#NSS個人 [GUEST] 父母一直都冇強迫我去打針 但過幾個月就18 老豆話申請身份證要出入政府場所 就一定要打 有冇方法可以吾打 仲想堅持落去

#NSS個人 [Guest ] 小妹今年14 其實自己之前一直都會焦慮（？）會焦慮好多唔同嘢，但係最近莫名其妙會冇原因焦慮同唔開心之後個人會好迷惘冇精神（其實都一段時間）想自殘但又要驚。個人唔識express 唔識開口同人講（比人印象不嬲都係好positive )到底我可以點？ Sor for 1999

#NSS學業 [GUEST] 補習係咪真係有用？ 小妹今年中三，由於家境問題，由小學開始都冇補習，成績一直都ok，未至於完全跟唔上d課程，但係一唸到3年後要考dse就好煩惱，因為始終我地中中同出面其他英中嘅競爭力都係差d，好驚因為咁而考唔上大學，令父母失望。另外就算考到大學，d課程全部都係英文，要追翻d進度又好辛苦。所以想喺呢個暑假搵pt賺翻d錢去補習，但驚補習唗左錢又學唔到野兼浪費時間。想系度問下各位對補習嘅睇法。 sor for 1999 thx admin po

#NSS愛情 [GUEST] 我想和你在一起，但我想你不會對我有興趣… 你（女）比我（女）大一年，今年你是我的社長，我是你的社幹。由我中一開始便知道你是誰，但是當時對你沒什麼特別的感覺，只是一個普普通通的師姐，到了今年開學後才真正和你有交雜，記得你當時要和我們一起拍攝社的照片，我是唯一一個很不合作很頑皮的，這都是在吸引你的注意，在這之後，你開始頻密地找我幫忙，我很開心，因為可以見到你。即使我們在同一層，但是見到你的機會真的是少之又少，每當經過你班房時，我都會不自覺地偷偷看看，你究竟在不在，有時我都會跟你對了一眼，見到你過得開心，我也會替你感到高興。記得有一次你邀請我陪你回學校做小幫手，我二話不說就立即答應你了，只奢求能夠見你一面……無人預計到那一天是那麼的大風，但是站在門口的我卻沒有抱怨，因為我知道，見到你，已經很開心，無論有多冷，我都願意為你承受，誰知道你見到我打了個冷震，彷彿在扮男子漢大丈夫似的，叫我和你交換位置沒有那麼冷…此時此刻，我軟弱了，只好像個乖寶寶一樣服從你的命令，換了位置後，你便開始看著外面的街景，而我卻選擇看著你可愛的臉……一會兒後，我們在課堂裏休息，和你一起聊天，聊了好一陣子，可以放學了，我和你和其他人一起走，你卻問了我一條問題，我沒有答到你，但是我卻回應了一句：「關你咩事=.=」現在真的非常後悔我當初那麼兇…… 幾個月前，我一直不停欺騙我自己，我是喜歡男仔的，但是遇上你之後，我發現我喜歡了你，你令我想保護你和珍惜你，但是這都是只有我想，你可能只當我是一個平平無奇的小師妹……

#NSS個人 [GUEST] 想問各位仲有冇人未打針？ 小弟今年中三，本身唔想打針 一係完全唔信個垃圾政府 二係擔心疫苗副作用 我都知打完第一針 第二第三針基本上都係要打 屋企人起初都尊重我意見 無逼我打

#NSS學校 [CUHK] 唔知有幾多人想入中大呢？ 以前的我一直視以中大作為目標，可是當我入讀中大後，發覺很多事都已改變了。學校的政策總是一次又一次讓人失望。然而，我認為這地方仍留下很濃厚的人情味，這裡的人讓人感到十分温暖。 同學如果只追求人文氣息的話，那麼中大十分適合你。同學如果追求開開心心住下宿嘅話，咁中大會中途quit 你個宿！ 你唔介意呢啲嘅話，中大仍然係個好地方，在於一份中大志。 知道就嚟考DSE, 想為中六嘅同學講句加油！ Sorry

#NSS家庭 [CCKLN] (Re返上次唔想留係呢個屋企個post) 自己本身嘅遭遇同樓主你好似，我老豆又係喺我好細個嗰陣（自己仲讀緊幼稚園）就因為一次去賭錢而負債最終仲要我阿媽幫佢去還，如是者過咗幾次之後佢終於對我老豆失去左信心返反外地（雖然無離婚但自己已經算係單親） 自己仲讀緊幼稚園嗰陣因為阿爸嗰邊啲親戚都住喺香港而阿媽嗰邊嗰啲親戚都住喺外地自己嗰陣又唔懂事唔知發生咩事所以就被説服左留咗喺香港。嗰陣阿媽都有諗住挽留我但佢比起我阿爸嗰邊啲親戚溫柔太多而無比到太多壓力我 唔懂事嘅我就自然無跟佢走 仲記得佢對我只有兩個要求 唔好輕易放棄同要獨立 時間真係過得好快 而家自己已經form

#NSS學校 [GUEST] 其實可大家唔可以尊重下人地嘅感受？ 小妹一向都好唔鍾意人哋討論自己嘅身形 上PE著短袖咪會比較突顯身材 有啲口賤嘅男仔就會起D難聽嘅稱呼 甚至係明顯咁望住嗰度 搞到周身唔舒服 所以我無論點都好點會着件褸 費事俾人”眼神非禮”

#NSS愛情 [GUEST] 以前的我從沒想過，自己會喜歡上了一個女生。 剛認識你時，很快就和你熟絡起來。卻莫名的，比起其他人，我總是特別喜歡與你一起，特別常想到你，特別喜歡黏著你。 還記得，那次失戀時，儘管我有多煩人，你都總是陪著我渡過。直至午夜，你仍然不會掛斷電話，不讓我獨自一人。因為你，我很快就渡過了悲傷。 在那一刻，你開始一步一步的，不顯眼地進入了我心裡。我卻仍然以為，我只是比起其他人，特別喜歡你這個朋友。 「我只係想同佢相處多啲咁啫？」「我只係特別重視佢啫？」「我只係冇乜安全感，特別關心同佢嘅關係啫？」 半年過去，事實慢慢地擺在眼前。所有的情緒反應，告訴了自己真相。一直逃避的我，那刻不得不接受了。努力嘗試接受自己，這掙扎卻一直一直折磨著我。 我也知道，你有喜歡的人；就算沒有，也不會是我。因為清楚知道沒有可能，我選擇了好好放在心底，仍然陪在你身邊，默默守護著你。 有人會問，為什麼不開開口，大膽賭一場呢？我只是不敢，也不願，因為這場賭博我實在不敢嘗試。在留有遺憾和失去之間，我選擇了前者。

#NSS個人 [GUEST] 唔知大家屋企有冇裝香拜神嘅習慣？ 我本身有鼻敏感，冬天瞓醒基本係攞紙巾整鼻涕雲吞，之後就用其中一邊鼻洞呼吸。屋企向來有在廚房灶君和客廳嘅外國神像(我屋企有外國家人)度裝香，以前返學校面授嗰陣任佢哋在屋企裝香裝到煙霧瀰漫都唔關我事，但自從轉咗網上授課之後就出事。 我對燒香的身體反應比較嚴重，燒幾支香聞到就眼痕鼻塞咳嗽，早上佢哋一裝香我就難受攞命咁款，但佢哋自己就冇野。 之前我有同佢哋講燒香嘅危害，影響老人家記憶定認知能力和自己聞到嘅狀態，不過佢哋唔信話唔關事。 家父向來行動力低下，叫佢做嘢話做又冇做過野，要佢同性格固執嘅祖母講又不願意咁款。而不常回家住的家母又冇咩說話權，祖母對佢係兩種態度，相處嗰陣扮好人好者，家母一走佢就勁不屑，家母話幾時返黎屋企就同日日黎屋企嗰啲三姑死八婆係度講家母唔住係屋企，又唔知自己把聲大到係房嘅我都知。 唔知各位有冇咩方法解決裝香？我依家日日聞住啲香加上冬天鼻敏感，兩種效果疊加實在比死更難受。

#NSS愛情 [[GUEST]] a同b就有個common frd c a鍾意b b都鍾意a不過b就唔肯定自己想唔想拍拖 佢地都唔知大家都鍾意對方 c問左b鍾唔鍾意a b話鍾意a

[guest] hello大家好，小弟今年form 5，近排開始煩去外國升學嘅事。 本身我間學校嘅風氣都麻麻地好，所以入面識嘅friend大多多都懶懶閒，我都跟住佢哋一齊頹，結果開始係咁拖功課，只求做完就算。我一直都覺得咁樣落去唔係好事，同埋我屋企雙親都係啲比較保守同老實嘅人，所以我hea極都唔敢令佢哋失望。 但係我呢排開始想諗去加拿大升學嘅事。我都有同屋企嘅人講，佢哋都好支持。我阿媽甚至即刻走去問啲同事同朋友，問下佢哋升學要做啲乜嘢、有咩要預備，仲緊張過我。我呢個時候先發覺升大學都有好多嘢要自己唔識，要預備。 （可能有人喺度呢度已經估到我係邊個） 我亦都有同身邊其他人講我想去外國升學，先發覺原來我都有個friend（下稱A）都想去外國讀書，仲要同我去同一個地方，甚至有可能可以同一間大學。 我當時都好興奮，一齊dm果陣將我好多諗住去到外國嘅諗法都同A講曬，甚至講到去一齊搵屋住，諗住橫掂離開香港，有個熟d嘅人陪下都好。但係當我講到升學嘅時候要“煩”嘅嘢，譬如預備ielts、dse嘅成績要夠好等等，佢就開始話咩都唔知，連揀咩大學都唔清楚（佢話懶得諗）。A仲話我事先諗咁多嘢做乜，因為而家疫情係咁變，plan乜嘢都嘥氣。 我唔知係咪因為太耐冇返學，成日困喺屋企，唔識同人講嘢，所以我第一個反應係諗住鼓勵下A快啲去做下research，同我一齊諗下去大學要做嘅嘢（幾時申請野、考ielts）。因為我知道我淨返form 5可以諗呢啲嘢，去到form

#NSS個人 [GUEST] 小妹今年F4 真係覺得疫情喺屋企好悶！！！ 日日喺屋企 本身同屋企人關係唔好 跟住朋友又少 又冇乜嘢同朋友傾 係屋企全日近乎係可以唔講嘢 日日都好無聊

#NSS家庭 [guest ] 其實只係想放下負，發泄一下。 我係屋企排第二，。我自問由細到大都算係生性，平時唔爭唔搶，又冇乜點同屋企講過想要d乜。雖然成績唔係特別好，但係都可以唔補習就全班頭幾。因為我由細到大都覺得屋企好窮又多人，就算有野想要、想學都冇出過聲。但係我唔開口講唔代表我唔想要啊。COVID-19啱啱開始嗰陣,要online上堂，但係我冇ipad ，屋企又已經買左部比細妹。我想直接借學校嗰d,但係阿媽話手機就得，就冇借。但係問題係我部手機已經比我用到好舊同好lag，成日死機，跟住過mon仲好細 ，我睇得好辛苦。依家部新電話都係我之前乞左好耐先肯買比我，如果屋企冇錢都算，但係我唔明點解細妹自己整唔見咗部iPad 可以即刻換，我部手機lag 到用唔到就要拖左兩三年先可以換。有一次我自己儲錢買左個新書包，過左一排之後細妹同阿媽講想要我個新書包，阿媽就叫我比個書包比佢，仲話反正我畢咗業之後都用唔到，我自然唔肯啦，嗰陣我心諗講到我之後考唔到大學咁。而且佢可以直接比錢細妹買或者叫細妹儲錢自己買，唔係好明點解要我嗰個舊左嘅。 有時雖然佢冇拎走我d野，但係見到我攤係張床度，就鬧我似係係到食鴉片，又話我唔死都冇用。雖然係物理上，佢鬧我對我冇乜傷害，但係hurt

#NSS個人 [GUEST] sorry 阻住大家🙏小妹而家f6 一直有個問題困擾住我，就係M痛…每次嚟M就搞到好似就快死咁，痛到流曬汗，試過叫啊媽帶我去試醫生同埋買止痛藥，啊媽都會鬧我唔衰攞嚟衰，又話我小事化大…自己冇乜零用錢，40幾蚊嘅一盒止痛藥負擔唔到…加上仲有唔夠3個月就dse,我超驚我考緊試嘅時候M痛搞到寫唔到字….我想問下大家有乜方法可以令到我冇咁痛…🙏 Sorry for 1999 有錯字唔好介意🥺 如果影響到你哋嘅話小妹十分抱歉

#NSS愛情 [Very渣] Very渣，之前去外國讀書同男友long❤️但係始終都知long❤️冇乜好結果。返嚟嗰日特登諗住畀個驚喜佢佢唔同佢講我返咗嚟就去咗佢屋企點知開到門發現有一個女人同佢一齊XX我超嬲即刻鬧🤬🤬佢，我話:我對你好失望。之後過咗兩日佢嚟我屋企道歉希望再一齊返，但你都知出咗鬼嘅男人同佢一齊返都冇好結果㗎！👎👎

#NSS個人 [guest] 小妹最近有個疑惑，鑒於今日政府宣佈話2月24號會推行疫苗通行證🤦🏻‍♀️咁自己本身冇用安心嘅（因為原政策15歲或以下可以寫紙所以冇用安心）但宜家要用疫苗通行證先可以出入商場店鋪。 咁小妹原本都想買備用機for安心但自己budget不夠，後來諗到話自己手機可以開主帳號同訪客，主要想問下各位如果我訪客download安心的話，主帳號嘅資料會唔会被監測？ sor for 1999 thx＋求admin post🙏🏻🙏🏻🙏🏻 圖Link:

#NSS學校 [大埔某間直資中學] 本人以前係讀羅xx中學嘅 間學校大家應該聽過 自從轉咗個新校長之後 成間學校已經變曬 個新校長就谷人打針 個個禮拜又要升褀 佢又支持 happy

#NSS學校 [LCCSC] 某數學啊sir教學方式好有問題，真係當學生係奴隸 1.好鍾意喺臨落堂之前或測完驗之後突然叫人拍片放上數學Whatsapp group，其實有冇諗過學生嘅感受，比你叫中咗嗰個未必真係識嗰條數，拍出嚟成Pat屎咁又話我哋冇聽書，同埋真係會怕尷尬，教數學係老師嘅職責而唔係學生，點解要推俾我哋做？同埋拍出嚟真係冇人會睇㗎，做埋啲多餘野 2.上實體課嗰陣時好鍾意用碌棍（用嚟指白板嗰啲）喺度敲枱，仲要勁大力嗰種，大佬呀耳膜都俾你震穿，然後就不斷同我哋講「數學最簡單」，好似想冼我哋腦，不過呢個行為真係成個精神病人咁，講真次次見到都想偷笑 3.要不斷補課，夜晚9點叫人zoom，同埋假期又要zoom，話要好似打針咁要打第三針，加強數學能力 4.亂咁改同學花名，懶係幽默咁，相信俾佢教過嘅都知，呢度唔詳講

#NSS社會 [GUEST] 造成今日咁樣，其實打咗針嘅人有份做成 我認我戇鳩，當初信咗九月冇復必泰打，而走去打，導致左依家疫苗通行證嘅情況出現，情況完全同六國論一樣，不久嘅將來就要打第三針，你話贖罪又好點都好，我願意陪冇打針嘅人一齊捱，唔upload針卡上安心出行 而upload咗針卡嘅，都建議你哋幫冇打針嘅人，佢哋而家冇得去超市嗰啲地方，如果佢哋需要買嘅不過我哋幫佢買，如果冇佢哋頂住嘅話我哋可能已經打緊第四針添 希望大家堅持到底，冇打針嘅一定唔好打 呢個疫情已經變咗弱感冒，屋企人中咗招不過佢都係傷風感冒嘅症狀，全家就被迫入去竹篙灣，政府呢啲防疫措施真係用嚟控制人民