#NSS個人 [////] 各位會唔會係自己個po撳like? 咁我自己平時po完都會撳兩下like返嘅 有次我係到睇返啲舊po ，我朋友咁岩見到，佢好驚訝咁話「吓，你會幫自己啲po撳like ？」 我聽完之後一時唔知點答佢好，搞到我都覺得自己好怪 其實係咪真係好怪？

#NSS個人 [傳統名校銅鑼灣] 小妹今年form one, 成日FF我追星嘅嗰啲「老公」，想問吓大家追星嘅係咪都會咁樣？係咪得我係咁樣🌝我係咪好變態… sorry for 1999

#NSS愛情 [Guest] 到底我哋係咩關係？ 成件事都幾複雜 但我搵唔到一個合適嘅人傾 希望呢度各位可以幫一幫我.. 其實我哋到底係咩關係？係朋友？知己？閨密？佢當我係妹？定真係中意我？又或者 關係嘅確立係唔係真係咁重要？ 我係一個00後 (05前)而佢係一個90後

[scotland] 想知道有冇人喺蘇格蘭讀書😭 好想識番啲朋友 好lonely啊喺度😭😭😭 希望有嘅話可以留言吓認識吓嗚嗚 同埋想知道喺邊區😭

#NSS學校 [沙田某第一男校] 沙田第一男校 伍仁班人稱腳指公，平時串柒柒，事實就係大淫蟲。溝條大陸閪，仲係幾手閪，條女溝過V高佬都食得落，正一大淫蟲。 自己補埋嗰啲智障補習社又唔係叻過人，對住所有人又串柒柒，唔知得罪晒全世界，點樣可以令呢啲人知道自己黑人憎？

#NSS學校 [TSSS] Re#nss220203c 某沙田第一男校 補充返前面ching嘅post。 港共利用疫情高壓管治，用盡防疫措施去壓迫市民，學校跟隨指引都並無他法。 問題在於我校學生會在選舉前發出「軍令狀」並希望學生可以監督其莊有否達成其目標（包括Christmas ball），更提到如果未能達成目標將會放棄一切學生會職務與職銜。但有一句神奇句子話「最終決定歸於甲方」（甲方即係其莊），當時同學們已經批評不斷。 去到12月時都沒有Christmas ball嘅消息，我校Secret都有不少post詢問有關事宜，校生會卻一律不回應（消息指係老師教佢哋唔回應就冇事）。直至28/1，F1-F5放年假同F6快將畢業前學生會發出所謂嘅「事宜」去解釋來龍去脈，基本上就係將責任推卸到校方，同學再追究時就不獲回覆。

#NSS愛情 [guest] 小弟今年f5，我呢排好似鍾意咗我個兄弟… 我地由f1開始就已經係同學，一路friend到依家，小弟上兩個月俾一個同班女仔表白，咁佢都幾靚女人又好，我就接受咗同佢喺埋一齊。但係自從我拍拖之後，我同我兄弟之間好似發生咗啲變化… 佢開始對我有d冷漠…平時食飯放學都一齊 而家就慢慢疏遠 feel到有隔膜…我嗰時真係諗唔明，到底點解昔日嘅好兄弟會變到好似依家咁樣？ 直到有一次，我唔小心喺打波嘅時候傷咗隻腳，佢嗰時竟然第一個衝過嚟，扶我去醫療室，我開始有少少感動，原來佢都唔係唔理我嘅。因為佢都識少少包紮，所以即場幫我處理傷口。雖然佢粒聲唔出，但睇住佢跪低幫我消毒，又好溫柔咁包紮，我開始有一種對住女朋友從來都無嘅感覺。我第一次咁仔細觀察佢個樣…唔知點解覺得幾靚仔，真係好奇怪。平時即使同女朋友有少少親密動作，我都無乜嘢，我到底發生咩事… 之後佢又突然多咗關心我，譬如平時都唔會咁嘅但佢無啦啦日日同我講早抖，又叫我下次小心啲，我個心好亂，唔知係咪自己諗多咗。依家連女朋友send message比我，我都唔係好想覆，諗緊自己到底係咪真係鍾意佢，定係只係enjoy佢同我表白個下…真係好亂，我應唔應該同女朋友分手然後同佢表白？講咗會唔會連朋友都冇得做？好驚只係自己一廂情願。我又應該點樣同我女朋友解釋？

#NSS個人 [GUEST] 是咁的 本人今年F3 想16歲嘅時候返暑期工 暫時想做sales之類嘅職業 但我嘅性格比較內向同被動 平時好少主動同人講嘢 有時明明只係做錯好少好少嘅事 諗返起都會覺得尷尬

#NSS學校 [lhymss ] 唔明白點解考完口試講咗句加油被主考老師叫停咗仲要被寫行紀（行為紀錄表）考完口試之後唔俾我哋講嘢lo仲話咩到時公開試唔俾講嘢會取消資格，大佬啊🙄宜家又唔係考公開試提醒吓我唔可以咩，我好無奈，重點係個老師淨係話我，其他同學咪一樣同其他人講嘢又唔話佢哋，勁無辜囉

#NSS個人 [Guest] 大家好，小妹08，今年中二，呢排有煩惱，又唔知同邊個講好 咁呢我幾鍾意睇台灣啲youtuber, 睇吓睇吓，推薦片出咗《全明星運動會》嘅片，佢係台灣一個運動實境節目，兩隊藝人好認真比賽唔同運動項目，我由第一季睇到而家第三季，越嚟越想去體驗嗰種熱血 你可能會話，想玩咪去囉，而家有疫情唔得，咪遲啲去囉，我都想，不過有啲原因令呢樣嘢未必實現到 1）我冇運動細胞，阿媽因此唔俾我去玩運動 我PE真係年年C/D，雖然鍾意運動，但係啲比較擅長運動嘅同學都嫌我太廢，唔肯教我，班入面有幾個同我一樣冇運動細胞嘅同學，但係佢哋都唔鍾意運動，唔肯陪我練/玩 入校隊就可以有人教，亦有器材，不過入隊要家長簽名，我問咗阿媽幾十次，亦花咗好多時間嘗試説服佢，不過佢都係唔俾，阿爸一樣。入隊要選拔，冇人同我練，呢樣可能可以靠自己練基本功嘅，不過冇家長簽名一樣冇用 2）學業/前途問題

#NSS愛情 [GUEST] 兜兜轉轉鍾意咗個人9年 我同佢由細識到大，小學嘅時候已經識佢。不過一直以來同佢都唔太熟，呢排先傾番計，一齊玩。只係記得我成個小學都一直鍾意佢嘅，雖然有試過短暫地鍾意其他人，不過都係放唔低佢。中學嘅時候我有說服自己嘗試鍾意其他人，有一排都算係成功咗嘅，但唔知點解而家佢一靠近我，我就好似有啲心跳加速。我好清楚知道佢唔鍾意我，我哋最多都係好朋友，佢成日笑我，但又唔見佢咁樣對其他人，真係對我先特別差。所以，我其實唔係想要啲咩，不過你都就快要準備DSE，我又要離開香港，所以喺呢度講出嚟。 求admin po Ig

#NSS個人 [GUEST] 社工 因為唔知可以點搵到 所以嚟呢到比較多人睇嘅地方 希望有人可以幫到我🙏 自己宜家喺英國 因為好多唔同因素 成個人變晒 身心都就嚟頂唔順

[guest] 我係一個2019年未用投資移民離開咗香港去咗外國讀書嘅女學生，過到嚟亦都識咗好多朋友，不過最近學校越來越多香港人加入，令到我好唔舒服.. 咁究竟點解呢？我係我間學校第一個香港人入學，咁好多外國嘅同學都唔知道香港發生緊啲咩事啦，不過相信佢哋見到越來越多香港人入學，都知道出事。咁因為由於外國人唔會特別介意身體接觸，所以我亦都慣咗同佢哋有時候攬下，擊拳等等。不過因為香港人應該唔見慣，所以就覺得我攬住其他外國同學好核突，成日話我係唔係鍾意人哋，令到我好唔舒服。其實點解呢？你呢啲嘅行為都係去表示自己嘅關心同埋友誼，我唔明白錯在哪裏。 我今年讀year 10，幾個月前亦都交左一個男朋友，不過而家甚至連我攬住我啲女性嘅朋友，我男朋友嘅朋友，一比其他香港人見到都會話我係唔係唔要自己條仔啦.. 我唔明白點解佢哋（其他香港人）咁介意我個人嘅生活呢？明明又唔關你事。 佢哋甚至連我英文講嘢嘅accent都笑我，話我有英國口音，我純粹覺得佢哋因為妒忌所以冇理佢哋，因為我喺香港以往都係考第一嘅。 而家我越嚟越憎啲2021後先至入學嘅香港學生，究竟點算好？ 我中文已經唔太好，sor for

#NSS愛情 [guest] 我今年F6，同一個男仔同班左好幾年本身一直冇交流，佢性格都比較孤僻唔算同其他人好熟，得幾個朋友咁。後來某啲機緣巧合之下我地就熟咗，發現自己同佢性格好夾，佢個人都好風趣幽默，有幾次都有聽下佢嘅心事開解下佢咁，望住佢變得越黎越開朗同其他男仔都熟好多，多咗好多朋友，但係女仔都係得本身當時熟嘅幾個，我發現自己鐘意咗佢。 但係我本身個人都好被動，以前有過幾次暗戀都係偷偷地鐘意唔夠膽講，最後都無下文，今次我私底下其實都好少搵佢，而且佢有個女仔鐘意咗好耐，雖然唔知仲係咪鐘意緊，但我都覺得自己要咩冇咩唔會比得上個女仔。而且我今年都要考dse應該專心讀書，但係佢同我嘅理想大學同學科都唔一樣，唔想畢業就真係完。 想問大家我應該點算好，或者點樣知道佢係咪都對自己有感覺，我連身邊一個朋友都唔敢講驚被取笑，求下大家幫手🙏🏼

#NSS個人 [Guest] 是咁的 小弟最近去醫院覆診 先知道自己有cancer 醫生話最多得返一年命 但係我暗戀左一個女仔好耐 唔知應唔應該係最後呢一年同佢表白 我知我冇可能比到佢永遠 但我又唔想留低遺憾🥲

#NSS社會 [GUEST] 超長警告 小弟中三，舊年中二嗰陣因為網課睇多咗wiki，識咗好多嘢……但我想咗返以前嗰個我。 哲學，社會學balabala，喺嗰時我就開始亂諗嘢，“點解人要生存喺世上？”，“人嘅意義係咩？”種種…… 嗰時呢啲問題係好困擾我，甚至有諗過自殺，而家諗返真係好冇腦（而家冇咁諗la）。 我想講嘅係，我想改變個古怪嘅制度，但係始終冇能力，講咩資本主義姐……學生去到學校係為個排名ar？基層辛苦成世都只係做工薪階級？而資本家可以一路賺錢？可能你會講：嘩，考試就係為咗唔成為基層ga la。但係好好玩咩？你想咁咩？學生係最慘嗰班人……接受咗應試教育嘅制度（自行wiki）。我知，資源少要競爭ar嘛，咁有冇諗過唔係接受呢種制度？如果大家都唔競爭，資源平均分配哩？我唔係想宣傳啲咩……只係分享諗法。 而且每次同同學分享呢啲，佢哋都覺得我傻9咗：冇嘢諗呢啲做咩姐，溫書la……從嗰時開始，我就想作出改變，但邊有咁容易wor！ 有冇人可以幫下我…

#NSS個人 [Guest] 我好似變咗 是咁的，我中三，原本中一同朋友玩得好開心。後來佢哋開始唔理我，我就慢慢搵咗另外一班friend，同佢地玩得好開心… 不過我發現我同其中一個朋友好似出現咗啲唔尋常嘅關係，我哋兩個都係女仔，同佢玩得多，有啲同學就開始將我哋睇成cp，奇怪嘅係我哋兩個都冇好抗拒，我以前係鍾意男仔嘅，而家唔係好肯定究竟自己係異性戀定同性戀，定係雙性戀… 我講出嚟係想問吓意見，冇咩特別，求admin post出嚟，大家可以隨便講

#NSS家庭 [GUEST] 我好驚我阿爸阿媽離婚，佢哋成日鬧交，有時過一段時間又好返，但其實問題一直都冇解決過。 前排我阿媽問我阿爸有冇幫我阿哥做某樣嘢，然後我阿爸就開始唔耐煩，因為阿媽已經連續問咗幾日，我阿爸就有啲激動咁同佢講嘢，之後就開始同我阿媽鬧交鬧得好犀利，我喺自己間房入面根本唔敢出聲，因為之前有一次阿爸太嬲，就叫埋我出嚟鬧，同埋問我阿媽講嘅嘢啱唔啱（好惡咁問）。 前幾日準備過年嘅時候佢地又開始鬧交，阿媽質問阿爸錢嘅問題，然後又開始懷疑我阿爸係咪有第二個女人，之後我阿爸就好嬲，佢講咗好多次佢冇但阿媽唔信，對住阿媽講嘢基本都係大嗌嘅，我阿媽就好執著，一直懷疑阿爸，又喊住咁同阿爸翻舊帳，有時阿爸會嬲到直接出去，過一陣先返屋企。 我阿爸阿媽都上咗年紀，我唔想佢地成日咁樣，都結咗婚二十幾年老夫老妻喇。其實我阿媽呢二十幾年都受咗好多苦，阿媽成日同我地講啱啱生我阿哥嘅時候佢窮到車錢都冇，我阿哥就一直跟住佢捱，真係好慘好慘咁，然後又話阿爸屋企人因為阿媽係大陸嚟嘅所以一直睇唔起佢，有時會講到喊，我又唔係好識安慰人，就坐喺度唔知點算好咁。 阿媽講過，如果唔係有我阿哥同我呢個仲係中一嘅阿妹喺度個話佢早就會走，仲話當我18歲嘅時候佢就會即刻走，我唔知佢係真係諗住走定賭氣，搞到我一直提心吊膽咁。 佢地鬧交呢個情況已經有幾年，喺我差唔多小四就已經出現。佢地次次都咁啱係喺我阿哥唔喺度嘅時候鬧交，我細個嘅時候太驚會忍唔住喊，宜家我就會一直忍住，直到夜晚瞓覺諗返之後先偷偷地喊，有時仲會喊到瞓着。其實佢地要嘈個話我冇所謂，我唔想再次次都夾喺佢地中間聽佢地鬧交，唔想再做佢地發洩情緒嘅工具，唔想再介入佢地啲問題，如果一直要咁個話，我寧願佢地當初唔好生我。 (sor for

#NSS個人 [GUEST] 小妹對返學波鞋著咗5次左右個鞋底就磨到平曬，不過唔想叫阿媽再買過對 是咁的，小妹2021年11月就買咗對Dr Xong嘅波鞋（上圖個款）返學著，因為諗住揀對舒服啲嘅鞋，加上小妹隻腳應該唔會再大（已經著緊40碼），所以揀咗款有Air嘅嚟著。 對鞋雖然好舒服，不過個鞋底就幾有問題。小妹第1次着嗰日放學返到屋企已經見到周地喺晒膠粒，係喺我隻鞋跌出嚟，嗰陣我不以為意，以為係隻鞋踩到啲污糟野，所以一路都冇擺上心。 直到著咗對鞋5次左右後，1月10幾號上PE堂嘅時候，總係覺得對鞋好跣，上堂玩閃避球嗰陣總係覺得隻腳明明跑得好快，但係唔知點解好似冇郁過咁。上完堂去廁所嗰陣，因為個地下濕，我差啲跣親，喺廁所度趴低左。 之後我個friend就問我點解有PE堂嘅日子成日跣親，跟住話我對鞋可能有啲問題。去完廁所之後我就除對鞋俾佢睇，佢睇完之後呆咗一聲，指住對鞋話「你對鞋壞咗啊，點解對運動鞋個鞋底可以係平嘅？」跟住另一個熟悉波鞋嘅男同學走過來話「你對鞋咁樣唔得㗎，望吓啦，個Air爆撚咗添啊，塞到隻手指入去啊，買過對鞋啦」 原來對鞋唔經唔覺之下已經磨到平曬不單止，仲要穿埋窿添。不過個鞋面仲係好新淨，白雪雪咁，仲要淨係着咗三個月，我真係唔捨得換咗佢，始終對鞋都唔平，要成$600，就咁揼咗佢真係好嘥。咁嘅話我到底點做好？應唔應該買過對新鞋？ 圖Link:

#NSS個人 [GUEST] 給你的一封信： 剛認識你時，無話不說，無話不談，你很好，會包容我，會珍惜我，會秒回我，更會每天和我說早晨。你很主動，沒話題的時候會主動找我，每天一起打電話，每天一起玩。無聊的時候分享日常，傷心、生氣的時候互相體諒。你，成為了我生命中認識過最特別、無可取代的人。 不知道何時開始，大家都多了一份自私，會開始擔心對方有第二個，開始不信任對方，開始每天都出現無形的爭吵，有冷淡的時候，更會出現沒有對話的時候。自問一句，我是改變了，但改變的不只是我，而是我們的關係。 我記得有一次，我們吵架了。那一次吵架，大約兩天吧，我覺得你變了，沒有以往的溫柔，沒有以往的耐性，我覺得你沒有以往的「好」了；你也覺得我變了，我以往也不會用這種態度說話。我很努力去和解這件事，是因為你很重要，說真一句，如果你不重要，我為甚麼要來找你，我找別人代替你好了，不是嗎？我們和好了，但是這段關係是不是已經變質了？ 「有些話 說的人早就忘記了 但聽的人卻還記着」，你說過很多話。我記得你曾說過我這麼好，不要我的人是傻的，你又不傻，但是就做了這件事出來，你真的不要我了。 即使看着這些無可改變的事實，但仍會抱著一絲希望，願明天醒來，不是收到班群的信息，不是收到新年送來的祝福，不是收到一大堆別人關心我的消息，而是收到你的「早晨」。