴，你的每一條動態我都在認真的做閱讀理解。 我很想你，經常會夢到你，我也把這一個個有你的夢記在了日記裏。夢裏的你對我很溫柔，仿佛那一刻你真的是屬於我的。記得有一次夢到你，可是到一半突然醒了，凌晨時分我坐在床上泣不成聲，責怪著夢爲什麽不讓我多看你一眼。你可以説我是一個活在夢裏的人，可我如今只能在夢裏見到他。那個出現在我滾燙飛揚的青春裏的少年，是我藏在心底最深處的秘密，只有日記知道我偷偷地喜歡了他六年。 我只能遠遠的望著你，在這個可以嬉笑的年代，暗戀只是個祕密。 多謝你地耐心地看到呢到,但其實我和他的故事并沒有到此結束>.< 最近我和他開始聊天，從學校的瑣碎事到自己的煩惱。然後，就約出街啦！！！ 我終於相信愛意係會得到回應。

#NSS學業 [Guest] 我自認都係個開心果，成日笑或者引人笑，朋友都覺得我好癲 但係尼排我數學係全班尾嗰啲，老師同我哋複習之前低form教嘅嘢我都唔識，我覺得自己好冇用好廢 好受挫，我發唔到奮去上數學堂，每次想都好想喊因為咩都唔識，人生第一次壓力大到自殘

#NSS家庭 [保良局屬校] 事緣係咁嘅，我呀爸係喺竹篙灣做嘢嘅，做民安隊啦，而家個疫情好似好「嚴重」，咁我媽就叫我呀爸係屋企戴口罩，我呀爸都接受嘅。 但係，我媽就成日講個疫情好嚴重，但係佢成日出街買嘢，我呀爸就叫佢唔好成日出街，咁佢哋就成日鬧交，我媽成日話我爸好自私，話佢出街嘅褲係屋企著啦。日日嘈交，我呀爸都冇出聲，但係我細個嘅時候佢成日因為同呀媽嘈交而離家出走幾日。我而家都好驚佢又走，因為我已經冇過一次呀爸（yes, he is my step-father :-D) Sorry

#NSS學校 [某band1英中] 話說我哋啱啱收到學校通知 話要轉返冬令時間表 上online lesson都要上到三點十… 其實真係完全唔明點解網課都要上到差唔多四點 原本都係上到一點四就上晒八堂 進度都好好 又唔覺啲老師教唔晒啲嘢🥲

#NSS學校 [GUEST] 前幾日返咗學校攞書 但就因為冇著校服俾校工姨姨攔咗喺門口 先發現原來唔著校服係入唔到門口 但我之前唔知道有呢回事 我就同佢哋講返我有帶學生證啦 點知佢哋話疫情嚴重 所以冇著校服嘅唔俾入 由於屋企算係仲搬緊屋

#NSS學校 [Guest] 以前呢，我係一個好唔起眼，但係讀書幾好嘅人，咁我亦都因為讀書好而「有幸」可以同一啲受歡迎嘅同學做朋友啦，又成日同佢哋一齊出去玩。我一直都珍惜佢哋，但係好明顯我係一個陪襯嘅人，我一直都知。 終於有一日，學校活動分組，去一個好陌生嘅地方，去到嗰度就老師叫我哋可以二、三、四個人一組周圍行吓，咁我哋四個女仔一向都好friend，咁個個都知我哋一定會一組。點知，其中兩個去咗洗手間，仲有一個響度，我就話不如我哋四個一組嘅時候，我個frd（響度嗰個）（ 簡稱’c’）就話：「唔使啦，我哋三個人組啦，你自己諗下你點啦！」我嗰陣時真係好唔開心，我問：「咁我點呀？唔好dum 低我啦⋯⋯」呀c就話：「我點知啫，你自己諗下啦，你冇自己嘅朋友㗎咩？」我當刻我唔開心，即刻喊咗出嚟。跟住，嗰2個frd去完廁所返嚟見到我喊，其中一個（簡稱’w’)就即刻問我咩事，跟住我同佢(w)講咗，佢（w)即刻好嬲啦就話：「呀c唔同你一組，咁我同你兩個一組！」(呀c最想同呀w一組）我好耐先止到喊 自此以後，我都認清咗邊個係我真正嘅朋友。我事後同呀c講返，佢都唔記得⋯ 我好好彩，而家有一班真心對我好嘅朋友

#NSS個人 [我有時候會覺得我嘅諗法行為好恐怖] 小妹有時候會覺得自己嘅諗法好恐怖 點解會咁講呢 我同屋企人嘈交 我第一刻嘅諗法唔係我點樣反思 或者我點解會做錯 而係我想衝入去廚房 攞到捅*屋企人 或者

#NSS學校 [[GUEST]] 大家好，小妹最近兩三個月開始受到老師騷擾，希望大家可以睇落去，俾啲意見我解決煩惱。🙇‍♀️ 事源f4嘅時候我個好朋友因為屋企嘅一啲家庭問題，導致佢好困擾，事態好嚴重我都唔知點處理，所以我哋兩個決定去搵佢嘅班主任，即一下主角。亦因呢件事同個老師開始熟，本身都係3個人放學會一齊討論同處理我朋友嘅家庭問題，去到之後問題解決咗，個老師會繼續週不時關心下我哋，當佢知道咗我數學好差，就話要幫我補下數。當時我覺得幾好可以唔識就問，因為教我個數學老師同時教緊f6數學成日好忙，我唔好意思放學阻佢去補課，同時我同我數學老師完全唔熟。 就咁我就開始放學會去搵個老師問數，佢亦好認真咁教咗我差唔多大半年。因為我好多謝佢教左我咁耐數，所以係上年旅行日我焗咗好多曲奇餅送朋友，都包括個老師，我仲織咗對手套俾佢，因為佢成日都話對手好凍。然後⋯⋯ 然後惡夢就開始……佢收到好開心，之後打咗字文咁嘅message 俾我，話好多謝我、我畢業之後要請我食野、以後唔好再送禮物佢等等。成個聖誕假佢好似轟炸機，日日send一推messages俾我由朝send到晚，我明明都已經超級hea個覆，「阿sir我仲有好多功課要做」、「阿sir放完假我要考試，我要溫書」去到之後我直接覆「✍」、「…」，但咁依然阻止唔到佢日日搵我。其實日日搵我我都算，但最主要係send啲奇怪野俾我，eg「我而家每晚都帶住賢妻良母織嘅手套瞓覺」、見到我ig有我喂貓嘅story之後就wts我「隻貓係你收留嘅流浪貓？介唔介意收到多個人，我想食軟飯好耐」我當時見到真係想即刻block左佢，好後悔點解ig要比學校老師follow 。仲有好多例如:佢會無啦啦同我講而家要出門口去食飯，我覆咁「您出門口小心啲」。但係佢話咩「我再唔出門就夜，再唔係到時你上嚟煮飯給我食」、仲有最恐怖嘅，我細妹唔小心打爛隻杯，我執玻璃嘅時候老師又轟炸，因為係咁響太嘈我就覆咗句執玻璃而家忙緊，之後靜音部手機，然後我見到條message 「有冇帶套?冇人教你做好安全措施？」我見到真係爆炸，帶手套就手套講啲奇怪嘅嘢，講笑係可以但講之前麻煩考慮下他人感受。同佢仲買咗價值大概500嘅生日禮物俾我……明明我無同佢講過我幾時生日，ig亦無出現過我嘅生日，好彩而家zoom唔會見到佢，不過就算見到佢我都唔想收。仲有好多好多，同省略咗老師每幾句就會有嘅心心眼emoji。 我認真好困擾同好唔舒服，對方係老師我又唔敢block

#NSS學業 [Guest] 我依家中2💁🏻‍♀️ 其實呢 我真係好唔鍾意數學（打呢兩隻字已經要幾秒）返正題 我啱啱做完數 個D數係阿爸比既 因為我數學好差 自己諗住惡補下 就聽聽話話做咗佢

#NSS個人 [MKC] 致某人： 不喜欢呆在群就不呆， 没人强逼你 不喜欢我就不要跟我相处， 每次都是你你自己主动的 现在我就是不喜欢你啊又怎样， 是你自己粘我这的 伊面群也是你进的

#NSS社會 [CU] 天真爛漫嘅年紀 卻肩負起勾劃生死簿嘅重任 雖然你甚至未學識說話 但希望你永遠記住嗰個罪人嘅名字 〇〇〇〇 寫喺生死簿度 完成你平凡又不凡嘅一生 妹妹仔

#NSS個人 [GUEST] Cyber bully 攰了……..一直想方法離開呢種困擾但一直都離開唔到，我幾咁想知bully我嗰個主謀，我做乜嘢點解要咁對我？明明我同你三唔識七？鍾意嗌埋其他人一齊笑我，無論我行邊一步，都要笑我話我，好嘈真係好嘈…………..請你以後唔好再咁樣，令到我好辛苦……….

#NSS社會 [ShittyU] 其實…點解打咗針同未打針會變咗對立？ 我前幾日打咗第一針 原因係返工要，返學又要 不過其實都只係藉口 只係我捱唔住政苦逼針嘅藉口 有啲打咗針嘅人留言，見到人哋未打，就冷嘲熱諷 「哇你咪好清高？」「遲早都要㗎啦」 其實我都真係respect佢哋可以堅持咁耐

#NSS愛情 [GUEST] 長文慎入 小妺係bi，最近有件事令到我好煩惱，我唔知我係咪鍾意咗一個我唔應該鍾意嘅人。上年暑假我識到佢，佢都係女仔，開頭識佢嘅時候都對佢冇乜好感，仲覺得佢有少少煩成日黐埋嚟整我。由於我冇乜朋友，但係佢又好熱情、好好人成日Send message搵我，咁佢就變咗我平時唯一會傾偈嘅人。我同佢越嚟越熟，成日同對方講笑，就好似有時我講錯嘢激嬲咗佢(佢唔係真係嬲 係講笑)，咁我同佢道歉，佢就會話我叫佢老公嘅話就唔嬲。咁佢要我叫佢老公咪叫囉，反正都係講吓笑。佢平時臨瞓前會同我講老婆晚安，咁我都係覆返晚安，但係唔會叫佢老公，因為我覺得無端端叫佢老公好似好怪(嗰陣時我仲未鍾意佢)。 開頭我哋都係叫下對方老公老婆咁，但係去到後來我哋WhatsApp講嘅嘢越嚟越曖昧，會同對方講我愛你，又會話我哋拍拖咁，仲有其他不過我唔寫啦。嗰時我已經開始鍾意佢，每日都好期待佢同我傾偈、講晚安，如果佢冇搵我嘅話我會唔開心，但係我唔知點解我又唔夠膽主動搵佢。 我唔知佢係咪真係鍾意我，雖然我哋平時傾偈嘅內容好曖昧，佢亦都話自己係bi 嚟。其實我都唔知佢同我講嘅嘢係認真定講笑，我問佢係咪真嘅時候佢會答係，但係我始終都係覺得佢同我講緊笑。(我唔知係咪我太多疑) 有次我哋傾電話嘅時候，應該大概講到拍拖嗰啲嘢嘅時候，我記得佢講咗一句「但係你係女仔嚟」，呢句我好深刻，我諗咗好耐都唔知佢呢句嘢嘅真正意思。究竟佢嘅意思係因為我係女仔所以佢唔會鍾意我？定係因為我哋係女仔所以喺香港好難拍到拖，屋企人都會反對，所以冇得拍拖？