#NSS愛情 [GUEST] 女校點先識到男仔😢 小妹今年13,讀咗女校兩年就唔識同男仔溝通,我小學係男女校,啱啱升上中學都冇咩事,由F2開始羨慕男女校嘅女仔點解可以同男仔咁frd,但我連喺網上同男仔傾偈都會緊張,淨係想揾個正常嘅男仔拍拖真係咁難咩,想揾個07 08嘅異性做frd都冇乜可能… sorry for 1999🙇🏻‍♀️

#NSS學校 [黃大仙區清水灣道某女校] 大家遇過最pk嘅老師係點？ 呢個bio老師jxxxx pxxx真係我遇過最pk嘅老師，個老師直頭係唔搵個人針對唔安樂咁，而我就咁好彩地係其中一個俾佢針對嘅人:) – 首先我每日上堂都feel到佢隻眼冇離開過我，好似無時無刻要睇住我做緊啲乜嘢，佢鍾意嘅人就做乜都得，上堂傾偈瞓覺做其他科嘅嘢佢都唔理。我隔離嗰個就都一齊俾佢針對，有時我問隔離嗰個幾句嘢，佢就即刻可以見到跟住就開始唔講嘢，望住我哋等全班都望過嚟，先開始鬧我地，但明明前後左右所有人上堂都難免會同隔離嗰個講幾句嘢，而我哋又唔係講得大聲，佢就淨係會鬧我哋。 – 落堂嗰時行緊出課室佢無啦啦叫我留低，跟住問我啱先上堂佢播緊片嗰時我喺度寫緊啲乜嘢，我就話我冇寫緊野呀，佢就話：「哦，咁你話點咪點囉，我都係問吓姐。」而我果堂真係好專心聽書，要抄嘅筆記都有抄低，而佢個樣完全就係覺得我一定講緊大話。仲有好多唔同發生係我frd身上俾佢屈上堂傾偈、瞓覺、發呆嘅事蹟。試過有人上堂拖住個下巴佢就話佢係暗住個口講緊嘢，揼低頭入個筆芯就話佢瞓覺。跟住有一次佢偏心嘅嗰啲學生做實驗嗰時滴到成地下都係水，第二個唔小心滴左兩滴嗰時咁啱俾佢見到，個老師就叫佢痞低將所有喺地下嘅水都抹乾淨，仲要話我唔理係邊個整總之你同我全部抹乾淨，真係完全冇諗住聽人解釋同覺得自己有問題。 –

#NSS個人 [GUEST] 唔知幾時開始，我習慣壓抑情緒 人究竟係咪要識得收埋自己，先算係成長呢? 我以前覺得委屈嘅時候就好鍾意喊，而家慢慢大個，唔知幾時開始我擅長或者習慣去忍耐負面情緒。我已經好耐冇對住人喊過，就算嬲都會努力忍耐，盡量用少講嘢嚟代替，令自己望落正常，因為我唔想畀任何人知我唔開心，唔想畀人覺得我脾氣唔好。 我開心自己進步咗，唔再好似以前咁發洩情緒，畀同學話淨係識喊，我喺人哋口中會係個開心樂觀嘅人。 予盾嘅係，我又有啲失落。真係好唔開心，忍耐唔到我嗰陣嘅情緒嘅時候，我衝動咁諗過打畀朋友，但冇理由要佢哋為我情緒負責。我打咗畀一個親密啲嘅屋企人，但我又開唔到口，我驚我一開口就會暴露自己喊緊，聽住佢一句句嘅喂，我更加想喊，最後只可以cut咗佢線 當刻我好挫敗，我好似已經淨係識得去壓抑住、摺埋自己，我唔會暴露自己嘅情緒畀人睇，唔開心但一定要同人交流嘅時候，我就扮冇嘢，我覺得自己好虛偽，但我剩係識得咁做 人係咪都係咁？自己消化情緒、自舔傷口、祈求快啲大個，擺脫唔開心嘅事同人，但我由小學就祈求緊「升中之後就唔會接觸到，可以忘記曬一切」而家中學都忘記唔到，以後大個又真係擺脫到咩？ 多謝大家用心睇完

#NSS個人 [[GUEST]] /小妹今年F3 一直都覺得自己係個幾樂觀嘅人 但我開始懷疑起自己… /我讀緊係一間叫做都唔差嘅中學 我F1嗰時真係hea讀 求求其其都考到四十幾名 F2 我feel

#NSS社會 [GUEST] Admin po IG plz 本身支針就唔應該打 加上而家人民打針已經變晒質 我寧願你愚昧無知咁話”vaccine save

#NSS個人 [XXX] 我知道無論男女之間都會有身材、外貌上嘅比較，係疫情底下有時好耐無見，成日第一句就係你肥咗/瘦咗，高咗/靚咗。 係人都想比人讚㗎啦，聽到有人話自己肥咗實會唔開心。 雖然身材管理係好事，但對自己身材太執著就好易變成病態，而我真係奉勸大家唔好太在意呢啲說話，特別係你BMI無問題，青少年嘅各位就唔好隨便減肥。 坊間好多減肥方法，而家最常見到咩生酮咩168等等，online啲售賣「健康」食品嘅shop就更加多不勝數，無錯減肥方法真係有用，但係你咁後生，新陳代謝都仲係比好多人快，當你攝取C/P/L唔足夠，或者缺乏某種營養素，其實都好影響你發育。 舉個例子，有啲女仔其實身材好正常，但睇到有啲好瘦嘅女仔IG po靚相，又會自己想減肥，呢種心情係可以明白嘅，但減到真係瘦到得骨，月經又唔嚟，係咪值得呢？ 身邊有越嚟越多同學或朋友出現呢啲問題，就算係online上堂，隔住個mon都見到女嘅就面青口唇白，男嘅顎骨突曬出嚟，身邊所有人10個有8個都係呢啲狀況真係好恐怖， 所以我奉勸大家多啲愛惜自己嘅身體，疫情期間盡量都食好啲訓好啲，一定要注意飲食均衡，出唔到街做運動都多啲做workout，唔好搞殘自己身體。

#NSS學校 [GUEST] 每日千幾單學校都照考mock 一個中咗咪冚家鏟？

#NSS學業 [Guest] 小弟f4, 係第一屆公社科考生，我覺得呢科好難，唔知點好 我學校初中L&S係用英文教嘅，原本嘅LS都係，不過可能為咗配合返公社科嘅內容，轉咗做中文教學，我中文教學嘅科都好差，而且唔擅長背嘢，公社又咁多嘢要背，仲要係死背嗰隻，我真係讀嚟讀去都讀唔掂 我可能係唔慣死背？我係理科生，習慣背concepts, 可能係咁，不過我嘗試過死背，背係背到，我亦都明本書講乜，但係做題目總係攞唔到幾多分 因為我係第一屆，所以冇得好似其他科咁上網睇片睇文，參考吓歷屆考生嘅tips, past paper又冇，得嗰一份sample

#NSS學業 [Dser] 大家知唔知dse洗唔洗打針 一針都未打都唔諗住打 唔知點好

#NSS社會 [Kt] 有冇唔洗迫針工作?

#NSS愛情 [Guest] 點樣放低前任？ 一直對佢都好愧疚 見到都兜路行 之前做過啲嘢對唔住佢 到而家都放唔低佢 佢已經講到好決絕 我知我扑街 大家要屌嘅話唔好屌得咁甘

#NSS家庭 [BLMCSS] 我真係唔想再係再留係呢個屋企 我老母好細個就因為老豆係結咗婚無耐就唔肯去做嘢又欠債欠到人地不斷打恐嚇電話比佢所以離咗婚，之後老母好快就因為呢段失敗既婚姻有咗情緒病食咗8年藥到到而家都仲有keep住食。 一直以黎我都知道老母一個人擔起頭家唔容易所以都盡量去體諒佢，平時都有幫佢做開家務，有陣時放學都會買埋餸返屋企煮飯。 因為其實我老母病情一直都係度惡化緊佢又唔肯去複診話無用，導致到佢而家心情好同心情唔好個陣完全係兩個人。心情好個陣可以對我好好，同正常阿媽對女咁無分別，但係我但凡有少少嘢唔順佢意既就會對我又打又鬧，每次都用粗口咁樣鬧到我仆街咁款，又da爛嘥屋企啲嘢，仲會每次都會扯住我把頭髮問我知到錯未，話佢成世人都比我同我個仆街老豆害死咗，仲話唔介意扯埋我同佢一齊跳樓同歸於盡，有好幾次都攞住把菜刀隊住我問我知錯未。 好自然地我就越黎越唔中意呢個屋企，出街既次數都越黎越多，之後佢就係度不斷話我當屋企係酒店同提款機，話我根本無將佢放在眼內，一日到黑淨係識得同人出街同埋本身大大吓同frd出街次數都自然會多，之後每次基本上我一同佢講話要出街就唔比我出街。如果死都要夾硬出去既話換黎既都係佢既一頓毒打，出街化妝又會比佢係度死咁鬧我化到成只鬼咁，去做雞都無人屌。 我真係覺得好辛苦好窒息，我打呢段文字個陣都係一邊喊一邊打，人地都話家係避風港，但係係呢度唔好話係避風港，我覺得我係呢度已經毫無自尊可言，我真係好想好想擺脫呢個屋企，好想好想擺脫呢個恐怖既老母。

#NSS家庭 [Guest ] 想問下大家可以點做？ 長文慎入 講返小小背景先 自己今年14 有兩個妹妹 1個9歲 1個3歲

[Idk] 英國公校year 10 辛唔辛苦？ 冇讀過year 9 直接讀year 10 會唔會好難追？

#NSS家庭 [鴨脷洲國際學校] Admin pls post ig plssssss 🙇🏽‍♀️🙆🏽‍♀️ 介紹一下小妹而家係中二，屋企準備要二月尾移民～ 本身好多親戚朋友都會問我會唔會好緊張或者好興奮未來要離開嘅轉變，其實之前真係冇嘅但啱啱發生嘅嘢絕對改變左我嘅諗法。係投之前嘅一個鐘頭，阿爸阿媽非常之沉重咁樣同我講話去到嗰邊要有一個新開始要改咗啲壞習慣。但佢一路講一路叫我做嘅規則我覺得非常之無理，希望大家可以平下理：）

#NSS其他 [Guest ] 係東薈城執到一張學生八達通，姓許，女仔黎，張卡係灰色。 唔知睇唔睇到school secret但係我都問左先啦😂

[GUEST] 我大概係半年前黎左英國讀書，我地學校係國際學校，所以我都expect會有好多香港人，咁我好慶幸我咁內向英文又屎嘅人係度識左個香港best friend，叫有個照應咁，下稱佢為E。 E讀書成績好好，而且都好外向，同好多外國人都好friend，我成日企係佢隔離都好似好毒咁，雖然E有嘗試過帶我一齊同佢地出去玩，但係帶多一兩次，佢就冇再帶過我出去，我覺得係因為佢d friends覺得我係度好尷尬，我又唔明佢地講埋d inside joke。 我自問英文真係好差，讀書成績勁差，係香港大概全級尾20，反觀E係香港讀band 1都長期頭10，我有時候覺得E會同我frd只係可憐我，我打呢篇文都只係想發洩，可能係我羨慕E太多，E每個星期都會同朋友出去玩，玩到好夜先翻學校，好似成日都唔洗溫書咁，而我就個個禮拜都自己係房溫書，但係成績從來都冇E咁好，平時係走廊行去班房，沿途都會有好多人同E say

#NSS其他 [GUEST] 如果Nss secret 一百年後，投稿編號會係點？會重覆定係點？純粹問吓，冇惡意

#NSS家庭 [GUEST] 標題：自身壓力如何處理？ 接下來的文章會使用書面語： 小妹是一個從內地移居香港的學生，五年級轉學來香港，因為從小放假都來探望家人的緣故，粵語表達也算比其他內地移居的學生好，朋友也有一定的積累。在香港也讀了自己心儀的中學。（現時F1） 可是我總覺得我媽媽總是為我付出許多，我的父親和母親離異，父親更加去世多年。一直以來都是媽媽、外公外婆在照顧我。因為這個原因，我剛剛來香港居住的時候總是喜歡拿爺爺嫲嫲和外公外婆比較，總是讓家人難堪。讀了中學後更加是覺得用的錢多了，我本人不奢求太多只希望家人可以健健康康的，但是現在媽媽一個人撐起我的日常支出（媽媽收入不錯，我的願望也總能第一時間實現）。但正因為如此，我才更加擔心沒有辦法回饋媽媽。外公在日常也給予了我很多，例如零用錢買文具和出去玩的開銷。現在我成績也算良好，在學校也算是萬眾矚目，而且無論是父親的家庭還是母親的家庭，我們關係都像朋友一樣無話不談。但正因為這些元素，使我很擔心將來該怎麼報答我的家人。 其實整篇文章都是想表達我自己產生的壓力，不知道將來該怎麼報答家人，將來該做什麼工作，擔心會不會麻煩到家人，希望大家不要因為這麼多的文字而感到煩悶和討厭（如果有的話小妹在此道歉）

#NSS學校 [GUEST] 小妹今年F4，見到我校同香港學校嘅學生會大多使用外文(非中英文)起名，中文版更寥寥無幾。 想問下大家認為呢種現象嘅原因係咩呢？大家對於學生會起名，又比較偏向簡單易明嘅中英名定比較文藝嘅外文？❓👀 先講下自己嘅感受：此類外文名比較冇記憶點，甚至有d學年完咗，都唔清楚點讀、咩意思。🤔本人偏愛簡單直白嘅言語，因為學生會屬從政活動，受眾係學生，其宗旨要令越多人理解、深入民心先係最正道嘅做法。 我尊重每個學生會經過深思熟慮所決定嘅名，你地嘅奉獻係絕對比呢個用名嘅討論上更值得關注嘅。為此我都祝福各學生會工作順利、認真肩負為同學服務嘅責任！💪🏻 以上僅為個人意見，希望大家能踴躍分享高見✨✨✨感謝！！