#NSS其他 [Guest] 呢幾日睇個IG激氣，開開心心睇完篇文，睇吓個留言，又見到個「駁嘴大sze 」喺度叫，幾十歲人成熟啲啦，講埋晒啲無意義嘅嘢，見到就7🙉 又唔俾啲建設性言論，以為自己好撚型 😅 @follow.me.02

#NSS個人 [GUEST] 小女讀緊中二，有學鋼琴，但係我覺得好難。 其實我由細細個已經學鋼琴，不過因為細個扭計所以到小四先考1級。之後為咗趕返進度，一年考一級仲係跳住考，不過3級、5級都係啱啱好合格個種。 唔知點解，我覺得鋼琴好無聊，可能係因為我根本唔擅長掛？我冇考樂理，基底都打得唔好，完全唔識sight reading 又唔識 d咩 G major

#NSS個人 [Guest] Hi,我一直有個困擾,希望大家幫幫手~我係一個女孩,微胖,不過我臉形係大家俗稱嘅pizza臉,臉部留白比較多,戴口罩影相就會變到好肥;因為髮線比較高,眉又生得比較下,導致個額頭好大,前兩年左右剪咗個瀏海,開頭覺得有啲改善,改善咗個面型,但係最近發現,我本身頭髮偏少,又大汗(夏天簡直係我嘅惡夢),好似個劉海唔適合我;所以今次投稿希望大家可以比少少意見我,十萬感激🙏🙏🙏 各位新年快樂~身體健康~

#NSS學業 [guest] 想知而家f5嘅人依家phy 同chem 教到邊度？ 因為我覺得我間學校嘅進度好似有啲慢，啲老師真係hea到一個點

#NSS愛情 [Guest] 我好掛住前任 我真係好好好掛住佢，但係我知道我比唔到佢想要嘅嘢比佢，我地而家係朋友，佢亦都有新女朋友，我仍然好鍾意佢，每次見到佢同佢女朋友放閃，我都好開心，因為我見到佢幸福，但同時我亦都好難過，因為喺佢身邊嘅人唔係我，我真係好痛苦，我唔知道係咪應該要放手，我真係好想奇蹟出現。 Sor for 1999 admin 麻煩po係ig Thx

#NSS家庭 [guest] 是咁的 我開始對佢感到反感 *［長文慎入］ 講返個情況先，小妹個嫲嫲係一個勁傳統嘅中國人，有一年我搽咗指甲油返去，我阿媽鬧我阿媽點解俾我查埋啲化學野，自此之後我就冇再查過指甲油。 每年年初一小妹都會跟爹哋媽咪返去嫲嫲度拜年，近幾年我啲表哥表姐或者堂家姐都唔係每一年都返去拜年，有啲就因為私人問題或者去咗外國讀書。我老竇就係排行最細，所以我同我細佬就係最細嗰兩個，自問我老竇就最錫我嫲嫲嘅，我嫲嫲有咩事我老竇都一定會去幫佢搞掂，而每隔兩個禮拜返去探佢或者拜年嘅時候都係全家出動去佢屋企。 事緣就係今年年初一，咁就去嫲嫲屋企度拜年，今年我其中一位親戚因為私人問題所以就返唔到嚟拜年。一開始就冇事嘅，去到食飯嗰陣時候，我嫲嫲就同我其他親戚傾偈啦，傾傾吓佢就有少少火滾，唔知點解佢開始有少少嬲，咁嗰陣時我全家人就食完飯，等緊個工人姐姐出嚟不湯俾我哋，我阿媽就勁惡咁樣問我阿媽，做咩唔不湯，又諗緊啲乜嘢？，係真係勁惡嘅語氣，咁我同我阿媽就即刻話：啊冇嘢啊我哋等緊啫，仲有佢問我阿媽，點解整咗馬蹄糕唔俾佢，我阿媽就解釋話因為整得好核突，所以今年唔俾你，下次再整靚啲俾你。但係過咗2分鐘之後，我feel到真係有啲唔對路，跟住先發現原來我阿媽喺度喊，痴線我咁大個女我都係見過我阿媽喊過幾次，我阿媽唔係嗰啲咁容易喊嘅女人嚟㗎，跟住我老竇塊面都開始好黑，我feel到我老竇真係嬲咗。之後我哋就提早走，返緊屋企嘅途中，我阿媽喊到隻眼腫晒，我老竇就不停喺度鬧，不停喺度呻。咁喺鬧嘅途中，我聽到我阿媽嘩原來嫲嫲其實鍾意佢，又話本身已經覺得我阿媽好有嘢。唔好話我老竇，我都開始有啲嬲。到咗第二日，我見到我阿媽隻眼勁腫，我都知咩事，今次我真係好嬲我嫲嫲。 喺度我呻少少嘢。其實宜家咩年代姐，你唔鍾意我阿媽，其實你唔使咁樣玩針對囉，咁係人哋整嬲你，又唔係我阿媽搞到你嬲，你憑乜嘢鬧佢啊。雖然我知道我咁樣對長輩講嘢真係好冇禮貌，但係你今次真係過分咗囉，你咁樣做係真係超級無敵之唔尊重我哋全家人囉，自問我哋每一次都全家人咁樣返去探你，而家咁嘅世代邊有人係真係會每一次全家人出動咁探你呀？大佬好心你用下你個腦諗吓啦，又喺度話咩搭巴士答道個pat pat好酸又冇得去廁所，話咩搭的士就好快好舒服，你真係食米唔知價，的士幾貴，巴士幾貴啊，講真我真係好嬲，呢個世界上除咗我搞到我阿媽咁開心之外，都冇人可以搞到佢咁開心囉（雖然搞到阿媽唔開心都係衰）你憑乜嘢話我阿媽姐。馬蹄糕個方面，今年整得樣衰，咁咪下年整靚啲攞俾你囉。其實次次我阿媽整咗啲嘢俾你，你都淨係擺喺度唔食，咁點解我阿媽要整俾你呢？我阿媽辛辛苦苦買埋啲食材整俾你食，只係今年整得核突唔俾你姐，係咪咁都唔得啊？

#NSS學校 [英國學校一間] 小妹想講我喺英國留學發生嘅事 女主角就我，男主角叫A 小妹1月插班，我間學校係男女校，以前讀女校所以其實都唔係好識同男仔溝通，只係好有禮貌咁但都盡量避免同佢地講嘢 上science 堂我同A唔同班但係班房啱啱喺對面，只係隔住埲牆同道門連住。但係道門中間有一條長嘅玻璃，所以兩間班房可以望到對面，咁啱我同A都係坐喺道門前面嗰個位，就係咁有一次我哋咁啱望上去嘅時候對上眼，我哋兩個都即刻dup低頭做嘢 之後lunch因為學校啲枱係一張勁長嘅枱然後兩邊係對住面食飯嘅，咁咁啱A又竟然坐咗喺我對面，然後就好尷尬咁，又對上眼，跟住之後我諗佢覺得太尷尬？佢就講咗幾句問候下我 然後到放學我坐巴士返屋企，點知A又坐埋同一㗎巴士仲要坐我隔離⋯咁跟住佢又同我講咗幾句嘢我又唔知點答佢因為太尷尬就好hea咁搭咗幾句 救命之後我唔知做錯乜，我每次經過A班兄弟同佢，佢哋都喺度笑，救命咩事呀😭

#NSS愛情 [HK] 最近又見到好多關於LGBT嘅討論，我都想發表下少少感受。我今年中六 男 A0，我之前知道咗有個師弟鍾意咗我，本身同佢淨係講過幾次野，其實都唔明點解佢會鍾意我。然後佢開始r我frd對我講d曖昧嘅說話，之後我即刻覺得好嘔心，過咗幾日就block咗佢。但係之前有四個師妹想追我，我都可以好冷靜咁處理同疏遠（對佢地冇興趣），但係對佢完全唔得，對多一陣都想死。我知我咁好衰，但係就係好討厭呢種感覺，大家覺得我咁算唔算歧視LGBT🤦🏻‍♂️但係我有一個朋友都係gay，我同佢都相處得同正常frd一樣融合。我真係好亂，好想大家比下意見🙏🏻

#NSS學業 [淺水灣以東，石澳以西嘅野區男女名校] 小弟今年f.3，繼上次見到有同校人rap鳩自己學校，激起小弟參與一份，但原諒小弟沒有填詞天份，無法作詞 本人學校雖然唔係話好勁，band1英中，全港排名24，當初比呢間學校吸引嘅地方就係有IB考，老實講見到香港咁嘅教育制度，依家當然想揀IB都唔會考DSE啦，不過自問小弟成績唔係名列前茅，亦唔係精英班，上次exam雖然全部pass晒但成績唔係話特別靚，好擔心唔夠人鬥，冇得揀考IB，冇記錯IB剩係得兩班，仲要係成績越好先有機會揀，比較普通或較差成績就一定要考DSE，當然有成績勁嘅都依然選擇考DSE但真係好少數囉，其實我自己都有自知之明，呢啲機會唔係我嘅，所以我諗緊不如去外國讀書 我哋學校一年七萬蚊學費仲要未加雜費，我住九龍區，每日六點就要起身七點出門口司機接送，每日來來回回都要兩個鐘，車費油費隧道費人工費全部都係錢，計過一年要用三十六萬費用喺學業（其實我哋學校有宿舍嘅不過唔捨得屋企，所以冇揀住宿），諗諗吓既然要嘥咁多錢，倒不如留低留返啲錢去第二度讀，我自己就想去加拿大，但父母就話依家疫情嚴重等考埋DSE先去，想問各位有冇建議 第一次投稿，中文差文筆唔好，敬請體諒 麻煩admin盡快幫手出IG tks

#NSS學業 [LSC] 【一派胡言：文本分析 應試無敵】 請試想想這個問題：假設我們選出一位公認學術水平最高的教授，用文本分析的方法來做中文閱讀卷（就算不限時），他能拿滿分嗎？ 近日，我聽聞有人用「文本分析法」來為中文閱讀卷的出題者護航，原以為對方有紮實的理論根據，不料越聽越惱火，簡直一派胡言，於是寫了這篇文章以作反駁，在此作幾點膚淺的反駁，望起拋磚引玉之效，讓真正學過文本分析的人用紮實的論文狠狠地砸醒我。若讀到這篇文章的學者或教師感到任何冒犯，請不要誤會，我是真的有意冒犯。 推論簡表： 【1. 反意圖主義：作者無得話事，所以文本分析話事 2.

#NSS愛情 [GUEST] 關於師生戀 師生戀 愛嘅一種 不過大部分都係學生對老師嘅一種單/暗戀 點解明知冇乜可能 但係都係一直有人鐘意老師 可能因為佢哋有一種成熟穩重嘅氣質 佢係我嘅幾分之一

#NSS愛情 [N/A] 一年喇 唔知你仲記唔記得 反正我係記得好清楚 嗰陣係你同我表白之日 當時我見到條信息真係好開心 但係你之後就4-5日冇理我 我覺得係你太忙 所以有D信息send完又del

#NSS愛情 [[深水埗某間大型補習社]] Eric sir 我決定在DSE之前勇敢一次，我不只是想和你發展師生關係，而是情侶關係，我覺得你對我也有感覺，因為你每年聖誕節也會大家派發糖果…我明白你只是想找個藉口送給我，大家也欠缺一份勇氣，我決定不再膽怯了，Eric 我愛你！ 麻煩上載在Instagram

#NSS個人 [黃大仙山區學校] hello，我睇左一半之前個post嘅comment，想補充番啲野～ (補充之前都想say個sorry，文筆唔流暢。同埋應該投去其他secret(追星/愛情)，令到有啲唔想睇嘅followers見到🙏🏻。但係因為本身都冇乜點睇匿名secret，淨係識呢個，所以第一次就投左嚟呢邊。依家希望有始有終。如果有唔想睇嘅user，依家可以碌走了) 1.我自己間學校係黃大仙區嘅，師姐師妹唔好嚟相認🤣😬 2.小妹成績都OK的，不過不失(學校冇問題，教得好好嘅！)，同埋冇比拍拖影響到成績🤣，有錯處可能係因為用語音detect錯左，同埋第一次投稿，平時都冇乜睇呢類secret，唔係好識(今次投稿有盡量用少啲英文的，請見諒🙇🏻‍♀️) 3.「夢女」、FF文——說實話，一開始唔知咩係「夢女」。我自己有睇動漫，但係都冇點接觸過呢個字(係咪大陸字我唔係好知🧐)我係識咗佢之後先開始接觸追星嗰方面，會去睇返佢啲片。我本身係個宅女，唔追星，唔會亦冇任何必要去幻想同明星發生互動。 4.晒命——男朋友係大陸明星，如果真係晒命我就去左抖陰快手嗰d大陸social media講呢件事😂其實算係想share呢個經歷，呢個唔係一個值得炫耀嘅身分(又冇得一齊出街等等) 5.佢唔係「網紅」嚟㗎，佢係明星(已包括演員/idol/歌手/主持人

#NSS社會 [新年快樂 純分享] 當 我只是嬰兒的時候 大家爭著抱我 當 我是一個毛孩的時候 大家圍著我 就像在舞台上

#NSS其他 [GUEST] 15歲 可以返咩Part time？ 小妹就黎15 想返下Part time 幫輕屋企經濟負擔之餘 仲可以吸取下人生經驗

#NSS其他 [[GUEST]] 是咁的，小妹同情緒病朋友發生啲爭執，後尾產生咗啲隔閡。 補充返少少背景先，我同嗰位朋友一直以嚟關係都幾好，至少識咗五六年。我係佢唯一嘅best frd，所以我係佢所有frd入面唯一知道佢有情緒病(具體係咩就唔講啦)嘅人。 咁前排佢病發就搵我訴苦，佢話自己想go to 4(Sorry😢我驚敏感字)，我一直勸佢唔好。之後講咗好耐佢先覆我話我一直都唔理解佢，用正常人嘅思維去諗佢。嗰時我因為自己嘅一啲私事(唔關嗰位朋友事)搞到超炆，可以話係完全嬲到失控，於是覆咗句「咁你呢，有冇理解過我呀？」。 我send完呢句之後，我想delete咗佢，但我個frd已經已讀咗😭😭😭，之後佢冇再搵過我。之後我親自上佢屋企，親自同佢道歉。佢接受咗，仲話自己都好有問題，同我道歉，我都接受咗。表面上好似和好咗，但實則係佢冇再搵我訴苦，或者講任何唔開心嘅嘢，一個人死頂哂所有負面情緒。望住佢嘅眼神越嚟越無神，真係好心痛。 雖然我之後日日都同佢講過唔好一個人對抗情緒病，我會陪佢一齊，但仍然無補於事😭，佢都係一個人收收埋理。我開始擔心我日日都講呢句會唔會帶比佢好大壓力，但我真係佢可以依賴返我。我好驚佢某日頂唔順，真係go

#NSS個人 [GUEST] 我係一個f3女仔，我由細到大都好驚動物，係所有動物都驚個種 (除咗人類) 我細個旅行去農場唔敢餵羊，因為啲羊係草地亂跑亂撞真係好恐怖。之後有一次去一個公園玩，個度又有過百隻鴿子，嚇到我大喊大叫。我平時係 ig見到狗會覺得幾得意，但我係條街見到狗、雀鳥都會好驚。問題嚟啦，我bio成績ok，對 bio有興趣，但我好驚我高 form要解剖老鼠，因為我係一個連倉鼠、天竺鼠都好驚嘅人，所有鼠類嘅嘢我真係搞唔掂。如果你叫我解剖人類我就 ok，我唔怕血，我只係驚老鼠，老鼠感覺好污糟。但係真係煩，我想做嘅職業又需要bio，我冇理由為咗一隻老鼠放棄我鍾意嘅 bio，咁我仲應唔應該揀

#NSS個人 [GUEST] 我想問有冇人係一樣好鍾意張敬軒 我真係好鍾意張敬軒 張敬軒係宇宙世界第一 可摸耳一齊分享下大家聽過張敬軒既歌 同埋想講希望軒公唔好唔開心 我會等你演唱會的🤍

#NSS學校 [唔想填] 真係好想知點解仲唔停課，依家大部分區都有人中，中學生都係人，都會中肺炎架😊，唔好講咩停課你地都會出街，係架la，依家中學生放咗學都會周街去，周街食野，第二日正常咁係班房同30幾個人一齊😃上zoom至少唔使驚自己帶病毒俾人或者驚人地帶俾人囉仆街正苦😉至於上zoom學唔學到野就睇你自己姐唔好賴啦