#NSS愛情 [Guest] 小妹同男朋友一齊左兩個月左右。一開始佢對我真係好好，佢自己意識到因為學業而忽略咗我，我真係好感動。好感謝緣份俾我識到佢。但係唔知係咪一齊咗有一段時間，新鮮感過咗？定係可能學業問題壓力太大。佢好似變咗…我搵佢傾偈，佢好似唔係好想理我。但其實我都有好大壓力…（家庭、學業等）唔知可以同邊個講。我好想搵佢傾，但佢要揀科都有壓力，我唔想再煩佢所以冇同佢講。我溝通能力唔係好，仲要同一個識咗十年嘅朋友絕咗交，身邊嘅人好似個個都要走。最近好灰…我學業成績都唔係好，學校都比較嚴，考試都有溫書但係都有壓力，驚留班。家庭方面壓力都好大（單親家庭）我想幫媽咪分擔啲野，但係好似咩都做唔到，唔知點做。我男朋友好優秀有好多人鍾意，我開始覺得其實係咪我配唔上佢.

#NSS社會 [Guest ] ［美麗新香港］ 我係#NSS220115E樓主，首先講明無論果篇文定係我依家打緊嘅依篇都係無聊得制9up下，唔係話想屌醒你班黃屍豬，因為我知你哋點屌都唔撚識醒。（特別係寫「閱」同「哦」嘅人，仲有特登寫咗篇#NSS220117G嚟屌我嘅樓主） 我有睇哂所有comment，屌我嘅回應唔講咁多，我認我仲係政治bb班，亦好多謝有人糾正我寫錯嘢，亦都知自己寫咗好多對某d有研究政治嘅人嚟講係廢話嘅嘅，悶親你哋唔好意思。講返樓主篇文回應防疫果部分，淨係睇依part已經知點解香港人失敗。 唔想累間餐廳比人罰停賽，其實佢比人罰關你撚事咩（我知你哋一定會話我自私咖啦，咁我自私囉），果篇文留下有個comment 叫我唔好累黃店，但係想問豬豬們黃店真係有需要比你哋吹捧得咁勁咩？只係表下態捐下錢對革命有咩幫助，（捐錢的確有幫到部分手joke 但係9成黃店都係捐612 which

#NSS社會 [guest] 急po！thx admin 我鄰居滋擾導致我失眠。我本身就係一個好難瞓得著嘅人，我鄰居嘅行為令到我精神崩潰。我鄰居一個月前搬入黎，三唔埋兩日會叫班兄弟上黎吹水，仲要係夜晚，仲要開窗，係窗邊吹水。結果係身為鄰居嘅我遭殃了，11 12點都會無啦啦傾傾下哈哈哈大笑，我平均每十分鐘被吵醒一次，我知11 12點好早，但我要翻學，仲要本身要靠食藥先可以瞓，佢就咁樣搞我，搞到1 2點左右，我已經一個月無覺好，我好辛苦，就痴線！ 我試過想airdrop比佢地，叫佢地shut up，但drop唔到，明明兩間屋近到，所以我依個計劃唔成功。我試過連佢屋企藍牙，但失敗，我想知點樣先airdrop到比隔離屋？或者點樣可以尋找附近的人etc，傳遞叫佢shut

#NSS家庭 [GUEST] 小妹自細家庭關係就一般般，老竇老母分開住，佢哋冇正式登記結婚，但係佢哋對我都好好，老竇每個星期六日都會可能帶下我出去，一直保持住呢種關係已經有10幾年，老竇老母之間都冇咩拗撬講嘢有講有笑，相處起嚟同一般嘅夫妻冇分別，喺旁人嚟睇係一對關係都唔錯嘅夫妻。 直到上年我老母突然同我講，原來我老竇出邊有咗個女人，仲生咗小朋友已經返緊小學，佢覺得我大個女已經係時候需要知道呢件事，我完全接受唔到。但我老母覺得冇咩所謂，隻眼開隻眼閉，或者可能話佢已經認清咗呢個男人本性就係個浪子。我明白小朋友係無辜，但係我自己都接受唔到佢嘅存在。 佢同我講咗之後咩事都冇變，生活繼續好似之前咁，老竇繼續對我好好，有咩需要嘅物品都會買俾我，又會帶我出去食飯，有時同朋友出街到夜晚都會接我。 會唔會係我嘅問題，其實我係唔係應該諗開啲，去接受呢件事，但係我真係覺得好過份，雖然由細到大我都睇得出我老母對佢已經冇愛，都知道老竇唔係乜嘢好男人，但係呢件事真係好難受。

#NSS個人 [Guest] 小妹今年中三，移民咗英國半年，我係香港成績算差，嚟到呢度阿媽叫我俾心機讀書，追返上嚟。我都好想認真讀書，亦都知父母帶我嚟英國唔容易。 我自問根本一啲自律性都冇，放學返到屋企就即刻攤係床度睇電話，書都唔會打開吓，咁前排我就知學校要考試，我都有坐係張書枱度溫咗幾日，但係根本唔入腦。我唔係對讀書冇興趣，我係對電子產品嘅興趣更大。 我父母會成日同我講大道理，我都會認真聽，但係聽完又唔知點做，次次聽完都覺得好內疚，覺得自己辜負咗佢哋期望。我細個好唔生性，根本唔知父母嘅苦衷，淨係識駁嘴，依家叫做懂事少少，又因為成績而覺得對唔住父母。 到依家我都覺得好迷茫，想認真讀書，但係我成日俾部電話吸引咗去。覺得我好對唔住自己人生，對唔住父母。

#NSS學校 [CFSS] Re #NSS220109F 學校就係1月14日正式宣佈將去迪士尼延遲到6月26日，並且取消24號嘅補假。我哋全校收到呢個消息之後都極之憤怒，當日已經有大量同學喺IG批評，點解一間學校可以咁隨便就取消一日假期，而且仲要漠視學生嘅反對聲音。明明一開學嗰陣就已經同教育局呈報晒所有嘅放假日子啦，唔可以話取消就取消喎。之前學校將水運會同陸運會仲有學校旅行直接取消同埋變咗上學日我哋已經冇擺上黎鬧你，不過今次去迪士尼我真係忍唔到囉。我哋明明本來可以去迪士尼玩嘅，而家你取消咗不單止，仲要罰我哋返學。知唔知好影響到我哋㗎？ 再者，本來樂團可以去迪士尼表演，佢哋之前已經練咗三個月，你而家走去將個表演延遲到六月，即係你想佢哋練八個月先可以去表演？有冇尊重過同學嘅努力呀？唔係你話延遲就大晒啊！校長你嚟試吓去到表演前三個禮拜先同你講要練多五個月先俾你表演，你會唔會開心呢？ 最後，我估到應該好多人話我哋「你24號咪又死死氣返學？做人得把口架」我想同大家講，校長其實有IG嘅，即係佢其實係睇到呢個post，唔該你睇吓學生對你間學校嘅不滿啊。 圖Link: https://ibb.co/TtX786C

#NSS社會 [Guest] 都過左兩年，其實大家點解仲要咁驚武漢肺炎？究竟係啲咩令到你地過左咁耐，依然認為疫情係咁嚴重？仍然戴住嗰死人口罩？真係諗唔通睇唔透。我知你班防疫撚開始打啲好公式嘅答案㗎喇，唔洗急喎我慢慢答你🤗 最常見到嘅不外乎1.「中左招惹埋屋企老人家點算啊」、2.「後遺症好嚴重啊，會肺纖維化」、3.「你望下美國死幾多人，就係因為唔戴口罩啊」、4.「變種病毒好恐怖，確診數字全球上升啊」等等嘅廢話，我一個一個咁答你。 1. 既然你咁驚惹埋比同自己住嘅老人家，咁你返到屋企有冇戴口罩？面對面食飯有冇戴口罩？有冇全家分開自己一個人咁食飯？你好似無咁做喎，咁其實你係咪想惹比你屋企啲老人家啊，咁不孝咁自私㗎，為左自己要食飯除低口罩。同埋你有冇鎖你啲老人家係屋企唔比佢出門口，你知㗎啦出面世紀大瘟疫啊，依兩年佢有冇同你依嗰孫仔孫女出街飲茶食飯啊，防疫破口喎，食飯要除口罩，點算好啊，肯定惹曬啲病毒比屋企人啦😵😵 2. 後遺症真係好嚴重，嚴重到C朗中招後仲可以跑得咁快。當日比黃藍大家庭通緝嘅李運強先生所謂確診後無接受任何醫治底下成功逃出醫院。就連侵爺咁老中左招幾日就無事，容光煥發。仲有好多好多確診左嘅人都係好似流感咁病一個禮拜就如常生活，無袁總統所提及嘅跳唔到幾多cm同嗰肺以後唔會康復。 3. 其實嗰口罩本身就阻擋唔到武漢肺炎，都唔知你班人其實究竟做乜。美國紅色州份之前取消防疫政策，確診數字係比藍色防疫州份少人確診。我諗唔明點解仲有咁多防疫撚迫人戴口罩。「啊我點知你有冇確診啊，戴返好嗰口罩啦又唔係要求啲乜」照你依嗰邏輯，如果你係男人我都可以叫你鎖住自己條撚，我唔知你會唔會強姦人，做多一步啫唔係要求啲乜。咁樣係唔合理㗎嘛，法律都有話「無罪推定」，你依家就「確診推定」。講真如果我對面條友無戴口罩對住我咳到噴口水，我贊成你私了佢啦，哇大佬啲口水飛曬埋黎塊面，咁對面好明顯病緊梗係可以叫佢戴口罩啦，好影響緊我阿嘛。再者，係你叫一個無病徵嘅人戴口罩嗰陣，你有冇了解過佢有冇病所以導致唔戴得口罩？皮膚敏感，心臟疾病，呼吸困難等等，你無了解就批鬥人唔戴口罩最自私嘅係你，你係無顧及他人嘅情況底下強迫人地服從你嘅命令。講真你覺得口罩有用點解仲要其他人戴啊，你自己戴住咪得囉。

#NSS家庭 [Guest] 小妹今年中二，阿媽超偏心阿哥。我知大家在錢方面都好敏感，但係我真係覺得好唔公平。阿哥讀好貴嘅學校但係好廢，成績又唔係好好，成日都唔合格。我讀政府學校，成績都幾好。但係我同阿哥嘅零用錢都唔同，我有150，本來阿哥都係咁，但後來阿媽加佢一倍以上。佢又冇需要用，係屋企食飯，有時自己買d嘢食，最多都只係用50 一個星期。我就唔同，我日日都要買飯食，放學又要自己比錢塔車，我唔買其他嘢，只係買比自己食都唔夠。點解可以咁唔公平？明明我需要多啲，但就係唔比我多d。但係都唔使因為話我唔識儲錢而唔比我，阿哥更加唔識，又唔見你話佢。我有甚麼唔夠佢好，點解要偏心同比較？ 有可能你哋覺得我好市儈，但係我真係有需要。希望我阿媽可以公平d。 Sor for 1999 第一次投稿

#NSS學校 [新界區中學] 小妹有一班朋友(大約幾個人)，突然好似比我個班有個人搶咗⋯ 講一講背景先，小妺F4，自己覺得同自己班嘅同學都傾得幾埋，有一堆女仔同我特別friend喺班上，但係我哋只會喺學校傾，返到屋企只會問學校啲嘢(功課做邊溫習溫邊個啲)，同埋我只係上堂同埋我喺課室嘅時候同佢哋friend，平時小息通常都係搵隔離班有幾個仲friend嘅女仔 但係最近有個又係我嗰班嘅女仔，佢本身同我啲fd關係都唔錯，但係同我就真係好一般。個人就唔太鍾意嗰個女仔，事緣係之前發生有啲事佢篤我背脊，搞到我硬食咗兩個缺點，自此就好憎佢😇 話說佢有一次同我個friend(嗰幾個人裏面嘅其中一個)一齊坐之後就成日一齊食飯，食食吓仲成日黐住我嗰班啲friend，我啲朋友本身我都唔算係成日搵佢，自從佢同左嗰幾個人一齊傾偈一齊玩之後佢哋好似更加無視我🤔。好似我有陣時想參與討論會問佢哋講咩，佢哋就話冇嘢。深鳩諗你哋係咪唔想同我講阿🤔😊 同埋有時自己會覺得點解有陣時好似成日俾啲人無視，係咪因為我唔係一個話題製造者🤔。但係問心我唔係咁小野講個喎。隔離班嗰幾個人當然冇無視我啦，問題係我喺我自己個班都要有朋友㗎嘛，如果我同佢哋傾唔埋就話冇都冇所謂啫，問題係我同佢哋又傾得，不過總係有種感覺係同學之上朋友未滿囉(除咗嗰幾個女仔算係稱得上普通朋友外)！同埋最緊要係我真係好想踢走嗰個人，各位我可以點做，不如講吓你哋平時會點樣挑撥離間😹

#NSS學校 [CFSS] [URGENT] 因疫情而把迪士尼樂園活動日改為正常上課日的中華基金中學，在變種病毒omicron威脅下將於農曆新年假期後全校六級恢復全日面授課，理由是全校學生剛好達到了70%疫苗接種的要求。 該校一直推崇全日復課，不斷催促學生更新疫苗接種記錄（包括發電郵、Google Classroom、家長日當面呼籲），甚至特意建立網頁讓學生即時登記疫苗接種紀錄。有指學校覺得提供更多課堂時數就能提高學習成效，不斷與其他學校比較課堂時數，生怕學生成績落後於人，也提醒學生未有接種疫苗將影響參加課後活動的機會。 正當師生擔心omicron疫情在香港愈演愈烈、甚至憂慮病毒被帶進校園，想cut走目前中四和中六的下午課節（該兩級早前已率先復課），創校校監為早已宣告放棄年輕人的伍淑清的中華基金中學，眼見疫苗接種率達70%，便急急要全日恢復面授課，未有諮詢師生，也不讓學生因疫情考量而選擇不接受全日復課的安排。

#NSS愛情 [GUEST ] 本人幾個月前鍾意左一個人，但係最近發現有兩個女also鍾意佢，仲有一個男嘅都鍾意佢，咁我係咪應該要放棄定點？求解答🙏🏻🙏🏻🥲

#NSS個人 [guest] 自己係一個好感性、情緒化嘅人,少少事就喊到收唔到聲。好容易就眼眶紅了,不懂隱藏情緒。成日淨係識為人著想而忘記自己,唔識拒絕人。又將唔開心嘅野收收埋埋,識安慰人唔識安慰自己,搞到自己好冇安全感。想揾人傾訴但係又怕其他人會唔鐘意。搞到自己唔敢同人敞開心扉,可以點好?有冇人可以留be frd,等我dm你傾偈? sorry放負 希望admin can po ig thx

#NSS愛情 [GUEST] 我讀緊女校 我F1嘅時候識咗個同班女仔 後來做咗friend 佢矮矮地 個樣生得好可愛 有時跳下跳下超cute 我開頭只係覺得純粹係朋友嘅感情 但係後嚟我覺得我對佢嘅感情變咗

#NSS個人 [guest] 小妹今年17下年就中學grad 講下男朋友先啦 有個同年拍左兩年嘅男朋友 一直都對我好好 我地依家係住附近嘅 隔離屋苑嗰種 如無意外行到最後嘅都會想係佢 而佢都一直對我好堅定（佢係嗰種好受女仔歡迎嘅類型）而細細個f2乜都唔知喺埋一齊過一陣就分開左

#NSS家庭 [Guest] Hello~小妹今年f2，有個小六嘅阿妹，想知道其他阿妹會唔會好似佢咁，定係其實係我嘅問題 正常嚟講，小六應該要揀中學，不過佢就無乜意識要溫下書。 而且，佢應都有責任幫下個小三嘅細佬。就例如平時我負責煮晏晝飯，佢哋應該開定抬嗰啲，但係佢地唔係分工，而係佢將啲野交哂畀細佬做，自己係度玩電話。之後，食完飯洗返自己個碗都好合理，但係佢一係就叫個仲未夠手長嘅細佬洗，一係就擺係度等我洗 每當我同佢溝通，又或者提點下佢嘅時候(因為佢唔做嘅話媽咪會鬧佢加鬧埋我)，佢都會用一種不滿嘅態度同說話方式應返我。我真係滿頭問號 但係佢同我講嘢，當我用正常方式應佢，佢又會好不滿同黑口黑面 好似佢哋宜家Zoom，我都會盡量保持安靜，但係我做功課溫書嗰陣，佢哋就超級嘈，叫佢哋靜返少少我要溫習，阿妹：講嘢咋嘛，唔得咩，然後又繼續嘈，我真係好無奈，就算同爹地媽咪傾過，佢都係咁 我只係想係同一間屋入面住可以開開心心咁相處，唔使父母操心，其實係我有問題定佢有問題？有咩方法可以解決呢個問題？

#NSS愛情 [guest] 小妹今年中四，讀女校，近排發現自己好似鍾意咗我個best friend（下稱F） 我同F每日都一齊搭巴士返學，成日傾計，亦都成日會有身體接觸，例如係攬下、撓下手咁樣，以前一齊食飯嘅時候會互相試吓大家嘅食物等。 以前一路都覺得朋友互相攬吓冇所謂，一直都唔抗拒F無啦啦同我有身體接觸。但係直至上個月，我唔知點解會想推開佢，但係其實我又唔抗拒，反而有少少怕醜，我就開始懷疑自己究竟係咪鍾意F。 但係我一直對一個喺補習社識嘅男仔有少少好感，所以我就只係懷疑我鍾意咗F，唔係太肯定。 想問吓大家，我對F究竟只係朋友嘅感覺、朋友嘅佔有慾，定係鍾意佢？ 同埋我應唔應該表白？因為我地form 4,

#NSS社會 [大埔卍慈中學] 好多人當19年嘅抗爭只係一個潮流，我唔可以話曬所有抗爭都只係因為浪漫主義走出嚟，但好明顯有一班人係當革命係潮流 當年大家走上街，有好多人走上街都冇諗過自己為乜，有啲人只係覺得對現況不滿，更加有啲人係因為潮流上街，但冇好清晰咁諗自己想要乜嘢，更加冇諗點樣為之“勝利”，煲底除口罩相擁，好撚開心咁然後呢，之後應該點建設一個民主社會，你連你想點都未計畫，仲點抗爭 浪漫主義真成撚日講埋曬啲煽情說話，乜撚嘢「今生只嫁前線巴」「齊上齊落」「兄弟爬山」乜乜柒柒，革命唔需要浪漫，你而家搞革命係為咗溝女？人哋革命真係拎條命搏，但有班人借勇武之名嚟溝女，食盡人血饅頭。而家呢，熱潮結束咗，港女去咗追mirror，變咗只嫁移民巴，外國護照巴，嫁狗 19年識屌黑警同政府，但武漢肺炎嘅時候竟然係幫港共執法，黃店屌人唔scan quote，唔戴口罩係藍絲，但當年又會支持抗爭 人哋選擇去幫襯乜嘢鋪頭，係人哋嘅自由，人哋投唔投票，或者投票俾邊個，係個人選擇，一個民主嘅社會係唔應該咁樣限制人嘅消費權，投票權。杯葛警察家人，佢父母衰唔等於佢全家都衰，屋企人係冇得揀，批鬥人全家同共產黨有咩分別，文革， 大躍進嗰陣就條全家批鬥 “你對唔對得住手足”

[GUEST] [Form6] （背景，dse預計自己 中：3-4 英 3-4 數 4-5 Geog 4-5

#NSS個人 [Guest] 希望admin可以出post thankyou . Hi大家好。小妹諗住留低呢篇文，就永遠唔好諗起呢件事。 有一日，我放咗學之後就好似之前咁搭巴士返屋企，嗰時都冇乜留意啲咩，落咗車就返屋企。嗰時我記得同朋友係ig 傾緊計，但係我冇諗過，就因為今次傾偈，就引起之後嘅事。 嗰晚，ig 有人dm我問我係唔係搭嗰㗎巴士，一開始我都不以為然，以為係朋友嘅惡作劇。但佢開始講埋我嘅落車時間、搭咩車返學放學、同埋去巴士同我傾計嗰個朋友嘅ig

#NSS個人 [wsc ] 我究竟做錯咗啲乜嘢，嗰天咁對我 本人今年讀中一，讀緊荃灣區嘅band 1學校 一.學業 話說上個禮拜就考完試，咁今過禮拜就理所當然就派卷la，第一科係派中文卷，我收咗份試卷返嚟之後就覺得勁失望，我攞咗55分（總分100）我嗰吓真係勁失望因為考中文嘅前一日我由放學就温到夜晚1點，温到勁熟，嗰陣時嘅我真係好想喊。（跳咗其他科）到數學科，考數學嘅前一日同樣瘋狂操卷，但係到考嗰日就做唔晒成份卷，所以收到試卷嗰分數唔合格！之後收到其他科試卷同樣都唔係幾好，一係合格但係退步咗一係就唔合格or爭幾分先至合格。之後我一路行返屋企喺到諗:我咁努力温書係為咗啲乜嘢？到最後嗰成績乜仲差過上次測驗，我返到屋企又等阿爸返到屋一齊食飯嘅時候，阿媽問我考試點樣，我冇答佢，直接攞本手冊俾佢（因為我寫晒啲分數落去）佢同阿爸一齊睇，阿媽第一時間塊臉就黑晒，唔出聲，跟住嗰吓我忍唔住滴咗幾滴眼淚，阿爸冇安慰我，反而同我講：我都預咗你今次會考得咁差㗎啦。我嗰陣時真係勁傷心。自己偷偷地喊咗出嚟，因為我唔想俾佢哋知。第二日我同我其中一個又唔係好frd 嘅frd一齊行返學（稱為佢做A）咁A本身成績都幾好，亦都幾鐘意曬命（好黑人憎）我本身都唔係幾想同佢做朋友，但係成日黐住我，好煩。講返正題，咁A就特登問我數學攞幾多分（佢知我做唔晒份卷）我就講我唔合格（唔想直接講個分數出嚟）A就開啟曬明模式，係咁講話自己考數學嘅前一日冇温到書，講到自己幾L勁，A亦都講自己數學嘅成績高過我哋班嗰啲男仔（因為喺我哋男仔數學好勁），但係當我另外一個frd就問佢中文幾多分嘅時候，佢就即刻講第二樣嘢（大家都知咩事la）呢啲人真係勁黑人憎lor勁想同佢絕交 二.人際關係