#NSS愛情 [TSWGSS] 佢對我有好感定係只係對師兄嘅仰慕 佢細我2年，呢排佢成日喺ig chat上面問我功課，又會覆我ig story。而我對佢都有好感，想問吓各位點樣可以知道佢諗緊咩，我唔想喺未搞清楚情況就表白 Sorry for 1999🙏🙏🙏

#NSS愛情 [guest] 小妹第一次投稿 有啲咩錯字 講錯嘢 還請各位見諒 篇文有啲長 希望大家會睇晒佢 辛苦晒admin同各位啦 我覺得自己好似鍾意咗A

#NSS家庭 [Guest] 從小到大，我都很羨慕有錢人。 我出生於一個普通家庭，一家三口住公屋。家中並不富有，只有爸爸出外工作，媽媽則是家庭主婦，處理家中事務。很羨慕含住金鎖匙出世的人，至少他們想要什麼都可以擁有。 由於只有阿爸工作，因此我很少機會有零用錢，於是中學以及升上大專都有返下pt，減少屋企負擔。 而我買任何嘢都要思前顧後，再三考慮。記得疫情的時候，被逼無奈要買部ipad，沒有父母的金錢資助，全靠自己的pt錢買，說到這里，更是對有錢人羨慕不已。 有時候看見別人父母可以買價值不菲的ipad給自己兒女，說實話，我很羨慕。同時亦很羨慕身邊的同學或是朋友不用返pt，不用提早體驗賺錢的辛苦以及沒有物質方面的壓力。 返pt令我體會到錢原來賺錢是很辛苦，所以我時時刻刻提醒自己我要養成儲蓄的習慣。尤其在不富有的家庭中長大，錢對於我來說很重要，但這樣的生活有時候也很累。 面對親戚，更加十分不自在和自卑。身邊的親戚有些是做生意，有些更是政府工。他們是社會上的中產人士，而我這個家庭則是社會中的基層吧，呵呵。所以每逢節日，例如聖誕、中秋，新年等等，一想到要面對他們，真的是十萬個不情願。 我並不抱怨在這樣的家庭中長大，因為世界上其實有很多人跟我一樣可能都是住公屋，要返pt，甚至有些人可能比我更辛苦。

#NSS家庭 [GUEST] Admin po IG pls🙏🙏 小妹今年f2，同阿爸關係唔係好好。阿媽同我都覺得阿爸脾氣好差，好暴躁。 咁就話說前幾日嘅時候，我見到阿媽喺度煲湯，就問下阿媽煲咩湯，點知阿爸就無啦啦閙我，話我寧願餓住個肚都唔肯落去買嘢食。但係我明明啱啱先係客廳食完嘢，咁我就話我啱啱先食完仲未餓，阿爸聽完就開始嬲，叫我幫佢買，但係佢係半個鐘頭前食完。 我當下心諗，你自己買唔得？你一次都冇買過比我，我憑乜野要幫你？何況我連睡衣都未換，你換好咗做咩唔自己買？ 點知阿爸話唔買就lock晒我D手機同iPad。

#NSS其他 [GUEST ] 純粹想同大家討論下哲學， 答案和問題的真正關係和它們本質的意義— 反省/改變： 我們先由一些不能真正解答的問題開始或者答案主要是主觀性的答案開始 那麼，真正的生存意義是什麼？ 生命的意義在哪裏？ 我們為了什麼活著？

#NSS個人 [Guest ] 小妹08，係個比較內向嘅人。 其實係咩鍾意睇書，就係nerd? 我本人就好鍾意睇日本文學小說，例如太宰治，中原中也，芥川龍之介嗰D作家作嘅書，我都好鍾意睇，幾乎每日都會攞住嗰D書，返學，喺校巴或者喺班房睇。 咁有一次學校嘅book sharing，我就分享咗太宰治嗰本人間失格嘅書啦，share完之後，成班人指住我話我係nerd，因為小妹D成績一般，所以我好好奇，究竟nerd嘅定義係乜嘢，係咪鍾意睇書就係nerd?

#NSS家庭 [guest] 我對我爸爸好失望，佢真係好變態 我阿爸阿媽喺我小四個陣分左居，嗰陣我阿媽剩係同我講想分開一排，但係我冇諗過會變左離婚。 我細個既時候好鐘意我爸爸，因為佢好錫我同埋唔會鬧我打我，有時阿媽唔比做既野我阿爸會偷偷地比我做（細個嗰陣就覺得阿爸好好）但係阿媽就成日話佢會寵壞我。 佢地未分開個時差唔多晚晚都聽到佢地鬧交，可能佢地好早已經有分歧，但係為左我同阿妹先冇離婚。 前一排我阿爸告我阿媽上法庭，好似話要我阿媽比返幾十萬我阿爸（佢話嗰幾十萬係以前佢有份比出黎既錢加加埋埋返黎嘅）我阿媽而家已經要一個人返工搵錢撐起頭家（因為我地同埋公公婆婆一齊住，所以阿媽又要養多兩個老人家）同埋已經冇乜多餘錢，仲點比幾十萬我老豆？ 好彩最後唔使比錢我阿爸，聽講個陣連個法官都話我老豆點解仲要追究返以前既錢。 前幾人我阿爸send左張相比我，張相係我屋企個窗口，佢仲同我講「掠衫出街喎😬」個陣一打開手機見到真係好心寒，我覺得佢好變態，因為我地都住得高，佢正常係企係我地屋企樓下數樓層。 平時佢經過我學校會影張相比我睇，好彩個陣啱啱放左學返到屋企，如果比佢見到我放學就死硬。

#NSS個人 [guest] 小弟我成日聽人講 話“啲人買名牌只係為咗個牌” “名牌”係點定義？ 攞電腦零件為例 如果我買ROG全家桶 佢嘅用料係好有水準 一分錢一分貨 而且實用

#NSS學校 [GUEST / 應唔應該絕交] ☆由於所發事情太多 所以抽出個人最忘記唔倒嘅 小妹今年13y 現讀女校 從細到大都冇乜朋友 以前小學成日俾人蝦

#NSS學校 [西貢區的某間Band 1 中學] 不如不好上堂啦！經常偷懶不教書！ 小弟今年F5。我們教旅款的老師雖然温柔，但經常上堂不教書而做其他與教學無關的事。一星期內，小則1日不教書，多則5日都不教書，令我們的進度遠遠不及其他科目相應的。之後考試大家考不好，老師則怪責我們無聽課，但完全無想到是她自己經常不教書造成的後果！ 此外，她不教書也有多種理由，有頭痛、腳痛、學校工作繁忙無法教書、工作壓力大、電腦故障、遲上堂等種種理由。我對這位老師真是五體投地！

#NSS個人 [沒有] 疫情上升得好快 阿爸阿媽唔俾我出街 成日都冇得見男朋友🥺 好難受。好想出街啊！！！！！有冇人同我一樣🥴 希望2月14號之前 回落少少🤏🏻😮‍💨😮‍💨😵 想出街

#NSS愛情 [guest] 係咁嘅小妹今年就f.4，有一個好好嘅男仔朋友，同佢同班左四年 下稱L，同佢就識咗差唔多四年，我啱啱識佢嗰陣已經開始鍾意佢，喺其中佢拍過兩次拖，而嗰兩位前女友有一位係我而家嘅好朋友（下稱W)另外一位係係我嘅同班同學(下稱H) 前年一開始W知道我鍾意L，所以佢約咗我同L同埋其他人一齊去玩，之後L同我講佢鍾意咗W（識咗一陣之後就做咗好朋友，所以佢先會同我講），然之後就開始追佢，最尾追到W，W同我講佢好對唔住我，跟住我就同佢講其實冇所謂佢鍾意邊個我管唔到，祝佢哋幸福，跟住就同L保持距離。 去到暑假嗰陣W同我講佢覺得L好煩，又話佢一開頭同佢一齊純粹係諗住玩玩下，最尾W提分手話唔想佢嘅情緒影響到佢 又話佢哋唔合適。跟住L就梗係好傷心啦，情緒低落到一個點，我就成日陪佢傾偈、開解佢。 去到開學W話佢心血來潮想同返L喺埋一齊，咁我就梗係唔想佢繼續傷害L，但係W性格好怪，我又唔夠膽阻止佢，所以就同咗L講佢哋分手嘅真正原因，但L份人好心軟，W就成日走去搵佢，L又唔忍心拒絕，差少少佢哋就會一齊返。可能咁樣做好衰啦，但係W本身份人就係玩玩下，佢每一次拍拖都長唔過一個月，我唔想L再俾人呃。 件事完咗之後就去到幾個月前，H就同咗L表白，因為L以前鍾意過佢而家仲對佢有鍾意嘅感覺，所以就應承咗佢同佢一齊，咁我就好想死心，過咗一個月左右，H就同我講L對佢好冷淡，成幾日冇覆佢message，佢嗰陣就好驚，我就安慰佢話可能佢好忙唔好亂諗嘢，跟住過咗個星期之後L同我講佢哋兩個分咗手，係個女仔講既，原因係因為阿爸阿媽 佢覺得有壓力。咁佢傷心咗好耐我都陪咗佢好耐。

#NSS愛情 [GUEST] 小弟今年year2，追咗一個女仔一年，想比大家一個警惕。 我就長話短說，唔講太多追佢嘅過程。 首先佢係個好安靜嘅女仔，好多同學都覺得佢好難捉摸。不過，同佢熟咗之後發現原來佢私底下好活潑，都會追韓國男團，會對住偶像花癡，身邊又有一堆女性朋友，平時都會有啲閨蜜之間嘅親密接觸，又會傾下動漫靚仔嗰啲，所以我一直都覺得佢對男仔有嗰種興趣，而呢種對外對內嘅反差又令我更加鍾意佢。 直到我哋嘅關係開始熟絡，我會主動約佢兩個人一齊出街，彼此都越嚟越多肢體接觸，佢有時情緒高漲嘅時候會翹我手，察覺到之後又會慌忙咁抽番開，驚我唔鍾意。 每次傾計都真係覺得佢好cute，又覺得我哋又進一步拉近咗關係，都幾曖昧。 喺某次我鼓起勇氣，喺氣氛正好嗰陣打開咗啲有關愛情嘅話題，原本仲打算趁機問佢想唔想試下，點知仲未講出口就…… 「如果你係女仔我諗我應該都會幾鍾意你」 突如其來聽到呢句，我下意識咁「吓？」咗聲，之後傾下先知，原來佢一直都鍾意女仔，有過嘅ex都係女仔。

#NSS個人 [Guest] 我真係冇曬任何讀書嘅動力 小妹一直都有抑鬱 長期食藥 每次放長假都好容易唔開心 輕則喊幾round 重則閉關 我以前嘅主診醫生成日話我唔做運動 但係我每日返學都好攰

#NSS家庭 [Guest] 小妹而家中四，上年年頭開始發現有抑鬱，醫生建議養吓啲小動物陪我，一開頭諗住養貓但考慮到冇乜位所以最後養咗倉鼠。其實我有諗過倉鼠咁短命到時死咗我又會唔開心，不過到時先算。 11月我去覆診嘅時候醫生話我嘅情況改善咗好多，可以試吓唔食藥，我嗰時好開心，好感謝我隻倉鼠– 開心果。 點知早排政府推出殺鼠令，作為無腦藍色生物嘅老豆老母即刻話揼咗隻倉鼠。我當然有拗，佢哋係咁話倉鼠有病毒，我有話過倉鼠唔出街點會無啦啦有事，係到我哋人類感染機會高啲啦，當然佢哋唔會理。佢哋威脅我話如果唔棄養嘅話就踢我出屋、唔供我讀書、揼晒我啲好珍貴嘅嘢。我嗰時即刻話我死都唔會棄養，點知下一朝佢揼咗我移咗民嘅best friend送畀我嘅手鍊(我長期擺喺臺)，阿爸話呢個只係前菜，我再唔決定棄養嘅話就畀我慢慢享受，我嗰刻好驚，因為我仲有好多我同我朋友嘅回憶收埋咗，仲有好多仲要嘢，但我都冇話決定棄養佢哋就襯我瞓覺嘅時候拎咗隻倉鼠去漁護署。我起身發現咗之後即刻崩潰，仲見到呀媽message: 「到時我哋賴嘢係咪入你數? 隻倉鼠你㗎嘛!你咁鍾意養咪之後養過第二隻囉，咪一樣! 咪煩啦，幫你處理，唔使勞煩到小姐你啦。」救命。我嗰刻真係世界末日，好想去x，最後望返我倉鼠嘅相先冷靜到。

#NSS文化 [Guest] 話說而家疫情好嚴重，小弟參加嗰啲校隊training又無晒，落街練體能又唔係咁好。又唔想好似疫情期間咁頹，其實係咪應該開始要向音樂嗰方面發展，會唔會好難開始咁，想問下大家意見咁🤨🤨

#NSS愛情 [guest] 你寧願嗌一場交，將所有問題我攞曬出嚟講， 定係大家好和平，但係雙方都知道段聯係出咗問題，但係一直收埋、冷戰？

[guest] 小妹係英國讀書一年，之前都冇見到特別明顯嘅歧視，而我都係個特別敏感嘅人。 今日lunch time我照常同幾個朋友坐係度食飯，我買咗一碗雞翼，坐我對面嘅有兩個大過我嘅姐姐。咁食雞翼梗係有骨啦，我就將啲骨擺係另一個碗度。佢地就勁明顯咁指住我係度笑，一開始我都唔知佢地笑緊我，佢地仲模仿我動作，笑得好大聲。我個陣時真係好唔舒服，即刻拎嘢走咗。 之後上堂我就一直諗返起呢件事，覺得真係好唔舒服，但係我冇做錯啲乜嘢，其他同學食雞翼都係咁樣將骨擺係個碗度。

#NSS學業 [GUEST] 唔該po俾多啲人睇到 緊急：1星期內要收集曬啲responds 麻煩曬🙏 阻大家少少時間 幫幫手填份問卷 唔該曬！ https://docs.google.com/forms/d/e/1FAIpQLSeDDIU4KC_Y2sgw2nuTWO2KTYnDgQsOaxGrnSf-WsvJp_5QIA/viewform

#NSS家庭 [guest] 由細到大都比人同阿妹比 小妹今年F.5 , 阿妹 F.1由細到大 ，阿妹乜都好過我 , 樣又好過我